Tiˇtuˆ 3:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Dawrga deuq tsawrpyaer pyaer-eu, tsuif gui-eu, caedzaq-eu, zanrdawq-euq garkawv pyaer-eu, heudeuq-anr garjaw jaw-awq. Aqjeq mirnae aernar-aq, garkawv khoerdeuq-aq, tiqjeq-iq gardanr maqtsoeq-eu uqtaf, yawqngaef yawqkuq mae.

Akha

⁹ Ehˇ kʼawꞈ, gaˇ dahˇ maˬ tsoeˬ-eu jeˬ-ahˇ tsawˇ pyehˇ pyehˇ-eu, tsuiꞈ gui gui-ehˇ pyehˇ-eu, ceh dzaˬ-eu, Zahˇdawˬ kʼoꞈ dawˬ gaˇ kawˆ ja dzaˬ-eu, heu deuˬ-ahˇ yahˇ-awˬ. Heu-aˬ, gaˇ dahˇ maˬ tsoeˬ-eu uˬ taꞈ, guiˬ lahˬ maˬ baw-a.

Tiˇtuˆ 3:9 ပူးပေါင်းရင်းမြစ်များ

1 Gawˇliˬtu 13:2

Ngar, Miqyaer gharduq ngaeqdan-eu lafsawq za-awr, Miqyaer nae zaftaq-euq dawqtawvluf ghovshaw nya-eu uqtaf, yawqjeq navluf-anr siqnya-eu tsawrganr anr-awr, gawqjawq-anr bijiv-ir nya’ni jan-eu nuima tiqbyan anr-eu khawf, gaq-eu jeq maqanr nar-aq, ngar-aq, tiqjeq-iq gardanr maqtsoeq-a.

1 Gawˇliˬtu 8:1

Tanqpanq aqma mawrkawr-anr lawrnaeq-euq dzaqdzaq dawrdawr-euq garkawv-aq heulof-aer mae. Aqdui yawqghaq navluf siqnya-eu tsawrganr anr-eu ma laer siqnya ma. Aerkhawf, siqnya-eu tsawrganr-aq, tsawrhaq-anr nuima bi huiqlar-awr, gaq-eu jeq-aq, tsawrhaq-anr bihuiq bi manrlar-eu mae.

1 Tiˆmoˇseˬ 4:7

Miqyaer-anr yawzeu maqbaw-eu dawqmawq dawqoer deuq-anr taq narhaq. Miqyaer-anr yawzeu baw-eu siqnya larni nawr yawmuiq-aer mrdzaw-awq.

2 Tiˆmoˇseˬ 2:14

Garkawv heudeuq nawr, tsawrhaq yawqghaq navluf-anr ja’noeq naeq-awq. Dawqdeuq-euq garkawv tsawrpyaer taqpyaer laer, Miqyaer-euq maeqshi nawr, aqyawf maf-anr yawkhav khav-aer maeqnaeq-awq. Khoerlof-aer pyaer-eu-aq, yawmuiq tiqjeq-iq maq dovlar-eu uqtaf, yagaq-euq tsawrhaq deuq-anr bicawv-ir-eu taef mae.

2 Tiˆmoˇseˬ 2:16

Miqyaer-anr yawzeu maqbawni aernirgha-eu dawq-anr garjaw jaw-awq. Aqjeq mirnae aernar-aq, khoerlof-aer aernirgha-eu tsawrhaq-aq, Miqyaer-anr yawzeu maqbaw-eu nuima ngaeq-aer nar-aq ngaeq-aer anrdzaeqlar taef-a.

2 Tiˆmoˇseˬ 2:23

Aerkhawf, zaqsiq tsawrganr maqanr-aer, tiqjeq-iq gardanr maqtsoeq-eu tsawrpyaer pyaer-eu jeq-anr garjaw jaw-awq. Aqjeq mirnae aernar-aq, khoerdeuq-aq, caedzaq-eu jeq bi dovlar-eu taef mae laer nawr siqnya-eu mae.

Tiˇtuˆ 1:14

Yawtsaq yawdawr dawq-anr byaerdzae-euq tsawrhaq nae dawq bif-euq deuq-anr hawr-eu Yurdav tsawrhaq-euq dawqmawq dawqoer-anr taq narhaq.

Yaˬkoˆ 4:1

Nawmaf-euq lafkhoer guirdeuv deuv-eu hawr-eu caedzaq-eu jeq aqgeugar nae dovlar-euq la? Nawmaf lurgha caergha-eu gar geufmawf-eu baqda’nae, nawmaf-euq arsaer deuq deuvcae cae-eu jeq dovlar luf-eu maqngeur-a lor?