Yoˇhaˬ 17:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Akha

² Aˬ jeˬ miˇ neh ehˇ naˇ, nawˬ neh aˬ yawꞈ-ahˇ kʼaˇ a nehˬ taˬ-euˬ tsawˇ haˬ dawˬ tawˆ luꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ biꞈ nya ni, miˇ tsaˬ tsawˇ jeuˬ dawˬ tawˆ luꞈ kʼoeˇ taˆ aˬ yawꞈ-ahˇ nawˇ baoˬ biꞈ taˬ-euˬ meh.

Yoˇhaˬ 17:2 ပူးပေါင်းရင်းမြစ်များ

Jaceuq 110:1

Ya’we Miqyaer, ngaq-euq Sanqpaq-anr aernaeq-eu, “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.”

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Yoˇhaˬ 17:6

“Mirtsaq-euq khoertav nae nawr, ngaq-anr bifnaeq laf-euq tsawrhaq-anr, ngar, nawq-euq tsawrmyanr byacaevni bisiq-euq ma. Aqyawfmaf, nawq-euq tsawrhaq pyeuf-awr, nawq nae ngaq-anr bifnaeq laf-euq mae. Aqyawfmaf khawf nawq-euq dawq-anr mrcaw-euq mae.

Yoˇhaˬ 17:9

“Ngar, mirtsaqzaq-euq gharduq sharluf-eu maqngeur. Aerkhawf, nawq nae ngaq-anr bifnaeq laf-euq tsawrhaq deuq-aq, nawq-euq tsawrhaq mirnae, ngar, aqyawf maf-euq gharduq guiqlanq sharluf-eu ma.

Yoˇhaˬ 3:35

Aqda, Zaqyo-anr gaq-awr, yawqjeq navluf aqyawf-euq aqlaf-euq lafkhoer a’naeq jir-euq mae.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Yoˇhaˬ 6:39

Ngaq-anr khaerghae lef-euq Aqda Miqyaer, aqyawf nae ngaq-anr khar bifnaeq laf-euq tsawrhaq tiqghaq-iq maqya byov-ir-eu uqtaf, arsaqsaq ngae nan, yawqghaq navluf-anr bi ghofdaef lar-eu nuima tsaq-eu mae.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

1 Gawˇliˬtu 15:25

Miqyaer, muir-eu deuq dawqtawv luf-anr Kali-euq aqkuir-euq uqmov bi jawrlar ngae keuvni, Kali ya uvlanr taef-a.

Eˇpeˇsu 1:20

Aqyawf-euq baoq khoer Kali-euq lafkhoer gar mr ngae, aqyawf-anr shir-euq gar nae bi ghofdaef lar-awr, mq-euq khoertav, Miqyaer, Kali-anr aqyawf-euq armar paw binuir-euq mae.

Piˇliˇpiˆ 2:10

Mq-euq khoertav, mirtsaq-euq khoertav hawr-eu mirtsaq-euq dawqdan khardaef kharjawr-eu jeq, Yeqsur-euq tsawrmyanr-anr yawqghaq navluf pawqtsuif pawqdmq yadmq taef-a.

1 Tiˆmoˇseˬ 1:16

Aerkhawf, Yeqsur Kali arnavni orcoer-eu nga laer aqyawf panmaeqnaeq mawf-eu mirnae, ngar, aqcawq navmaqtser iqbax huiq-eu khawf, aqyawf, ngaq-anr ghawqshaq gaqnaeq laf-euq mae. Khoer-aq, arnan, aqyawf-anr jan-eu baqda’nae mqmaq maqbyav yarzir daef-eu jeq za-eu tsawrhaq deuq bi dzawgeuf-eu gharduq pyeuf-eu mae.

HeˬByehˇ 1:2

Arsaq saq-eu arnan aryamq heu-anr-aq, aqyawf-euq Zaqyo-anr ghoe-awr, aqdui-anr ngaeqcawq-euq mae. Dawqtawvluf, aqyawf-euq jeqbir bipyeuf-eu laer, Miqyaer, aqyawf-anr tsaqtsov-awr, Miqyaer, aqyawf-anr ghoe-awr, mq hawr-eu mir-anr baetaq-euq mae.

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

1 Yoˇhaˬ 1:2

Daef-eu jeq khoer byacaevni dovlar-euq gar nga’maf ya’mawr-awr sarkir kamq-eu ma. Khoeruqtaf, yawbae, Aqda Miqyaer naeq-aer jawr-euq li-eu maqbawni daef-eu jeq khoer, nga’maf-anr bimawr naeqlaf-euq garkawv khawf, nawmaf-anr dzawrnaeq-eu ma.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

Yuˇdaˆ 1:21

Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.