Yoˇhaˬ 10:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf-euq yawrdeuq-anr sheuqdov jir-euq nar-aq, aqyawf, yawrdeuq-euq maeqhu can-awr, yawrdeuq khawf aqyawf-euq tersar-anr siqnya-eu mirnae, aqyawf-euq maeqnan cantae ghae-eu mae.

Akha

⁴ Yawˇ deuˬ-ahˇ laꞈ nyiˇ sheuˬ doˆ jiˇ ngeh, aˬ yawꞈ mehˬ hu paw cah-awˇ, yawˇ deuˬ aˬ yawꞈ-euˬ mehˬ nah caw teh-eu meh. Aˬ jeˬ miˇ neh ehˇ naˇ, aˬ yawꞈ-euˬ teˇ saˇ-ahˇ yawˇ deuˬ siˬ nya-eu meh.

Yoˇhaˬ 10:4 ပူးပေါင်းရင်းမြစ်များ

Maꞈtehˬ 16:24

Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqha-euq lafyaq baf-awr nae, ngaq-euq maeqnan ya cantae lar-eu mae.

Yoˇhaˬ 10:16

Ngar-aq, yawr yawrkuv heukuv-anr maqtaf-eu yawr nuideuq khawf jawr-eu le siq. Ngar, yawr khoerdeuq-anr khawf yasheuq laq-ir-awr, aqyawfmaf, ngaq-euq tersar-anr narhaq taef-a. Khoernar-aq, yawr yawrmaf tiq maf hawr-eu yawr bo-eu ghaq tiq ghaq taef-aer pyeuflar taef-a.

Yoˇhaˬ 10:27

Ngaq-euq yawrdeuq-aq, ngaq-euq tersar-anr narhaq-eu mae. Ngar, aqyawf maf-anr siqnya-awr, aqyawfmaf khawf ngaq-euq maeqnan cantae-eu mae.

Yoˇhaˬ 10:3

Ghovkhaeq-anr lof-eu ghaq, aqyawf-anr larghov pannaeq taef-a. Yawrdeuq khawf aqyawf-euq tersar-anr narhaq-eu mae. Aqyawf-aq, aqyawf-euq yawr-euq armyanr kurkur-aer, yawr khoerdeuq-anr sheuqdov ghae-eu mae.

Yoˇhaˬ 10:5

Yawrdeuq-aq, tiqjeq ghaenae-iq maqsiq maqsux-eu tsawrhaq-euq maeqnan maq cantae-eu uqtaf, aqyawf jawr-eu gar nae caev-eu mae. Aqjeq mirnae aernar-aq, yawrdeuq-aq, maqsiq maqsux-eu deuq-euq tersar-anr maq siqnya-a.”

Yoˇhaˬ 10:8

Ngaq-euq maeqhu kharoe-euq tsawrhaq-aq, smrkhoeq hawr-eu tanrjoe mae. Aerkhawf, yawrdeuq, aqyawf maf-euq dawq-anr maq narhaq-aq.

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Yoˇhaˬ 13:15

Ngaq nae mr-euq lof-aer nawmaf khawf mrni, nawmaf bi hawgeuf-eu laer ngar mrmaeq naeq-eu ma.

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Yoˇhaˬ 3:29

Miqshuif-anr sheuq-eu ghaq-aq, Yoshuif mae. Yoshuif-euq cawq yoshuif-euq dawqpae yawf-awr, yoshuif-euq dawq yagaq ngae, laqkhaqcaer duidui-eu mae. Khoerlof-aer durni, ngar khawf laqkhaq caer-eu jeq byan duidui mir-a.

1 Gawˇliˬtu 11:1

Ngar, Kali-anr mrcaw-eu lof-aer, nawmaf khawf ngaq-anr mrcaw-awq.

Eˇpeˇsu 5:1

Nawmaf-aq, Miqyaer zawr gaq-eu zaqdeuq pyeuf-eu mirnae, Miqyaer mr-eu lof-aer mrcaw-eu tsawrhaq pyeuflar-awq.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

HeˬByehˇ 6:20

Maqlaqkirsaqdaev pirma-euq dzoeqdzaq za-euq lof-aer, Yeqsur-aq, mqmaq maqbyav yarzir Pirma yawhuiq ghaq pyeuf-awr, khoergar aqdui-euq gharduq maeqhuq huq-euq ghaq geuf-awr urler-euq mae.

1 Beˬtuˆluˆ 2:21

Khoer-euq gharduq nawmaf-anr kurdov taq-euq mae. Aqjeq mirnae aernar-aq, Kali khawf aqdui-euq gharduq shaqzanq daq-awr, aqdui hawgeuf dzawgeufduq pyeuflar-euq uqtaf, nawmaf, aqyawf-euq kuirtof-euq maeqnan bi cantae-eu gharduq mae,

1 Beˬtuˆluˆ 4:1

Kali, aqdui-euq gharduq, aqyawf-euq shiqshaq-euq lafkhoer shaqzanq daq-euq mae. Nawmaf khawf, guirdeuv deuv-eu keuka tiqjeq geuf-eu gar durni, aqyawf nuima taq-euq lof-aer taq-awq. Aqjeq mirnae aernar-aq, yawqha-euq shiqshaq-euq lafkhoer shaqzanq daq-euq tsawrhaq-aq, iqbax-anr ghawqtsaev tsaev-euq mae.

1 Beˬtuˆluˆ 5:3

Nawmaf-anr bi bosav-euq yawrmaf-euq khoertav, sanqpaq taqgeuf. Aerkhawf, aqyawfmaf hawgeuf dzawgeufduq pyeuf-awq.