Yoˇhaˬ 17:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur dawq heudeuq ngaeqghaq-awr, mq paw ghawrleur-awr heulof-aer aer-eu mae: “Aqda-or! Aryamq keuvlar-euq ngar-a. Zaqyo-euq baqda’nae nawr yawshaef khanqsaer za’ni, nawq-euq Zaqyo-anr yawshaef khanqsaer biza naeqlaf-awq.

Akha

¹ Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Yoˇhaˬ 17:1 ပူးပေါင်းရင်းမြစ်များ

Jaceuq 123:1

Mq-euq khoertav jawr-eu ghaq-or! Ngaq-euq myavnuiv, nawr jawr-eu paw ciqpyawr laf-awr hawluf-eu ma.

Maˬkuˆ 14:41

Aqyawf smq pov tiqpov ghoflar ngae, aqyawf maf-anr heulof-aer aernaeq-euq mae, “Nymq-mr keuvni nawmaf yufkhav yufkhav-aer ghaqnaq naqluf-eu le siq lor? Ghaq-ar, Tsawrhaq-euq Zaqyo, iqbaxzaq-euq aqlaf-euq lafkhoer yabi a’naeq-eu aryamq keuvlar-euq ngar-a.

Luˇkaꞈ 18:13

“Aerkhawf, jeq taf-eu khoerghaq-aq, garmanr kaq-eu gar yawf-awr, myavpyawq mq paw maq ghawrleur peuq-aer, khanq-anr terter-aer aer-eu, ‘Miqyaer-or! Ngar-aq, iqbaxzaq mir-a. Ngaq-anr ghawqshaq gaqnaeq laf-awq.’

Luˇkaꞈ 22:53

Ngar yawqnan navluf nawmaf naeq-aer uqduq tanqnymr nymrma-anr jawrluf-eu khawf, nawmaf, ngaq-anr maqnyaef-a. Aerkhawf, aryamq heu-aq, nawmaf-euq aryamq mae. Nymq-mr-aq, yawzanr-euq baoq uvlanr luf-eu mae.”

Yoˇhaˬ 11:4

Yeqsur dawq khoerdawq-anr yagaq ngae aer-eu, “Nar-eu khoer-aq, shir-eu gar maqkeuv-ar. Aerkhawf, Miqyaer-euq yawshaef khanqsaer bi dovlar-eu gharduq mae. Nar-eu khoer baqda’nae Miqyaer-euq Zaqyo yawshaef khanqsaer za taef-a.”

Yoˇhaˬ 11:41

Khoerngae, aqyawfmaf, shir-euq khoerghaq bafpanq taq-euq gar nae, khaqlo ngawqdzae-euq mae. Yeqsur mq paw ghawrleur-awr heulof-aer aer-eu mae, “Aqda-or! Nawr, ngaq-euq shardawq-anr narhaq-eu mirnae, ngar, nawq-anr jaceuq ma.

Yoˇhaˬ 12:23

Khoerngae, Yeqsur, aqyawf nyaf-anr heulof-aer aerkhof naeq-euq mae, “Tsawrhaq-euq Zaqyo yawshaef khanqsaer za-eu aryamq keuvlar-euq mae.

Yoˇhaˬ 13:1

Baqsaqkaq yawbui bui-eu maq keuvlar-euq minav-aer, Yeqsur-aq, aqyawf, mirtsaq heu-anr yaghawq-awr, Aqda jawr-eu gar ya ghofler-eu aryamq keuvlar-euq mae laer siqnya luf-eu mae. Aqda-aq, mirtsaq-euq khoertav jawr-eu aqyawf-euq tsawrhaq-anr gaq-awr, arsaqsaq ngae keuvni, aqyawf, aqyawf maf-anr gaq-euq mae.

Yoˇhaˬ 16:32

Nawmaf caevbyav jir-awr, yawqha-euq jawrduq-anr caevghof jir-awr, ngaq-anr taef-aer byaerdzae yaf-eu aryamq keuvle luf-eu mae. Nymq-mr nae keuvle-euq mae. Aerkhawf, ngar-aq, ngar tiq ghaq taef-aer jawr-eu maqngeur, Aqda, ngaq naeq-aer jawrluf-eu mae.

Yoˇhaˬ 7:30

Khoer-euq baqda’nae, aqyawfmaf, aqyawf-anr nyaef-eu laer jawq-eu mae. Aerkhawf, aqyawf-euq aryamq maq tsaqlar-euq mirnae, aqyawf-anr tiqghaq-iq maqnyaef-a.

Yoˇhaˬ 7:39

Yeqsur heulof-aer aer-eu-aq, aqyawf-anr jan-eu tsawrhaq deuq aqkar muiq-eu Saflar za-eu gar aermawf-eu mae. Aqjeq mirnae aqkar za-eu laer aernar-aq, Yeqsur yawshaef khanqsaer maqza-euq siq mirnae, aqyawf maf-anr Yawshawr Saflar maq bifdan-aq siq.

Yoˇhaˬ 8:20

Yeqsur, uqduq tanqnymr nymrma-euq lafkhoer pyurdamq bawqkeuv baftaq-euq tsanr-anr jawr-awr, dawq heudeuq maeqnaeq tsovnaeq-eu lafkhoer ngaeq-euq mae. Aqyawf-euq aryamq maq tsaqlar-euq mirnae, tsawrhaq tiqghaq-iq aqyawf-anr maqnyaef-a.

Gʼaˬkʼehˇ 3:13

Nawmaf, Yeqsur, Pirlav-anr a’naeq-awr, Pirlav, aqyawf-anr pyaeqnaeq ma laer noeqtsaev-euq khawf, Pirlav-euq maeqshi nawmaf, aqyawf-anr byaerdzae-euq mae. Aerkhawf, ‘ Aqbyaqhaq , Irtsav hawr-eu Yaqkov-euq Miqyaer pyeuf-eu aqdui-euq aqpoeq deuq-euq Miqyaer-aq,’ (Di 3:6,15) aqyawf-euq ghaqzaq ghaqkhaer Yeqsur-anr yawshaef khanqsaer bifnaeq-euq mae.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.