Yoˇhaˬ 3:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoerngae, Yeqsur heulof-aer aerkhof naeq-euq mae, “Ngar, nawq-anr aqdir aqmar aernaeq nyar, tsawrhaq tiq ghaq ircuf hawr-eu muiq-eu Saflar-anr nae daefle-euq maqngeur nar-aq, Miqyaer uvlanr-eu lafkhoer maqya urler-a.

Akha

⁵ Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Iˇ cuꞈ laꞈ kʼoeˇ hawˇ-eu Yaw sahˇ Miˬyehˇ laꞈ kʼoeˇ maˬ dehꞈ le-euˬ tsawˇ haˬ-aˬ, Miˬyehˇ Miˇ kʼahˬ laꞈ kʼoeˇ maˬ ya uˇ leˇ-a.

Yoˇhaˬ 3:5 ပူးပေါင်းရင်းမြစ်များ

Maꞈtehˬ 18:3

heulof-aer aer-eu mae: “Ngar, nawmaf-anr aqdirma-aer aernaeq nyar, nawmaf nuima par-awr, zaq yawnyir lof-aer maq pyeuflar nar-aq, mqtav mirkhanq-anr tiqjeq ghaenae-iq maqya urler-a.

Maꞈtehˬ 19:24

Ngar, nawmaf-anr par aernaeq nyar, lawtaw, aqghawf-euq lafnaq-anr urler-eu-aq, smrmuiq smrbaw deuq, Miqyaer uvlanr-eu jeq-euq lafkhoer urler-eu navmaqtser awq-eu mae.”

Maꞈtehˬ 21:31

Zaqyo khoer nyiq ghaq-anr nae, aqda-euq nuima tsaqni mr-eu aqgeu ghaq nya?” Aqyawfmaf aerkhof-eu, “Aqyuif ghaq mir-a.” Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, jeq taf-eu tsawrhaq hawr-eu mawrdo anq-eu tsawrhaq deuq-aq, nawmaf-euq jeqhu nae Miqyaer uvlanr-eu jeq-euq lafkhoer urler luf-eu mae.

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

Maꞈtehˬ 5:20

Ngar, nawmaf-anr aernaeq nyar, nawmaf-euq tsaq-awr dawr-eu jeq, zanr maeq-eu deuq hawr-eu Paqliqsaer deuq navmaqtser maq myaqdzaeq nar-aq, mqtav mirkhanq-euq lafkhoer tiqjeq ghaenae-iq maqya urler-ar.

Maˬkuˆ 10:14

Yeqsur khoer-anr ya’mawr ngae, nuikhanr tiqpawf-iq maqshir-aer, aqyawf maf-anr heulof-aer aernaeq-euq mae, “Zaqdeuq-anr taq lavtsoeq, aqyawfmaf, ngar jawr-eu gar bilar-awq. Aqjeq mirnae aernar-aq, Miqyaer uvlanr-eu jeq-aq, heulof-aer ghae-eu tsawrhaq deuq-euq gharduq mae.

Maˬkuˆ 16:16

Jan-awr bartirsaq hageuf-eu tsawrhaq-aq, kakhof-eu jeq za taef-a. Aerkhawf, maqjan-eu tsawrhaq-aq, yarkhaq dar-eu gar yadaq taef-a.

Maˬkuˆ 9:47

Nawq-euq myavnuiv tiq nuiv nawq-anr iqbax bi mrlaeq lar-eu nar-aq, kheufdov dzae-awq. Myavnuiv nyiq nuivluf tsof-awr, shiqbuir lanma-anr bi bafanr ghae-eu navmaqtser, myavnuiv tiq nuiv taef-aer tsof-awr, Miqyaer uvlanr-eu jeq-euq lafkhoer ya urler-eu-aq muiqdzaeq taef-a.

Luˇkaꞈ 13:24

“Nawmaf ghovkhaeq yawsuf-anr ya urlerni laejae-awq. Ngar, nawmaf-anr aernaeq nyar, tsawrhaq ghawqmya ghaq urler-eu laer laejae-eu khawf, maq urler nya-ar.

Luˇkaꞈ 13:3

Ngar, nawmaf-anr aernaeq nyar, khoerlof-aer maqngeur-a. Nawmaf khawf maq noeqpov maq noeqpar nar-aq, nawmaf dawqtawvluf khoerlof-aer yacawv-ir taef-a.

Luˇkaꞈ 13:5

Ngar, nawmaf-anr aernaeq nyar, khoerlof-aer maqngeur-a. Nawmaf khawf maq noeqpov maq noeqpar nar-aq, dawqtawvluf khoerlof-aer yacawv-ir taef-a.”

Yoˇhaˬ 1:13

Tsawrhaq khoerdeuq, Miqyaer-euq zaq pyeuflar-euq-aq, tsawrjeuq tsawrca baqda’nae maqngeur-a. Shiqshaq-euq nuinoeq nuilov baqda’nae khawf maqngeur-aer, tsawrhaq-euq nuinoeq nuilov baqda’nae khawf maqngeur-a. Miqyaer nuima tsaq-eu baqda’nae pyeuflar-euq mae.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Yoˇhaˬ 3:4

Nirgawrdiq, aqyawf-anr narhaq-eu, “Mawqle-euq tsawrhaq aqjox-aer par daefpov par daefpar nya-eu la? Aqma-euq uqmav-euq lafkhoer urler-awr nyiq pov tiq pov par daefle nya-eu la laq?”

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Lormav 14:17

Aqjeq mirnae aernar-aq, Miqyaer uvlanr-eu jeq-aq, dzaq-awr dawr-eu garkawv maqngeur-a. Yawshawr Saflar-euq lafkhoer, tsaq-awr dawr-eu, nuisar of-eu hawr-eu laqkhaq caer-eu jeq pyeuf-eu mae.

Lormav 8:2

Aqjeq mirnae aernar-aq, muiq-eu Saflar-euq zanr-aq, ngaq-anr Yeqsur Kali-euq lafkhoer daef-eu jeq bif-awr, iqbax hawr-eu shir-eu jeq-euq zanr-anr nae bibuq-ir naeqlaf-euq mae.

1 Gawˇliˬtu 15:50

Aqyuif aqnyir deuq-or! Ngar, nawmaf-anr aernaeq nyar. Shiq hawr-eu shaqjir-aq, Miqyaer uvlanr-eu jeq-anr maqza nya-a. Buf-ir shov-ir nya-eu jeq khawf, maqbuf maqshov-ir nya-eu jeq maqza nya-a.

1 Gawˇliˬtu 2:12

Aqdui-aq, mirtsaq heu-euq saflar zataq-euq maqngeur, Miqyaer nae aqdui-anr yawqngaef-aer bifnaeq laf-euq guiqlanq deuq-anr siqnya’ni, Miqyaer-anr nae oe-euq muiq-eu Saflar zataq-euq ma.

1 Gawˇliˬtu 6:11

Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

Gaˬlaˬtiˆ 6:15

Aqjeq mirnae aernar-aq, Yeqsur Kali-euq lafkhoer bawkhov maeqdzaq yaeq-eu hawr-eu maqyaeq-eu heu-aq, tiqjeq-iq gardanr tsoeq-eu maqngeur-a. Tsawrhaq yawshuif pyeuflar-eu taef-aer gardanr tsoeq-eu mae.

Eˇpeˇsu 5:26

Kali, Kalizaq armur-anr lavshawr-awr tsiqshawr-eu laer, ircuf nae tsiqshawr-eu lof-aer Yaerdawq-anr ghoe-awr nae lavshawr-eu mae.

1 Beˬtuˆluˆ 1:2

Nawmaf-aq, Yeqsur Kali-euq dawq narhaq geuf-awr, aqyawf-euq shiq nae bi byavshaeq-eu gharduq, arhuba nae, Aqda Miqyaer siqnya-eu lafkhoer tserdov taq-awr, muiq-eu Saflar nae lavshawr naeq-euq tsawrhaq deuq mae. Nawmaf-euq khoertav guiqlanq yawdzanr hawr-eu nuisar of-eu jeq myaqlar luf-ur.

1 Beˬtuˆluˆ 3:21

Khoerlof-aer durni, nymq-mr aqdui, bartirsaq mr-awr yabuq-ir-euq ma. Bartirsaq mrnaeq-euq laer aer-eu-aq, mawrdo-anr laef-eu jawflafni ghae-eu jeq-anr tsiqshawr-euq gar aer-eu maqngeur-a. Yeqsur Kali ghofdaef lar-euq gar ghoe-awr, Miqyaer-euq maeqshi zaqsiq nuisiq shawrlar-euq gar aer-eu mae.

1 Yoˇhaˬ 2:29

Kali-aq, tsaq-awr dawr-eu ghaq mae laer nawmaf siqnya nar-aq, tsaq-awr dawr-eu jeq kharmr-eu tsawrhaq yawqghaq navluf, aqyawf-anr nae daefle-euq mae laer nawmaf yasiq taef-a.

1 Yoˇhaˬ 5:1

Yeqsur-aq, Kali mae laer kharjan-eu tsawrhaq, Miqyaer-anr nae daefle-euq mae. Miqyaer-anr khargaq-eu tsawrhaq-aq, Aqda Miqyaer-anr nae daefle-euq ghaq-anr khawf gaq taef-a.