Yoˇhaˬ 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, Yeqsur-aq, Yorhaq navmaqtser aqcawq-anr zaqlanr bi pyeuflar-awr, bartirsaq mrnaeq luf-eu mae laer Paqliqsaer deuq yagaq-euq gar Yeqsur yasiq-euq mae.

Akha

¹ Yoˇhaˬ-euˬ mehˬ nah caw teh-eu deuˬ myaˆ maˬ tseˇ, Yeˬsuˇ-euˬ mehˬ nah caw teh-awˇ Yeˬsuˇ neh iˇ cuꞈ bi shawˇ nehˬ-euˬ tsawˇ haˬ deuˬ myaˬ dzehˬ-eu gaˇ kawˆ, Paˬ liˬ sehˇ deuˬ-ahˇ gaˬ keuˆ leˇ-euˬ meh.

Yoˇhaˬ 4:1 ပူးပေါင်းရင်းမြစ်များ

Luˇkaꞈ 1:76

Aqli-or! Nawq-anr Gor duidui-eu ghaq-euq gharduq ngaeqdan-eu ghaq laer kur taef-a. Aqjeq mirnae aernar-aq, nawr-aq, Sanqpaq-euq maeqshi yale-awr, aqyawf-euq garma ya shardanr taef-a.

Luˇkaꞈ 19:31

‘Aqjeq mirnae tseuvpuir-eu le’ laer tiqghaqnav narhaqlar nar-aq, ‘Sanqpaq mawf-eu nya jer’ laer aernaeq-awq.”

Luˇkaꞈ 19:34

Khoerngae, aqyawfnyaf aer-eu, “Sanqpaq mawf-eu nya jer.”

Luˇkaꞈ 2:11

Iqnan, Daqbir-euq meuq-euq lafkhoer, nawmaf-anr Kakhof-eu ghaq Sanqpaq Kali daefle-euq mae.

Luˇkaꞈ 7:13

Sanqpaq Yeqsur, miqcoeq miqma khoerghaq-anr ya’mawr ngae, aqyawf-anr ghawqshaq hawgaq-awr, “Taqngoer” laer aernaeq-euq mae.

Luˇkaꞈ 7:19

Yorhaq, aqyawf-euq zaqlanr nyiq ghaq-anr kur-awr, Sanqpaq Yeqsur-anr heulof-aer bi narhaq-ir-euq mae. “Oe taef-a laer aer-eu khoerghaq, nawr ma lor? Maqngeur nar-aq, nga’maf yawqghaq yawq-anr parya dawq-a siq laq?”

Yoˇhaˬ 3:22

Khoernar-aq, Yeqsur hawr-eu aqyawf-euq zaqlanr deuq, Yurdav mirkhanq-anr ir-euq mae. Khoergar aqyawf, zaqlanr deuq naeq-aer jawr-awr, bartirsaq mrnaeq-euq mae.

Yoˇhaˬ 3:26

Aqyawfmaf, Yorhaq jawr-eu gar lar-awr aer-eu, “Laqbir-or! Hawsher-eq. Yawrdaq lawrbaq-euq nanrma dovkhaeq paw nawq naeq-aer jawr ngae, aqyawf-euq garkawv nawr sarkir kamq-euq khoerghaq, nymq-mr aqcawq-anr bartirsaq mrnaeq luf-eu mae. Tsawrhaq dawqtawvluf, aqyawf jawr-eu gar irluf-eu mae.”

Gʼaˬkʼehˇ 10:36

Miqyaer, aqyawf-euq dawq, Irsaqleqlav tsawrhaq-anr bif-euq mae. Dawq khoerdawq-aq, dawqtawv luf-euq Sanqpaq pyeuf-eu Yeqsur Kali-euq baqda’nae, nuisar biza’ni maeq-eu guiqlanqdawq mae.

1 Gawˇliˬtu 1:17

Kali, ngaq-anr Bartirsaq mrnaeq-ir laer khaer-euq maqngeur-a. Guiqlanqdawq maeq-ir laer khaernaeq laf-euq mae. Ngar guiqlanqdawq maeq ngae, Kali lafyaq-anr shirdan-euq khoer yawqngaef maqya pyeuf-ir ni, ngar, mirtsaq-anr taf-eu zaqsiq tsawrganr deuq-anr maqghoeni maeq-eu ma.

1 Gawˇliˬtu 15:47

Yawbae ghaq-aq, mirtsaq shaqjaev-anr nae pyeufdov lar-awr mirtsaq-anr taf-eu mae. Nyiq ghaq tiqghaq-aq, mq-anr nae oe-euq mae.

1 Gawˇliˬtu 2:8

Mirtsaq heu-euq khoertav uvlanr-eu deuq, tiqghaq-iq zaqsiq tsawrganr heu-anr maq siqnya-a. Aqyawfmaf siqnya lawnmr-aq, yawshaef khanqsaer huiq-eu Sanqpaq-anr maq tafsaef-ar.

2 Gawˇliˬtu 4:5

Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

Yaˬkoˆ 2:1

Ngaq-euq aqyuif aqnyir deuq-or! Nawmaf myavpyawq huiqnyir tser-eu jeq hawr-eu yawshaef khanqsaer huiq-eu Sanqpaq Yeqsur Kali-anr jan-eu jeq taq nyaefbawv.

Panmaeq 19:16

Aqyawf-euq paerkhanq paermanr hawr-eu shaqpyaq-anr heulof-aer boftaq-euq mae, “Sanqpaq deuq-euq Sanqpaq, Yawsanr deuq-euq Yawsanr.”