Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yoˇhaˬ 11:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

4 Yeqsur dawq khoerdawq-anr yagaq ngae aer-eu, “Nar-eu khoer-aq, shir-eu gar maqkeuv-ar. Aerkhawf, Miqyaer-euq yawshaef khanqsaer bi dovlar-eu gharduq mae. Nar-eu khoer baqda’nae Miqyaer-euq Zaqyo yawshaef khanqsaer za taef-a.”

အခန်းကိုကြည့်ပါ။ ကော်ပီ

Akha

4 Dawˬ kʼoeˇ dawˬ-ahˇ Yeˬsuˇ ya gaˬ ngeh, heu loꞈ-ehˇ ehˇ-eu meh. “Naˇ-eu gawˇ-eu kʼoeˇ baˬ da neh, Laˬzaˬluˇ shiˇ gaˇ aˇ saˬ maˬ saˬ-aˇ. Miˬyehˇ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ kʼoeˇ loꞈ-ehˇ pyeuꞈ laˇ-awˇ, Kʼoeˇ baˬ da neh Miˬyehˇ-euˬ Zaˬmaˇ yaw shehꞈ kʼahˬ sehˇ za tehꞈ-a.”

အခန်းကိုကြည့်ပါ။ ကော်ပီ




Yoˇhaˬ 11:4
20 ပူးပေါင်းရင်းမြစ်များ  

Aerkhawf, ngar mrluf-eu ngeur nar-aq, ngaq-anr maqjan-eu khawf, ngar mrluf-eu gardeuq-anr jan-awq. Khoerlof-aer nar-aq, Aqda, ngaq-euq lafkhoer jawr-awr, ngar khawf Aqda-euq lafkhoer jawr-eu nga laer nawmaf ya siqnya-awr yajan taef-a.”


Yeqsur, aqyawf-anr aernaeq-eu, “Nawr jan nar-aq, Miqyaer-euq yawshaef khanqsaer-anr ya’mawr taef-a laer ngar, nawq-anr aernaeq-euq maqngeur-a lor?”


Aqda-or! Nawq-euq tsawrmyanr yawshaef khanqsaer za’ni mr-awq.” Khoerngae, mq-anr nae tersar ngaeqdov lef-eu, “Ngar, ngaq-euq tsawrmyanr yawshaef khanqsaer za’ni mrghaq-awr, yawshaef khanqsaer za’ni parmr le siq.”


Yeqsur dawq heudeuq ngaeqghaq-awr, mq paw ghawrleur-awr heulof-aer aer-eu mae: “Aqda-or! Aryamq keuvlar-euq ngar-a. Zaqyo-euq baqda’nae nawr yawshaef khanqsaer za’ni, nawq-euq Zaqyo-anr yawshaef khanqsaer biza naeqlaf-awq.


Ngaq-euq dawqtawvluf nawq-euq mae. Nawq-euq dawqtawvluf khawf ngaq-euq ma. Heudeuq-euq baqda’nae ngar yawshaef khanqsaer za-euq ma.


Aqda-or! Mirtsaq maqbae-euq minav-aer, ngar, nawq naeq-aer jawr ngae jav-euq yawshaef khanqsaer khoer, nymq-mr nawq naeq-aer tiqkawv lof-aer yawshaef khanqsaer biza naeqlaf-awq.


Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.


Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.


Khoerngae, Yeqsur heulof-aer aerkhof naeq-euq mae: “Ngar, yawqhar yawqha taqhuiq taqmanr nar-aq, ngaq-euq taqhuiq taqmanr-eu jeq-aq, gardanr tiqpawf-iq maqtsoeq-a. Ngaq-anr taqhuiq taqmanr naeqlaf-eu ghaq-aq, ngaqDa mae. Aqyawf-aq, nawmaf-euq Miqyaer ma laer nawmaf aer-eu khoerghaq mae.


Khoernar-aq, aqyawfmaf, myavbaef baefhaw-euq khoerghaq-anr parkur-awr aqyawf-anr aernaeq-eu, “Yawshaef khanqsaer Miqyaer-anr damq-awq, tsawrhaq khoerghaq-aq, iqbaxzaq mae laer nga’maf siqnya ma.”


Yeqsur heulof-aer aerkhof naeq-euq mae, “Aqyawf maqngeur nar-aq, aqyawf-euq aqma aqda iqbax mr-euq mirnae maqngeur-a. Aerkhawf, Miqyaer gar mr-eu jeq, aqyawf-euq daefzir-anr nae bi mawrlar-eu laer khoerlof-aer bi daefle-euq nga.


Tox-aer mar-iq, ngar narhaq mawf-eu-aq, Irsaqleqlav tsawrhaq sanqtif tif-euq khoer-aq, aqyawfmaf bi coqdzae-eu laer la lor? Maqngeur-a. Irsaqleqlav tsawrhaq coq-ir-euq khoer-aq, aqcawq tsawrjeuq tsawrca-anr kakhof-eu jeq bi keuvle-awr, Irsaqleqlav tsawrhaq myavnav binav-eu gharduq mae.


Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.


Ngar geufmawf duidui-awr, noeqtmq taq-euq jeq-aq heulof-aer ma. Ngar tiqjeq-iq-euq lafkhoer maqya shafdawr-aer, dzeurlaf ngae lof-aer nymq-mr khawf, nuima khaqduqni anr-awr, daef khawf shir khawf ngaq-euq mawrdo nae Kali-anr taqhuiq taqmanr ma.


Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.


Tiqghaqnav dawqngaeq ngaeq-eu ngeur nar-aq, Miqyaer-euq dawq ngaeq-eu lof-aer bingaeq-awq. Tiqghaqnav, aqcawq-anr cawba-eu gar mr-eu ngeur nar-aq, Miqyaer nae bi mrnya-euq lof-aer mr-awq. Khoerlof-aer mr nar-aq, yawqjeq navluf-euq lafkhoer Yeqsur Kali-euq baqda’nae, Miqyaer-euq yawshaef khanqsaer dovlar taef-a. Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.


Kali-euq tsawrmyanr baqda’nae, aqcawq, nawmaf-anr yaeqbawq-aer aerlar nar-aq, nawmaf guiqlanqhuiq taef-a. Aqjeq mirnae aernar-aq, yawshaef khanqsaer hawr-eu Miqyaer-euq Saflar, nawmaf-euq khoertav jawrluf-eu mae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ