Yoˇhaˬ 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawf-aq, sarkir kamq-eu ghaq pyeuf-awr, aqyawf-euq baqda’nae tsawrhaq dawqtawvluf janlarni yawshaef khoer-euq garkawv sarkir kamqle-euq mae.

Akha

⁷ Tsawˇ haˬ dawˬ tawˆ luꞈ ya gaˬ-awˇ jah laˇ ni, yaw shehꞈ kʼoeˇ-euˬ gaˇ kawˆ aˬ yawꞈ saˇ kiˇ kamˬ le-euˬ meh.

Yoˇhaˬ 1:7 ပူးပေါင်းရင်းမြစ်များ

Yoˇhaˬ 1:12

Aerkhawf, aqyawf-anr hageuf-awr, aqyawf-euq tsawrmyanr-anr kharjan-eu tsawrhaq-anr aqyawf, aqyawf maf-anr aryaq bif-awr, Miqyaer-euq zaq bi pyeuflar-eu mae.

Yoˇhaˬ 1:15

Yorhaq, aqyawf-euq garkawv sarkir kamq-awr, heulof-aer yawkhav-aer gur-eu lafkhoer aer-eu, “ ‘Ngaq-euq maeqnan oeluf-eu heughaq-aq, ngaq-euq navmaqtser huiqdzaeq-eu mae. Aqjeq mirnae aernar-aq, ngar maq daefle-euq minav-aer aqyawf daefluf-eu mae’ laer ngar aer-eu khoerghaq-aq aqyawf mae.”

Yoˇhaˬ 1:19

Heu-aq, Yorhaq nae kamq-euq sarkir deuq mae. Khoerngae, Yeqlursaqlaeq-anr jawr-eu Yurdav tsawrhaq nae, Yorhaq jawr-eu gar pirma deuq hawr-eu Leqbir tsawrhaq deuq-anr khaerghae-awr, aqyawf-anr heulof-aer bi narhaq-ir-euq mae, “Nawr aqsur ghaq le?”

Yoˇhaˬ 1:36

Aqyawf, Yeqsur oeluf-eu gar ya’mawr ngae aer-eu, “Miqyaer-euq Yawrzaq-anr hawsher-eq!”

Yoˇhaˬ 1:9

Yawshaef khoer-aq, marjawvni ghae-eu yawshaef mae. Yawshaef khoer mirtsaq-euq khoertav khar daefle-euq tsawrhaq dawqtawv luf-anr bya’naeq le-euq mae.

Gʼaˬkʼehˇ 19:4

Khoerngae, Pawrluv aer-eu, “Yorhaq-euq bartirsaq-aq, noeqpov noeqpar-eu bartirsaq mae. Yorhaq, tsawrhaq khoerdeuq-anr aqyawf-euq maeqnan oe-eu ghaq-anr jan-awq laer aernaeq-euq mae. Khoerghaq-aq, Yeqsur Kali mae.”

Gaˬlaˬtiˆ 3:26

Jan-eu mirnae, nawmaf yawqghaq navluf, Yeqsur Kali-euq lafkhoer Miqyaer-euq zaq pyeuflar-euq mae.

Eˇpeˇsu 3:9

Khoeruqtaf, Yeqsur Kali-anr ghoe-awr dawqtawv luf-anr bae-euq Miqyaer-euq lafkhoer, ardanqbae ngae nae daeqkaq taq-euq jeq-anr taf-eu zaftaq-euq jeq-euq lafkhoer, cawq cawqtaf-eu jeq aqjox-aer ghae-eu nga laer, tsawrhaq dawqtawv luf-anr bimawrni khawf bi mrnaeq laf-euq mae.

1 Tiˆmoˇseˬ 2:4

Tsawrhaq yawqghaq navluf kakhof-eu jeq za-awr, yawtsaq yawdawr jeq-anr siqnya lar-eu gar Miqyaer geufmawf-eu mae.

Tiˇtuˆ 2:11

Aqjeq mirnae aernar-aq, tsawrhaqzaq dawqtawv luf-anr kakhof-eu laer Miqyaer-euq guiqlanq yawdzanr panmaeq naeqlaf-euq mae.

2 Beˬtuˆluˆ 3:9

Sanqpaq Miqyaer-aq, tsawrhaq tiqpavnav deuq noeq-eu lof-aer, aqyawf nae sarjax dzaqtaq-euq jeq maq mrbyanni nyinaq-eu maqngeur-a. Aerkhawf, tsawrhaq tiqghaq-iq maqbi cawv-ir mawf-aer, yawqghaq navluf noeqpov noeqpar mr-eu gar aqyawf geufmawf-eu mirnae, aqdui-euq gharduq nuima ghawqmanrni taq-eu jeq pyeuf-eu mae.