Yoˇhaˬ 4:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Yeqsur, aqyawf maf-anr heulof-aer aernaeq-euq mae, “Ngaq-anr khaerghae lef-euq ghaq-euq nuima tsaqni mr-awr, aqyawf-euq gar mrluiv-eu heu-aq, ngaq-euq dzaqdzaq dawrdawr ma.

Akha

³⁴ Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Yoˇhaˬ 4:34 ပူးပေါင်းရင်းမြစ်များ

Jaceuq 40:8

Ngaq-euq Miqyaer-or! Ngar, nawq-euq nuima tsaq-eu jeq mr-eu laqkhaq caer-awr, Nawq-euq zanrdawq, ngaq-euq nuima-euq lafkhoer anrluf ma.”

Maꞈtehˬ 26:39

Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Maꞈtehˬ 3:15

Khoerngae, Yeqsur, aqyawf-anr aerkhof naeq-eu, “Nymq-mr pov-aq, mrnaeq laf-awq. Aqjeq mirnae aernar-aq, aqdui-euq gharduq tsaq-awr dawr-eu jeq dawqtawvluf byanlarni mr-eu tsaq taef-a.” Khoernar-aq, Yorhaq, aqyawf-anr bartirsaq mrnaeq-euq mae.

Maꞈtehˬ 9:19

Yeqsur tur-awr, khoerghaq-euq maeqnan cantae ghae-euq mae. Aqyawf-euq zaqlanr deuq khawf, cantae ghae-euq mae.

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Luˇkaꞈ 19:10

Tsawrhaq-euq Zaqyo-aq, byov-ir-euq tsawrhaq-anr pov-awr bibuq-ir-eu gharduq oe-euq ma.”

Luˇkaꞈ 2:49

Khoerngae, Yeqsur aerkhof naeq-eu, “Aqjeq mirnae ngaq-anr povluf-eu le? Ngar, ngaqDa-euq nymr-anr yajawr-eu mae laer nawnyaf maq siqnya-eu le lor?”

Yoˇhaˬ 17:4

Ngar, nawq nae ngaq-anr bimr-euq gar-anr mrluiv-awr, ngar, mirtsaq-euq khoertav nawq-euq yawshaef khanqsaer dovlarni mr-euq ma.

Yoˇhaˬ 19:28

Khoerngae, yawqjeq navluf mrluiv jir-euq ma laer Yeqsur siqnya-awr, Yaerbof-euq lafkhoer boftaq-euq dawq byanlarni aer-eu, “Ngar ircuf maef nya!”

Yoˇhaˬ 19:30

Yeqsur, caermyawvni ghae-eu aqgaf dzaruir khoer-anr myeufhaw ghaq-euq nar-aq aer-eu, “Mrluiv jir-euq ma!” Khoernar-aq, uqduq ga’mof-awr nae saf tsaev-euq mae.

Yoˇhaˬ 4:32

Yeqsur, aqyawf maf-anr aernaeq-eu, “Ngar, nawmaf maq siqnya-eu dzaq-eu jeq jav-eu ma.”

Yoˇhaˬ 5:30

“Ngar-aq, yawqha yawqha tiqjeq-iq maq mrnya nya. Ngaq nae yagaq-euq lof-aer ngar yarkhaq dar-eu ma. Ngaq nae yarkhaq dar-euq-aq, tsaq-awr dawr-eu ma. Aqjeq mirnae aernar-aq, ngar-aq, ngar nuima tsaq-eu lof-aer mr-eu maqngeur, ngaq-anr khaerghae lef-euq Aqda nuima tsaq-eu lof-aer mr-eu ma.

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Yoˇhaˬ 6:33

Aqjeq mirnae aernar-aq, Miqyaer-euq kaqmur-aq, mq-euq khoertav nae oe-awr, mirtsaqzaq-anr daef-eu jeq bif-eu khoerghaq mae.”

Yoˇhaˬ 6:38

Aqjeq mirnae aernar-aq, ngar mq-anr nae oe-euq-aq, ngaq-euq nuima tsaq-eu lof-aer mr-eu laer oe-euq maqngeur, ngaq-anr khaerghae lef-euq ghaq nuima tsaqni mr-eu laer oe-euq ma.

Yoˇhaˬ 8:29

“Ngaq-anr khaerghae lef-euq ghaq, ngaq naeq-aer jawrluf-eu mae. Aqda Miqyaer, ngaq-anr byaerdzae-awr, ngar tiq ghaq taef-aer maqbi jawrnaeq laf-a. Aqjeq mirnae aernar-aq, ngar aqmyanluf aqyawf nuima tsaq-eu heudeuq mrluf-eu ma.”

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.