Yoˇhaˬ 2:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.

Akha

¹¹ Yeˬsuˇ-aˬ, Gaˬliˬlehˇ miˇ kʼahˬ Gaˬnaˬ meuˬ-ahˇ kʼaˆ jeˬ-ehˇ gʼeh-eu yaw beh hmˬ kʼoeˇ loꞈ-ehˇ mˇ mehˬ nehˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-awˇ, aˬ yawꞈ-euˬ zaˬ lahˇ deuˬ aˬ yawꞈ-ahˇ jah laˇ-euˬ meh.

Yoˇhaˬ 2:11 ပူးပေါင်းရင်းမြစ်များ

Jaceuq 72:19

Yawshaef khanqsaer huiq-eu aqyawf-euq tsawrmyanr-anr, Mqmaq maqbyav yarzir jaceuq-awq! Aqyawf-euq yawshaef khanqsaer mirtsaq tanqkhawr dawqtawv luf-euq khoertav byan luf-ur. Aqmeq. Aqmeq.

Jaceuq 96:3

Tsawrjeuq tsawrca-euq ghanrcae, aqyawf-euq yawshaef khanqsaer-euq garkawv, dawqdzawr mr-awr; Tsawrhaqzaq dawqtawv luf-anr aqyawf-euq zanqler paq-aer ghae-eu jeq dzawrnaeq-awq.

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Yoˇhaˬ 1:43

Nishawq ngae nan, Yeqsur, Gaqliqlaer mirkhanq-anr irmawf-eu mae. Aqyawf, Pirlirpuv-anr tanqpuq-awr aernaeq-eu, “Ngaq-euq maeqnan cantae lar-awq.”

Yoˇhaˬ 1:50

Khoerngae, Yeqsur, aqyawf-anr aernaeq-eu, “ ‘Nawr siqguq arbawr-euq uqmov jawrluf ngae’ nae, ngar, nawq-anr mawr-euq ma laer ngar aer-eu mirnae nawr jan-eu le lor? Nawr heunav maqtser huiq-eu jeq-anr khawf ya’mawr taef-a.”

Yoˇhaˬ 10:41

Tsawrhaq ghawqmya’ni aqyawf jawr-eu gar oe-awr aer-eu, “Yorhaq-aq, bisiq bimawr-eu tiqjeq-iq maqmr-aq. Aerkhawf, Yorhaq nae heughaq-euq garkawv aertaq-euq jeq dawqtawvluf tsaq duidui nga.”

Yoˇhaˬ 11:15

Nawmaf janni, ngar khoergar maqjawr-euq mirnae, nawmaf-euq gharduq ngar laqkhaqcaer nya. Aerkhawf, nymq-mr-aq, dzawq, aqduimaf, aqyawf jawr-eu gar le kar-eur.”

Yoˇhaˬ 11:47

Khoerngae, Paqliqsaer deuq hawr-eu pirma aqyuif deuq, khavma armur-anr kuruiq-awr aer-eu, “Aqduimaf aqjox-aer janr nmr-mq? Tsawrhaq heughaq-aq, bisiq bimawr-eu jeq ghawqmya’ni mrluf-eu mae.

Yoˇhaˬ 12:18

Yeqsur bisiq bimawr-eu jeq mr-euq garkawv, tsawrhaq armaf deuq yagaq-euq mirnae, aqyawf-anr ha-ir-euq mae.

Yoˇhaˬ 12:37

Yeqsur, aqyawf maf-euq maeqshi bisiq bimawr-eu jeq ghawqmya’ni janrmaeq-euq khawf, aqyawfmaf, aqyawf-anr maqjan-a.

Yoˇhaˬ 12:41

Irsaqyar, Kali-euq yawshaef khanqsaer-anr ya’mawr-awr ya’ngaeq-euq mirnae, aqyawf-euq garkawv khoerlof-aer aer-eu mae.

Yoˇhaˬ 14:13

Zaqyo-euq baqda’nae Aqda yawshaef khanqsaer za’ni, nawmaf, ngaq-euq tsawrmyanr-anr ghoe-awr kharshar-eu yawqjeq navluf ngar bi pyeuflar ma.

Yoˇhaˬ 16:27

Ngar, Aqda jawr-eu gar nae oe-euq mae laer nawmaf jan-awr, ngaq-anr gaq-eu mirnae, Aqda, aqyawfghaq khawf nawmaf-anr gaq-eu mae.

Yoˇhaˬ 16:30

Tiqghaq-iq nawq-anr tiqjeq-iq narhaq-eu laer maqya ghaeni, nawr yawqjeq navluf-anr siqnya nga laer nymq-mr nga’maf siqduq-euq ma. Khoermirnae, nawr, Miqyaer jawr-eu gar nae oe-euq ngar-a laer nga’maf jan ma.”

Yoˇhaˬ 2:1

Smq nan byanlar ngae, Gaqliqlaer mirkhanq-anr jav-eu Gaqnaq pu-anr oermr bar-eu jav-eu mae. Yeqsur-euq aqma khawf khoergar jawrluf-eu mae.

Yoˇhaˬ 2:23

Yeqsur, Yeqlursaqlaeq-anr jawr-awr Baqsaqkaq yawbui builuf ngae, tsawrhaq ghawqmya’ni aqyawf nae mr-euq bisiq bimawr-eu jeq-anr ya’mawr-awr, aqyawf-euq tsawrmyanr-anr janlar-euq mae.

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Yoˇhaˬ 4:3

Aqyawf, Yurdav mirkhanq-anr nae dov-ir-awr, Gaqliqlaer mirkhanq-anr ghofler-euq mae.

Yoˇhaˬ 4:46

Khoernar-aq, Yeqsur, aqyawf nae ircuf-anr aqgaf dzaruir lavpyeuf-euq Gaqliqlaer mirkhanq-anr jav-eu Gaqnaq pu-anr parle-euq mae. Khoerngae, tsawrhuiq tsawrma tiq ghaq-euq zaqyo, Gaqbeqneqoq-anr jawr-awr narluf-eu mae.

Yoˇhaˬ 4:54

Heu-aq, Yeqsur, Yurdav mirkhanq-anr nae Gaqliqlaer mirkhanq-anr lekeuv-awr, bisiq bimawr-eu jeq mr-euq nyiq jeq tiqjeq mae.

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Yoˇhaˬ 6:14

Tsawrhaq khoerdeuq, Yeqsur nae bisiq bimawr-eu jeq mr-euq gar ya’mawr-awr aer-eu, “Tsawrhaq heughaq-aq, aqdir mirtsaq-euq khoertav oe taef-a laer aertaq-euq, Miqyaer gharduq ngaeqdan-eu khoerghaq ngar-a.”

Yoˇhaˬ 6:2

Khoerngae, tsawrhaq armaf mafma deuq, Yeqsur nae nar-awr gawr-eu tsawrhaq deuq-euq khoertav bisiq bimawr-eu jeq mr-euq gar ya’mawr-euq mirnae, aqyawf-euq maeqnan cantae ghae-euq mae.

Yoˇhaˬ 6:26

Yeqsur heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, nawmaf, ngaq-anr pov-eu-aq, bisiq bimawr-eu jeq ya’mawr-euq mirnae maqngeur-a. Aerkhawf, kaqmur tiqdaev yadzaq-euq mirnae pov-eu mae.

Yoˇhaˬ 6:30

Khoerngae, aqyawfmaf heulof-aer paraer-eu mae, “Tox-aer mar-iq, nga’maf ya’mawr-awr nawq-anr janlarni, nawr, bisiq bimawr-eu aqgeu jeq mr nmr-mq? Nawr gar aqgeu jeq mr-eu laer ghae-eu le?

Yoˇhaˬ 7:31

Tsawrhaq khoerdeuq-euq lafkhoer ghawqmya ghaq aqyawf-anr janlar-awr aer-eu, “Kali oe ngae, tsawrhaq heughaq nae mr-euq bisiq bimawr-euq deuq myavmaqtser aqyawf mr taef-a lor?”

Yoˇhaˬ 9:16

Khoermirnae, Paqliqsaer tiqpavnav deuq aer-eu, “Tsawrhaq heughaq-aq, Miqyaer jawr-eu gar nae oe-euq maqngeur luf-a. Aqjeq mirnae aernar-aq, aqyawf landaw jawrnan maqtawq-eu beu.” Yawqdeuqyawq aer-eu, “Iqbaxzaq tiq ghaq heulof-aer ghae-eu bisiq bimawr-eu jeq aqjox-aer janrnya-eu?” Khoerngae, aqyawf maf-euq yawkaq armur pav-ir-euq mae.

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

2 Gawˇliˬtu 4:17

Nymq-mr nga’maf tiqkhaeq-euq lafkhoer ya daqluf-eu pyarsawvni ghae-eu shaqzanq heudeuq-aq, maq ciqcaev nya-eu myaq duidui-awr, mqmaq maqbyav yarzir, huiq-eu yawshaef khanqsaer-anr nga’maf-anr biza-eu gharduq mrluf-eu jeq pyeuf-eu mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

1 Yoˇhaˬ 5:13

Ngar garkawv heudeuq, Miqyaer-euq Zaqyo tsawrmyanr-anr jan-eu nawmaf-anr sanqbof bofanr lef-eu-aq, nawmaf mqmaq maqbyav yarzir daef-eu jeq za-euq mae laer yasiq-awr, Miqyaer-euq Zaqyo-euq tsawrmyanr-anr bi jantsaf lef-eu gharduq ma.