Yoˇhaˬ 10:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ghovkhaeq-anr lof-eu ghaq, aqyawf-anr larghov pannaeq taef-a. Yawrdeuq khawf aqyawf-euq tersar-anr narhaq-eu mae. Aqyawf-aq, aqyawf-euq yawr-euq armyanr kurkur-aer, yawr khoerdeuq-anr sheuqdov ghae-eu mae.

Akha

³ Gʼoˆ kʼehˬ-ahˇ loꞈ-eu gʼaˬ aˬ yawꞈ-ahˇ laˇ gʼoˆ pah nehˬ-awˇ, yawˇ deuˬ aˬ yawꞈ-euˬ teˇ saˇ ya gaˬ-awˇ, aˬ yawꞈ-euˬ yawˇ deuˬ-ahˇ aˬ yawꞈ tsawˇ myahˇ kuˇ kuˇ-ehˇ laꞈ nyiˇ sheuˬ doˆ gʼeh-eu meh.

Yoˇhaˬ 10:3 ပူးပေါင်းရင်းမြစ်များ

Jaceuq 80:1

Yawrmaf-anr sheuqghae-eu lof-aer Yorsaev-anr sheuqghae-awr, Yawr bo-eu lof-aer Irsaqleqlav-anr bosav-eu ghaq-or, Nga’maf-anr naqbawr ciqkhmr naeqlaf-awq. Jeqlurbeq-euq yawkaq-anr jawrluf-eu ghaq-or, Yawshaef byadov lef-awq.

Dawqdaq 27:23

Yawqha-euq yawrmaf, aqjox-aer pyeufluf-eu nga laer yawmuiq-aer siqnya-awr, Mawrner mawrmaf-anr yawmuiq paq-aer bosav-awq.

Yoˇhaˬ 10:14

“Ngar-aq, muiq-eu yawr bo-eu ghaq ma. Ngar, ngaq-euq yawr-anr siqnya-awr, ngaq-euq yawr khawf ngaq-anr siqnya-eu mae.

Yoˇhaˬ 10:16

Ngar-aq, yawr yawrkuv heukuv-anr maqtaf-eu yawr nuideuq khawf jawr-eu le siq. Ngar, yawr khoerdeuq-anr khawf yasheuq laq-ir-awr, aqyawfmaf, ngaq-euq tersar-anr narhaq taef-a. Khoernar-aq, yawr yawrmaf tiq maf hawr-eu yawr bo-eu ghaq tiq ghaq taef-aer pyeuflar taef-a.

Yoˇhaˬ 10:4

Aqyawf-euq yawrdeuq-anr sheuqdov jir-euq nar-aq, aqyawf, yawrdeuq-euq maeqhu can-awr, yawrdeuq khawf aqyawf-euq tersar-anr siqnya-eu mirnae, aqyawf-euq maeqnan cantae ghae-eu mae.

Yoˇhaˬ 10:9

Ngar-aq, ghovkhaeq ma. Ngaq-anr ghoe-awr khar urlar-eu tsawrhaq-aq, yabuq-ir taef-a. Khoeruqtaf, aqyawf urlar-awr irdov-eu khawf gavdzaqduq ya’mawr taef-a.

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Yoˇhaˬ 6:45

Miqyaer gharduq ngaeqdan-eu deuq-euq sanqbof-euq lafkhoer, ‘Miqyaer, tsawrhaq yawqghaq navluf-anr maeqnaeq taef-a,’ (Isy 54:13) laer boftaq-euq mae. Khoermirnae, Aqda Miqyaer maeq-eu dawq-anr yagaq-awr dzawgeuf-euq tsawrhaq yawqghaq navluf ngar jawr-eu gar lar taef-a.

Lormav 8:30

Khoeruqtaf, yawbae ngae nae aqyawf nae tserdov taq-euq tsawrhaq-anr aqyawf kur-euq mae. Aqyawf nae kur-euq deuq-anr mrshawr-euq tsawrhaq bi pyeuflar-euq mae. Aqyawf nae mrshawr-euq deuq-anr aqyawf-euq yawshaef khanqsaer biza-euq mae.

1 Gawˇliˬtu 16:9

Aqjeq mirnae aernar-aq, gar yawmuiq-aer mrnya’ni, ngaq-euq gharduq larghov jerloni pantaq-euq mae. Ngar gar mr-eu gar lavtsoeq-eu tsawrhaq khawf ghawqmya’ni jawr-eu mae.

Piˇliˇpiˆ 4:3

Aqdir ngaq-euq gar mrcawq pyeuf-eu ghaq-or! Zaqmiq aqbur heu nyiq ghaq-anr cawba naeq-awq laer ngar, nawq-anr khawf shar-eu ma. Aqyawfnyaf, ngaq naeq-aer guiqlanqdawq maeq-eu gar mr-euq mae. Gaqleqmeq hawr-eu ngaq-euq gar mrcawq nuideuq khawf, aqyawf maf-euq tsawrmyanr Daef-eu jeq bif-eu sanqbof-euq lafkhoer bofanr taq-euq mae.

Gawˇlawˇsehˇ 4:3

Nga’maf, Kali-euq garkawv zaftaq-euq jeq ngaeqnaeq nya’ni, Miqyaer, nga’maf-anr dawq khoer-euq gharduq larghov pannaeq lafni guiqlanq shar-awq. Khoermirnae, ngar shmrcav daqluf-eu ma.

2 Tiˆmoˇseˬ 2:19

Aerkhawf, Miqyaer nae zeurdanr danrtaq-euq jeq-aq, zifdanni javluf-eu mae. Zeurdanr-euq khoertav jmq heulof-aer diqtaq-euq mae: “Sanqpaq Miqyaer-aq, aqyawf-euq tsawrhaq deuq-anr siqnya-eu mae,” (Bts 16:5) hawr-eu, “Kali-euq tsawrmyanr-anr kharkur-eu tsawrhaq yawqghaq navluf, maqtsaq maqdawr-eu jeq-anr aqdir byaerdzae-awq” laer boftaq-euq mae.

1 Beˬtuˆluˆ 1:12

Miqyaer gharduq ngaeqdan-eu khoerdeuq, aqyawfmaf gar mr-eu-aq, yawqha-euq gharduq mr-eu maqngeur-aer, aqdui-euq gharduq mr-eu mae laer Miqyaer, aqyawf maf-anr panmaeq naeq-euq mae. Mq-anr nae bi’oe-euq Yawshawr Saflar, aqyawf maf-anr panmaeq naeq-euq mirnae, nymq-mr aqyawfmaf guiqlanqdawq khoerdeuq, nawmaf-anr maeqnaeq luf-eu mae. Mqtav ghaqkhaer deuq khawf, khoerdeuq-anr mawrmawf duidui-eu mae.

1 Yoˇhaˬ 4:6

Aqdui-aq, Miqyaer-anr taf-eu tsawrhaq ma. Miqyaer-anr siqnya-eu tsawrhaq-aq, nga’maf-euq dawq narhaq-eu mae. Miqyaer-anr maqtaf-eu tsawrhaq-aq, nga’maf-euq dawq maq narhaq-a. Khoermirnae, yawtsaq yawdawr jeq-anr taf-eu Muiq-eu Saflar hawr-eu yawbanq yawlaeq jeq-anr taf-eu saflar-anr aqdui siqnya-eu ma.

3 Yoˇhaˬ 1:14

Ghawqmyanr maqghae-aer nawq-anr myavpyawq tanqdzoer-awr dawqja ya jacawq-eu gar, ngar noeqtmq luf-eu ma. Nawr nuisar of luf-ur. Aqdui-euq cawqdeuq, nawq-anr dawqcawq puqanr lef-euq mae. Cawqdeuq tiqghaq sair tiqghaq-anr dawqcawq puqdan naeqlaf law de-eq.

Panmaeq 20:15

Khoernar-aq, Daef-eu jeq bif-eu sanqbof-euq lafkhoer tsawrmyanr maqanr-eu tsawrhaq yawqghaq navluf, miqdzaq-euq lan-anr bi dzaepuf jir-euq mae.

Panmaeq 3:20

Narhaq sher-eq, ngar larghov-anr yawf-awr khovluf ma. Aqsur ghaq maqkaq, ngaq-euq tersar gaq-awr, larghov pannaeqlaf nar-aq, ngar, aqyawf jawr-eu gar urler-awr, ngar, aqyawf naeq-aer dzaqtaf dawrtaf ma. Aqyawf khawf ngaq naeq-aer dzaqtaf dawrtaf taef-a.

Panmaeq 7:17

Aqjeq mirnae aernar-aq, nuirmanq-euq ghanrcae jawr-eu Yawrzaq-aq, yawr-anr bo-eu lof-aer aqyawf maf-anr bosav taef-a. Daef-eu jeq bif-eu ircuf irbyoe jav-eu gar, aqyawf maf-anr sheuqghae taef-a. Miqyaer, aqyawf maf-euq myavnuiv-anr nae myavbir yawqdzuif navluf-anr sivdzaejir naeq taef-a.”