Yoˇhaˬ 10:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoernar-aq, Yeqsur, aqyawf maf-anr heulof-aer par aernaeq-euq mae, “Ngar, nawmaf-anr aqdir aqmar aernaeq nyar, ngar-aq, yawrdeuq urlar-eu ghovkhaeq ma.

Akha

⁷ Kʼoeˇ miˇ neh, Yeˬsuˇ aˬ yawꞈ maꞈ-ahˇ paˇ ehˇ nehˬ-eu, “Ngaˇ-aˬ, yawˇ deuˬ gʼaˇ duˬ gʼoˆ kʼehˬ pyeuꞈ-eu ma.

Yoˇhaˬ 10:7 ပူးပေါင်းရင်းမြစ်များ

Jaceuq 100:3

Ya’we Miqyaer-aq, Miqyaer mae laer siqnya-awq. Aqdui, yawqhar yawqha bae-euq maqngeur, Aqdui-anr bae-euq ghaq-aq, aqyawf mae. Aqdui-aq, aqyawf-euq tsawrhaq hawr-eu, Aqyawf-euq daega-anr jawr-eu yawr pyeuf-eu ma.

Jaceuq 79:13

Khoerngae, nawq-euq daega-anr jawr-eu yawr, Nawq-euq tsawrhaq pyeuf-eu nga’maf, Nawq-euq guiqlanq-anr li-eu maqbawni jaceuq-awr, Yawqzir navluf nawq-anr jaceuq-eu jeq bi mawryaf ma.

Jaceuq 95:7

Aqjeq mirnae aernar-aq, aqyawf-aq, aqdui-euq Miqyaer mae. Aqdui-aq, aqyawf-euq daega-anr jawrluf-eu tsawrhaq pyeuf-awr, Aqyawf-euq aqlaf-euq yawrmaf ma. Iqnan, nawmaf, aqyawf-euq tersar-anr yagaq-euq ngeur nar-aq.

Yoˇhaˬ 10:1

Yeqsur heulof-aer aer-eu mae, “Ngar, nawmaf-anr aqdir aqmar aernaeq nyar, yawr, yawrkuv-anr urlar ngae, ghovkhaeq-anr nae maq urlarni, yawqpawyawq nae davurlar-eu ghaq-aq, smrkhoeq hawr-eu tanrjoe mae.

Yoˇhaˬ 10:9

Ngar-aq, ghovkhaeq ma. Ngaq-anr ghoe-awr khar urlar-eu tsawrhaq-aq, yabuq-ir taef-a. Khoeruqtaf, aqyawf urlar-awr irdov-eu khawf gavdzaqduq ya’mawr taef-a.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Eˇpeˇsu 2:18

Aqjeq mirnae aernar-aq, Kali-euq baqda’nae aqdui tsawrjeuq nyiq jeuqluf, muiq-eu Saflar, aqyawf tiqghaq-anr ghoe-awr, Aqda jawr-eu gar urlernya lar-euq ma.