Yoˇhaˬ 6:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, tsawrhaq armaf mafma deuq, Yeqsur nae nar-awr gawr-eu tsawrhaq deuq-euq khoertav bisiq bimawr-eu jeq mr-euq gar ya’mawr-euq mirnae, aqyawf-euq maeqnan cantae ghae-euq mae.

Akha

² Tsawˇ haˬ aˇ maꞈ maꞈ ma aˬ yawꞈ-euˬ mehˬ nah caw teh gʼeh-euˬ meh. Aˬ jeˬ miˇ neh ehˇ naˇ, aˬ yawꞈ neh mˇ-euˬ zahˬ leˇ paˬ-ehˇ gʼeh-eu naˇ-eu tsawˇ haˬ deuˬ-ahˇ laˆ taˬ nehˬ-euˬ jeˬ-ahˇ aˬ yawꞈ maꞈ ya mawˇ haw-euˬ meh.

Yoˇhaˬ 6:2 ပူးပေါင်းရင်းမြစ်များ

Maꞈtehˬ 12:15

Yeqsur garkawv khoer-anr yasiq ngae, khoergar nae dov-ir-euq mae. Tsawrhaq ghawqmya’ni, aqyawf-euq maeqnan cantae luf-eu mae. Aqyawf, tsawrhaq dawqtawv luf-anr lavtaq naeq-euq mae.

Maꞈtehˬ 13:2

Khoerngae, tsawrhaq armaf mafma, aqyawf jawr-eu gar uiqle-euq mirnae, aqyawf, lawq-euq lafkhoer ur-ir-awr nuir ngae, tsawrhaq armaf mafma dawqtawvluf lan landzer yawfluf-eu mae.

Maꞈtehˬ 14:14

Yeqsur, lawq-anr nae dovlar ngae, tsawrhaq armaf mafma-anr ya’mawr-awr, aqyawf maf-anr ghawqshaq gaq-awr nae, aqyawf maf-euq lafkhoer nar-awr gawr-eu tsawrhaq deuq-anr lavtaq naeq-euq mae.

Maꞈtehˬ 8:1

Yeqsur, gawqjawq-anr nae zafkale ngae, tsawrhaq armaf mafma, aqyawf-euq maeqnan cantae luf-eu mae.

Maˬkuˆ 1:45

Aerkhawf, aqyawf dov-ir-awr nae garkawv khoer yawkhav-aer jakhawq ghae-awr, yawqgar navluf gaqdoe-ir taq-euq mae. Khoermirnae, Yeqsur, meuq-euq lafkhoer byacaevni maqpar urler nya-aer, bawrtsanq doeni jawrluf ngae, kharngeur-eu gar jawr-eu tsawrhaq deuq, aqyawf jawr-eu gar lar-euq mae.

Maˬkuˆ 6:33

Aerkhawf, aqyawfmaf dov-ir gar tsawrhaq baqmaf ya’mawr-awr, tsawrhaq ghawqmya’ni aqyawf-anr siqnya-euq mirnae, meuq yawqmeuq navluf-anr jawr-eu tsawrhaq deuq caevghae-awr, aqyawf maf-euq maeqhu nae caevkeuv taq-awr jawr-eu, Yeqsur jawr-eu gar lar-euq mae.

Yoˇhaˬ 11:47

Khoerngae, Paqliqsaer deuq hawr-eu pirma aqyuif deuq, khavma armur-anr kuruiq-awr aer-eu, “Aqduimaf aqjox-aer janr nmr-mq? Tsawrhaq heughaq-aq, bisiq bimawr-eu jeq ghawqmya’ni mrluf-eu mae.

Yoˇhaˬ 12:18

Yeqsur bisiq bimawr-eu jeq mr-euq garkawv, tsawrhaq armaf deuq yagaq-euq mirnae, aqyawf-anr ha-ir-euq mae.

Yoˇhaˬ 12:37

Yeqsur, aqyawf maf-euq maeqshi bisiq bimawr-eu jeq ghawqmya’ni janrmaeq-euq khawf, aqyawfmaf, aqyawf-anr maqjan-a.

Yoˇhaˬ 2:11

Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.

Yoˇhaˬ 2:23

Yeqsur, Yeqlursaqlaeq-anr jawr-awr Baqsaqkaq yawbui builuf ngae, tsawrhaq ghawqmya’ni aqyawf nae mr-euq bisiq bimawr-eu jeq-anr ya’mawr-awr, aqyawf-euq tsawrmyanr-anr janlar-euq mae.

Yoˇhaˬ 20:30

Sanqbof heupur-euq lafkhoer, aqdirma-aer Yeqsur nae aqyawf-euq zaqlanr deuq-euq maeqshi mr-euq bisiq bimawr-eu jeq, maq bofanr taq-euq ghawqmya’ni jav-eu mae.

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Yoˇhaˬ 6:14

Tsawrhaq khoerdeuq, Yeqsur nae bisiq bimawr-eu jeq mr-euq gar ya’mawr-awr aer-eu, “Tsawrhaq heughaq-aq, aqdir mirtsaq-euq khoertav oe taef-a laer aertaq-euq, Miqyaer gharduq ngaeqdan-eu khoerghaq ngar-a.”

Yoˇhaˬ 6:22

Nishawq ngae nan, mirnan-aq, landzer, lawq tiq lawq taef-aer jav-awr, lawq khoerlawq-anr zaqlanr deuq naeq-aer Yeqsur maqdziq-aer, zaqlanr deuq taef-aer dziq-awr dov-ir-euq garkawv, lan-euq nuibaq-anr jawryaf-euq tsawrhaq armaf khoermaf siqnya-eu mae.

Yoˇhaˬ 6:26

Yeqsur heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, nawmaf, ngaq-anr pov-eu-aq, bisiq bimawr-eu jeq ya’mawr-euq mirnae maqngeur-a. Aerkhawf, kaqmur tiqdaev yadzaq-euq mirnae pov-eu mae.

Yoˇhaˬ 6:30

Khoerngae, aqyawfmaf heulof-aer paraer-eu mae, “Tox-aer mar-iq, nga’maf ya’mawr-awr nawq-anr janlarni, nawr, bisiq bimawr-eu aqgeu jeq mr nmr-mq? Nawr gar aqgeu jeq mr-eu laer ghae-eu le?