Yoˇhaˬ 14:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngar ghofler-awr, nawmaf-euq gharduq jawrzar lavsav ghaq-euq nar-aq, ngar tiq pov paroe-awr, nawmaf-anr sheuqlaqle ma. Aqjeq mirnae aernar-aq, ngar aqgar jawr nar-aq, nawmaf khawf khoergar yajawr taef-a.

Akha

³ Ngaˇ jawˇ zaˇ laˆ saˆ leˇ gʼaˬ ngeh, naw maꞈ-ahˇ paˇ sheuˬ laˬ le-awˇ, ngaˬ nehˬ-ehˇ bi jawˇ laˇ ma.

Yoˇhaˬ 14:3 ပူးပေါင်းရင်းမြစ်များ

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Yoˇhaˬ 14:28

‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Yoˇhaˬ 14:4

Ngar aqgeugar leluf-eu la laer nawmaf siqnya-awr, ngar le-eu garma-anr khawf nawmaf siqnya-eu mae.”

Yoˇhaˬ 17:24

“Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Gʼaˬkʼehˇ 1:11

Aqyawfnyaf aer-eu, “Gaqliqlaer tsawrhaq deuq-or! Nawmaf aqjeq mirnae yawf-awr mq-anr hawluf-eu le? Nawmaf-anr nae mq-anr bi sheuqdav lef-euq Yeqsur heughaq-aq, aqyawf mq-anr bi sheuqdav lef-eu gar nawmaf nae ya’mawr-euq lof-aer, aqyawf tiq pov par zafka le-eu mae.”

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

Piˇliˇpiˆ 1:23

Ngaq-anr yawkhav-aer nyaefsuf lar-eu heu nyiq jeq-euq yawkaq-anr jawrluf-eu ma. Ngar geufmawf-eu jeq-aq, mirtsaq-anr ghawq-awr, Kali naeq-aer jawrlermawf mir-a. Heu-aq, muiqdzaeq-eu jeq pyeuf-eu mae.

2 Teˇsaˬloˇni 1:12

Khoernar-aq, aqdui-euq Miqyaer hawr-eu Sanqpaq Yeqsur Kali-euq guiqlanq yawdzanr-euq lafkhoer, nawmaf-euq baqda’nae aqdui-euq Sanqpaq Yeqsur-euq tsawrmyanr yawshaef khanqsaer za-awr, nawmaf khawf aqyawf-euq baqda’nae yawshaef khanqsaer za taef-a.

2 Tiˆmoˇseˬ 2:12

Aqdui daqcoer orcoer nar-aq, aqyawf naeq-aer tiqkawv lof-aer dzoeqdzaq ya’mr taef-a. Aqdui, aqyawf-anr maq hageuf nar-aq, aqyawf khawf aqdui-anr maq hageuf-ar.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.