Yoˇhaˬ 10:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Yawrdeuq-aq, tiqjeq ghaenae-iq maqsiq maqsux-eu tsawrhaq-euq maeqnan maq cantae-eu uqtaf, aqyawf jawr-eu gar nae caev-eu mae. Aqjeq mirnae aernar-aq, yawrdeuq-aq, maqsiq maqsux-eu deuq-euq tersar-anr maq siqnya-a.”

Akha

⁵ Aˬ cawˬ-euˬ mehˬ nah yawˇ kʼoeˇ deuˬ maˬ iˇ ni cehˆ-eu meh. Aˬ jeˬ miˇ neh ehˇ naˇ, aˬ cawˬ-euˬ teˇ saˇ-ahˇ aˬ yawꞈ maꞈ maˬ siˬ nya-a.”

Yoˇhaˬ 10:5 ပူးပေါင်းရင်းမြစ်များ

Dawqdaq 19:27

Ngaq-euq zaqyo-or! Maeqdawq tsovdawq-anr maq narhaqni byaer nar-aq, Nawr siqnya-eu tsawrganr-euq dawq-anr nae, Garbanq banq-ir taef-a.

Maˬkuˆ 4:24

Khoernar-aq, Yeqsur, aqyawf maf-anr heulof-aer par aernaeq-euq mae, “Nawmaf nae kharya gaq-euq jeq-anr yanr-awq. Nawmaf, aqcawq-anr paeqnaeq savnaeq-euq lof-aer, aqcawq khawf, nawmaf-anr paeqkhof savkhof naeqlaf-eu uqtaf, nawmaf narhaq geuf-eu deuq-anr uqdzaeq biflanq naeqlaf taef-a.

Luˇkaꞈ 8:18

Khoermirnae, nawmaf aqjox-aer narhaq-eu le laer yanr-awq. Aqjeq mirnae aernar-aq, jav-eu tsawrhaq-anr par biflanq naeq-awr, maqjav-eu tsawrhaq-anr-aq, jav ma laer noeq-euq jeq khawf yurdovjir naeq taef-a.”

Yoˇhaˬ 10:16

Ngar-aq, yawr yawrkuv heukuv-anr maqtaf-eu yawr nuideuq khawf jawr-eu le siq. Ngar, yawr khoerdeuq-anr khawf yasheuq laq-ir-awr, aqyawfmaf, ngaq-euq tersar-anr narhaq taef-a. Khoernar-aq, yawr yawrmaf tiq maf hawr-eu yawr bo-eu ghaq tiq ghaq taef-aer pyeuflar taef-a.

Yoˇhaˬ 10:4

Aqyawf-euq yawrdeuq-anr sheuqdov jir-euq nar-aq, aqyawf, yawrdeuq-euq maeqhu can-awr, yawrdeuq khawf aqyawf-euq tersar-anr siqnya-eu mirnae, aqyawf-euq maeqnan cantae ghae-eu mae.

2 Tiˆmoˇseˬ 4:3

Aqjeq mirnae aernar-aq, tsaq-awr tsanr-eu dawqmaeq dawqtsov-anr maq narhaq nanr-eu aryamq keuvle taef-a. Aqyawfmaf narhaq mawf-eu jeq taef-aer narhaq-awr, yawqha-euq nuima-anr tsaqni maeq-awr tsov-eu saqlaq ghawqmya ghaq povuiq taef-a.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.

1 Yoˇhaˬ 2:21

Nawmaf yawtsaq yawdawr-anr maq siqnya-eu mirnae, ngar, nawmaf-anr sanqbof bofanr lef-euq maqngeur. Aerkhawf, nawmaf yawtsaq yawdawr-anr siqnya-eu uqtaf, jaqmyawf kharmyawf-eu yawqjeq navluf tsaq-awr dawr-eu jeq-anr nae dovle-euq maqngeur-a laer nawmaf siqnya-eu mirnae bofanr lef-euq ma.

Panmaeq 2:2

“Ngar, nawq nae mr-euq jeq, laejae-euq jeq hawr-eu orcoer-euq deuq-anr siqnya-awr, nawr, tsawrdoer deuq-anr maq hageuf coer-a laer khawf siqnya ma. Ghaqkhaer maqngeur-eu gar nae ghaqkhaer ma laer aer-eu deuq-anr nawr tsermr haw-awr, jaqmyawf myawf-eu nga laer yasiq-euq mae.