Yoˇhaˬ 15:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf, ngaq-anr tsoftsaf luf-eu gar nae arsiq maq siqle-eu cirni nizaq dawqtawv luf-anr deuvdzae-eu mae. Arsiq khar siqle-eu cirni nizaq deuq-anr-aq, bi siqdzaeq le-eu laer aqyawf yawmuiq-aer dawnaeq-eu mae.

Akha

² Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Yoˇhaˬ 15:2 ပူးပေါင်းရင်းမြစ်များ

Jaceuq 92:14

Aqyawfmaf, tsawrmawq mawqle ngae keuvni arsiq siqle-awr; Aqyawfmaf, nyoerjawfni jav-awr bawle zale taef-a.

Dawqdaq 4:18

Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

Maꞈtehˬ 13:12

Aqsur ghaq maqkaq, jav-eu tsawrhaq-anr par biflanq naeq-awr, aqyawf par javkuf dzaeqlar taef-a. Maqjav-eu tsawrhaq-anr-aq, aqyawf kharjav-eu jeq khawf yurdovjir naeq taef-a.

Maꞈtehˬ 13:33

Yeqsur, aqyawf maf-anr yawjeq majeq dawq yawqdawqyawq heulof-aer par maeqnaeq-euq mae, “Mqtav mirkhanq-aq heulof-aer dur-eu mae. Zaqmiq aqbur tiq ghaq daeqtseq yur-awr, caermeu smr puq-euq lafkhoer dawvzaf taq-awr nae, dawqtawvluf bi poqlar-euq gar dur-eu mae.”

Maꞈtehˬ 15:13

Khoerngae, Yeqsur heulof-aer aerkhof naeq-euq mae: “Arbawq yawqbawq navluf mq-euq khoertav jawr-eu ngaqDa nae kataq-euq maqngeur nar-aq, yawqbawq navluf-anr dawqpaeq duqpur laevni yabi ghawrdzae taef-a.

Maꞈtehˬ 21:19

Garma gardzer siqguq arbawr tiq bawr daef-eu gar mawr-awr haw-ir ngae, arsiq maqsiq-aer arpaf taef-aer maer-eu gar ya’mawr-euq mae. Khoerngae, Yeqsur, arbawr khoerbawr-anr, “Iqnan nae nar-aq, nawr arsiq tiqjawr-iq taqpar siqle” laer aernaeq ngae, arbawr khoerbawr tiqpov taef-aer bawrgur gur-ir-euq mae.

Maꞈtehˬ 25:29

Aqjeq mirnae aernar-aq, kharjav-eu tsawrhaq-anr par biflanq naeq-awr, aqyawfmaf javkuflar taef-a. Maqjav-eu tsawrhaq-anr-aq, aqyawf kharjav-eu jeq khawf yabi yurdovjir taef-a.

Maꞈtehˬ 3:10

Nymq-mr deuvhaq, arbawr-euq dawqpaeq-anr bafmawq taq-euq mae. Arsiq yawmuiq maq siqle-eu arbawr yawqbawr navluf turdzae-awr, miqdzaq-anr bafpuiv taef-a.

Maꞈtehˬ 3:12

Aqyawf-euq aqlaf-euq lafkhoer caer bawseu nyaeftaeq taq-euq mae. Aqyawf-euq caerbymr saqkhawf lavluiv-awr, caermar deuq caerjir-anr pi’anr taef-a. Caerkhawf deuq-anr-aq, maqmiv-ir-eu miqdzaq nae keuqdzae taef-a.”

Maꞈtehˬ 7:19

Arsiq yawmuiq maq siqle-eu arbawr yawqbawr navluf-anr turdzae-awr, miqdzaq-anr bafpuiv taef-a.

Maˬkuˆ 4:20

Mirtsaq mirmuiq-anr ga-ir-euq deuq-aq, tsawrhaq tiq ghaq Yaerdawq yagaq-awr hageuf-euq mirnae, arsiq siqle-eu mae. Tiqpavnav deuq-aq 30 bymr, tiqpavnav deuq-aq 60 bymr, tiqpavnav deuq-aq 100 bymr laer siqle-eu mae.”

Luˇkaꞈ 8:13

Khaqlo-euq khoertav gadav-ir-euq deuq-aq, Miqyaer-euq dawq yagaq ngae, laqkhaq tiqcaer hageuf-euq khawf, duqcir maq ka’naf nya-eu mirnae, tiqkhaeq taef-aer jan-awr, murjur jur-eu jeq tanqpuq ngae, coq-ir-eu deuq-anr aermawf-eu mae.

Yoˇhaˬ 15:1

“Ngar-aq, aqgaf cirni nima ma. NgaqDa-aq, aqgaf yarkmr-anr lavsav-eu ghaq mae.

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Yoˇhaˬ 15:3

Ngaq nae nawmaf-anr ngaeqnaeq-euq dawq-euq baqda’nae, nymq-mr nawmaf shawrlar-euq mae.

Yoˇhaˬ 15:6

Tsawrhaq tiq ghaq, ngaq-euq lafkhoer maqjawr nar-aq, cirni nizaq deuq-anr deuvdzae-eu lof-aer deuvdzae-eu gar yadaq-awr, nyoeq-ir kov-ir taef-a. Aqcawq ghovbymr-awr miqdzaq-anr bafanr-awr, bi puivdzaq jir-eu mae.

Yoˇhaˬ 15:8

Nawmaf arsiq ghawqmya’ni siqle-eu baqda’nae, ngaqDa yawshaef khanqsaer za-awr, nawmaf khawf ngaq-euq zaqlanr pyeuflar taef-a.

Yoˇhaˬ 17:12

Ngar, aqyawfmaf naeq-aer mirtsaq-euq khoertav jawrluf ngae, nawq-euq tsawrmyanr-euq uqmov, ngar, aqyawf maf-anr bosav-euq ma. Nawq nae ngaq-anr bifnaeq laf-euq tsawrhaq deuq-anr ngar bosav-awr, lavcawv-eu ghaq-euq zaq maqngeur nar-aq, aqyawfmaf tiqghaq-iq maqbyov-ir-aq. Heu-aq, Yaerbof-euq lafkhoer boftaq-euq lof-aer bi byanlar-eu gharduq mae.

Lormav 11:17

Tsawrhaqzaq nae kataq-euq saqloq uqpyaq tiqdeuq nav-anr deuvdzae-awr, bawrtsanq-euq saqloq uqpyaq pyeuf-eu nawmaf-anr tsafnaeq laf-awr, uqpyaq nuideuq naeq-aer tiqkawv lof-aer saqloq-euq duqcir-euq ardziq-anr shuvluf-eu ngeur nar-aq,

Lormav 11:22

Khoermirnae, Miqyaer-euq yawmuiq jeq hawr-eu aqyawf yawkhav-aer janrnaeq-eu jeq-anr sharnoeqhaw sher-eq. Aqyawf, coqdzae-euq tsawrhaq-anr yawkhav-aer janrnaeq-awr, nawr aqmyanluf aqyawf-euq yawmuiq jeq-euq lafkhoer jawr nar-aq, aqyawf-euq yawmuiq jeq nawq-euq khoertav jav taef-a. Aerkhawf, nawr maqjawr nar-aq, aqyawf, nawq-anr khawf deuvtsaevdzae naeqlaf taef-a.

Lormav 8:28

Miqyaer, aqyawf-anr khargaq-eu tsawrhaq-euq gharduq, yawqjeq navluf-euq lafkhoer nae, yawmuiq jeq bi dovlar-eu mae laer aqdui siqnya ma. Miqyaer nae noeqtaq-euq lof-aer pyeuflarni, aqyawf, tsawrhaq khoerdeuq-anr kur-euq mae.

1 Gawˇliˬtu 13:1

Ngar, tsawrhaq-euq dawqdeuq hawr-eu mqtav ghaqkhaer-euq dawq bavnya-eu khawf, gaq-eu jeq maqanr nar-aq, ngaq nae ngaeq-euq dawq-aq, boeloe diq-eu tersar hawr-eu caexlaer civ-eu tersar-anr dur-eu taef mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

HeˬByehˇ 12:15

Nawmaf, Miqyaer-euq guiqlanq yawdzanr-anr nae kaq-ir-awr, khaqjawfni ghae-eu nuima baw-eu duqcir dovlar-awr, gardzaq garkawv lavdov-eu uqtaf, ghawqmya ghaq-anr maqshawrni bi pyeuflar-eu gar yanr-awq.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.

Panmaeq 3:19

Ngar gaq-eu tsawrhaq yawqghaq navluf-anr, ngar maeqpar dzawpar naeq-eu ma. Khoermirnae, nawr nuima keuv-awr noeqpov noeqpar mr-awq.