Yoˇhaˬ 17:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Akha

³ Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 17:3 ပူးပေါင်းရင်းမြစ်များ

Jaceuq 9:10

Nawq-euq tsawrmyanr-anr siqnya-eu tsawrhaq deuq, nawq-anr ghoe taef-a. Aqjeq mirnae aernar-aq, Ya’we Miqyaer-or! Nawq-anr pov-eu tsawrhaq-anr, nawr maq byaerdzae naeq-a.

Dawqdaq 8:35

Aqjeq mirnae aernar-aq, Ngaq-anr povmawr-euq tsawrhaq-aq, daef-eu jeq povmawr-awr, Ya’we Miqyaer nuima tsaq-eu jeq za-euq mae.

Maˬkuˆ 9:37

“Ngaq-euq tsawrmyanr-euq uqmov heulof-aer ghae-eu zaq yawnyir tiq ghaq-anr hageuf-eu tsawrhaq-aq, ngaq-anr hageuf-eu mae. Ngaq-anr khar hageuf-eu tsawrhaq-aq, ngaq-anr hageuf-eu maqngeur-a, ngaq-anr khaerghae lef-euq ghaq-anr hageuf-eu mae.”

Luˇkaꞈ 9:48

Khoernar-aq, aqyawf, aqyawf maf-anr aernaeq-eu, “Ngaq-euq tsawrmyanr-euq uqmov zaq yawnyir heughaq-anr hageuf-eu tsawrhaq-aq, ngaq-anr hageuf-eu mae. Ngaq-anr hageuf-eu tsawrhaq-aq, ngaq-anr bi’oe-euq ghaq-anr hageuf-eu mae. Nawmaf dawqtawv luf-euq lafkhoer aqcawq navmaqtser nyirdzaeq-eu ghaq-aq, aqcawq navmaqtser huiqdzaeq-eu ghaq pyeuflar taef-a.”

Yoˇhaˬ 10:36

Aqda nae tserdov-awr, mirtsaq-euq khoertav bi’oe-euq khoerghaq, ‘Ngar-aq, Miqyaer-euq Zaqyo ma’ laer aer-eu mirnae, nawmaf, ‘Nawr, Miqyaer-anr yaeqbawq saerlu-aer aer-eu nga’ laer aer-eu le lor?

Yoˇhaˬ 11:42

Nawr, ngaq-euq shardawq-anr aqmyanluf narhaq mae laer ngar siqnya ma. Aerkhawf, nawq nae ngaq-anr khaerghae lef-euq nga laer, heugar yawfluf-eu tsawrhaq deuq janlarni, aqyawf maf-euq gharduq ngar heulof-aer aer-eu ma.”

Yoˇhaˬ 14:26

Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

Yoˇhaˬ 17:18

Nawq nae ngaq-anr mirtsaq-euq khoertav khaerghae lef-euq lof-aer, ngar khawf aqyawf maf-anr mirtsaq-euq khoertav khaerghae-euq ma.

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

Yoˇhaˬ 17:23

Ngar, aqyawf maf-euq lafkhoer jawr-awr, nawr, ngaq-euq lafkhoer jawr-eu mirnae, aqyawfmaf nuima taf-awr gm-eu byanlar taef-a. Khoerngae, nawq nae ngaq-anr khaerghae lef-awr, nawr, ngaq-anr gaq-eu lof-aer, aqyawf maf-anr khawf gaq-eu ngar-a laer, mirtsaqzaq siqnyalar taef-a.

Yoˇhaˬ 17:25

Tsaq-awr dawr-eu Aqda-or! Mirtsaqzaq, nawq-anr maq siqnya-eu khawf, ngar, nawq-anr siqnya ma. Nawq nae ngaq-anr khaerghae lef-euq mae laer tsawrhaq heudeuq siqnya-eu mae.

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Yoˇhaˬ 3:17

Aqjeq mirnae aernar-aq, mirtsaqzaq-anr yarkhaq bidar-eu laer Miqyaer, aqyawf-euq Zaqyo-anr mirtsaq-euq khoertav khaerghae lef-euq maqngeur-a. Mirtsaqzaq, aqyawf-euq baqda’nae kakhof-eu jeq za’nya’ni khaerghae lef-euq mae.

Yoˇhaˬ 3:34

Miqyaer nae khaerghae lef-euq ghaq-aq, Miqyaer-euq dawq ngaeq-eu mae. Aqjeq mirnae aernar-aq, Miqyaer, aqyawf-anr Yawshawr Saflar maqpaeq maq savjir coer-eu gar keuvni bif-eu mae.

Yoˇhaˬ 5:44

“Nawmaf-euq yawkaq tiqghaq tirghaq taqhuiq taqmanr-eu jeq povluf-awr, nawmaf, aqyawf tiq ghaq taef-aer Miqyaer pyeuf-eu ghaq-anr nae oe-euq taqhuiq taqmanr-eu jeq-anr maqpov-eu mirnae, nawmaf, ngaq-anr aqjox-aer jannya nmr-mq?

Yoˇhaˬ 6:57

Daefluf-eu Aqda Miqyaer, ngaq-anr khaerghae lef-awr, ngar khawf aqyawf-euq baqda’nae daefluf-eu ma. Khoerlof-aer durni, ngaq-euq shaqjir dzaq-eu tsawrhaq khawf, ngaq-euq baqda’nae yadaef taef-a.

Yoˇhaˬ 7:29

Aerkhawf, ngar-aq, aqyawf-anr siqnya ma. Aqjeq mirnae aernar-aq, aqyawf, ngaq-anr khaerghae lef-awr, ngar-aq, aqyawf jawr-eu gar nae oe-euq ma.”

Yoˇhaˬ 8:19

Khoerngae, aqyawfmaf, aqyawf-anr aernaeq-eu, “NawqDa aqgeugar jawr-eu la?” Yeqsur aerkhof naeq-eu, “Nawmaf, ngaq-anr maq siqnya-a, ngaqDa-anr khawf maq siqnya-a. Nawmaf, ngaq-anr siqnya lawnmr-aq, ngaqDa-anr khawf siqnya taef-a.”

1 Gawˇliˬtu 15:34

Nawmaf, tsaq-awr dawr-eu paw uqnoeq beurlar-awr, iqbax taqmr. Aqjeq mirnae aernar-aq, tsawrhaq tiqpavnav deuq Miqyaer-anr siqnya-eu tsawrganr maqanr nga. Ngar, nawmaf bi shafdawr-eu laer heulof-aer aer-eu ma.

1 Gawˇliˬtu 8:4

Tanqpanq aqma mawrkawr-anr lawrnaeq-euq dzaqdzaq dawrdawr dzaq-awr dawr-eu garkawv-aq heulof-aer mae. Mirtsaq-euq khoertav jav-eu tanqpanq aqma mawrkawr-aq, tiqjeq-iq gardanr maqtsoeq-eu mrmyawq mae laer aqdui siqnya-eu ma. Miqyaer tiq ghaq taef-aer jawr-awr, miqyaer nuighaq maqjawr-a laer khawf aqdui siqnya ma.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Piˇliˇpiˆ 3:10

Ngar, Kali hawr-eu aqyawf ghofdaef lar-euq baoq-anr siqnya mawf-awr, aqyawf-euq shaqzanq-anr daqcaw mawf-eu uqtaf, aqyawf shir-euq lof-aer shirmawf mir-a.

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

1 Teˇsaˬloˇni 1:9

Nga’maf, nawmaf jawr-eu gar lar ngae, aqjeq pyeuflar-euq garkawv hawr-eu daefluf-awr aqdir aqmar Miqyaer pyeuf-eu Miqyaer-euq gar mrnya’ni, nawmaf, tanqpanq aqma mawrkawr-anr byaerdzae yaf-awr, Miqyaer jawr-eu paw ghoflar-euq garkawv deuq aqcawq jaluf-eu mae.

2 Teˇsaˬloˇni 1:8

Miqyaer-anr maq siqnya-eu tsawrhaq-anr hawr-eu aqdui-euq Sanqpaq Yeqsur-euq guiqlanq dawq-anr maq narhaq geuf-eu tsawrhaq-anr yarkhaq darnaeq taef-a.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

2 Beˬtuˆluˆ 1:2

Miqyaer hawr-eu aqdui-euq Sanqpaq Yeqsur-anr siqnya-eu lafkhoer, guiqlanq yawdzanr hawr-eu nuisar of-eu jeq, nawmaf-euq lafkhoer myaqlar luf-ur.

2 Beˬtuˆluˆ 1:3

Aqdui-anr yawshaef khanqsaer hawr-eu yawmuiq yawjaq jeq-anr ghoe-awr nae, kur-euq ghaq-anr aqdui siqnya-eu mirnae, Miqyaer, aqyawf-euq baoq-anr ghoe-awr nae, Miqyaer-anr yawzeu baw-awr, yawdaef daef-eu gar taf-eu yawqjeq navluf, aqdui-anr bifnaeq laf-euq mae.

2 Beˬtuˆluˆ 1:8

Nawmaf-euq lafkhoer heudeuq anr-awr myaqlarluf nar-aq, aqdui-euq Sanqpaq Yeqsur Kali-anr siqnya-eu mirnae, nawmaf maqbaw maqza le-aer, arsiq maq siqle-eu tsawrhaq maqpyeuf-ar.

1 Yoˇhaˬ 1:2

Daef-eu jeq khoer byacaevni dovlar-euq gar nga’maf ya’mawr-awr sarkir kamq-eu ma. Khoeruqtaf, yawbae, Aqda Miqyaer naeq-aer jawr-euq li-eu maqbawni daef-eu jeq khoer, nga’maf-anr bimawr naeqlaf-euq garkawv khawf, nawmaf-anr dzawrnaeq-eu ma.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Yoˇhaˬ 2:23

Zaqyo-anr khar byaerdzae-eu ghaq-aq, Aqda Miqyaer-anr maqtaf-a. Ngar, Zaqyo-anr jan ma laer aer-eu ghaq-aq, Aqda Miqyaer-anr khawf taf-eu mae.

1 Yoˇhaˬ 4:6

Aqdui-aq, Miqyaer-anr taf-eu tsawrhaq ma. Miqyaer-anr siqnya-eu tsawrhaq-aq, nga’maf-euq dawq narhaq-eu mae. Miqyaer-anr maqtaf-eu tsawrhaq-aq, nga’maf-euq dawq maq narhaq-a. Khoermirnae, yawtsaq yawdawr jeq-anr taf-eu Muiq-eu Saflar hawr-eu yawbanq yawlaeq jeq-anr taf-eu saflar-anr aqdui siqnya-eu ma.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.