Tiˇtuˆ 3:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq7 Aqyawf-euq guiqlanq yawdzanr baqda’nae, aqdui tsaq-awr dawr-eu tsawrhaq pyeuflar-awr, mqmaq maqbyav yarzir daef-eu jeq-anr noeqtmqkhar za-eu aqyawf-euq jeqbir of-eu tsawrhaq ma. အခန်းကိုကြည့်ပါ။Akha7 Miˬyehˇ-euˬ guiˬ lahˬ yaw dzahˇ baˬ da neh, aˬ dui Miˬyehˇ-ahˇ tsaˬ leˇ tsahˇ leˇ-awˇ, aˬ dui noeˬ tmˬ taˬ-euˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, kʼoeˇ loꞈ-ehˇ shehˆ daˆ nehˬ laꞈ-euˬ jeˬ pyeuꞈ-eu meh. အခန်းကိုကြည့်ပါ။ |
Guiqlanq yawdzanr-euq baqda’nae za-euq ngeur-eu law nar-aq, mr-awr shar-eu jeq-anr maqtaf-a. Mr-awr shar-eu jeq-anr taf-eu law nar-aq, guiqlanq yawdzanr maqpar ngeur-eu mae. Aerkhawf, mr-awr shar-eu jeq-euq baqda’nae ngeur-eu law nar-aq, guiqlanq yawdzanr-anr maqtaf-a. Guiqlanq yawdzanr-anr taf-eu law nar-aq, mr-awr shar-eu jeq maqpar ngeur-eu mae.
Khoermirnae, jan-eu baqda’nae jeqbir za-eu mae. Jan-eu lafkhoer sarjax aertaq-euq lof-aer aryoeq dawqtawvluf za’nya-eu khoer-aq, guiqlanq yawdzanr baqda’nae nga laer bi dovlar-eu gharduq mae. Zanrdawq-anr ghoe-eu tsawrhaq taef-aer sarjax za-eu maqngeur-aer, aqdui dawqtawv luf-euq aqda yawdzanr Aqbyaqhaq jan-eu lof-aer kharjan-eu tsawrhaq yawqghaq navluf za-eu mae.
Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.
Tsawrhaq tiq ghaq zanrdawq-anr mrcaw-euq mirnae, tsaq-awr dawr-eu tsawrhaq pyeuflar-eu maqngeur-a. Yeqsur Kali-anr jan-eu mirnae taef-aer pyeuflar-eu mae laer aqdui siqnya-eu ma. Aqduimaf khawf zanrdawq-anr mrcaw-euq mirnae, tsaq-awr dawr-eu tsawrhaq pyeuflar-euq maqngeur-aer, Kali-anr jan-eu mirnae tsaq-awr dawr-eu tsawrhaq bi pyeuflar naeqlaf-euq mae. Aqjeq mirnae aernar-aq, shiqshaq khar piluf-eu tsawrhaq tiqghaq-iq zanrdawq-euq maeqnan cantae-euq mirnae, tsaq-awr dawr-eu tsawrhaq maq pyeuflar nya-a.
Noraq jan-eu mirnae, maq mawrhaw-euq jeq Miqyaer, aqyawf-anr aernaeq ngae, yawzeu baw-awr guv-eu lafkhoer narhaq geuf-awr, aqyawf-euq nymrkhanq yabuq-ir ni lawq lawqma tiq lawq tsov-euq mae. Aqyawf jan-eu khoer-aq, mirtsaqzaq-anr dar-eu jeq pyeuf-awr, aqyawf-anr tsaq-awr dawr-eu jeqbir of-eu tiq ghaq bi pyeuflar-euq mae.
Khoerlof-aer durni, khaqdzerzaq deuq khawf, yawqha-euq miqzaq-anr ghovshaw-awr daeftaf jawrtaf-awq. Aqyawf, nawq-euq navmaqtser yawnanq nanqdzaeq-eu khawf, nawq naeq-aer tiqkawv lof-aer daefzir-euq guiqlanq yawdzanr jeqbir za-eu mirnae, aqyawf-anr taqhuiq taqmanr-awq. Khoerlof-aer janr nar-aq, nawmaf guiqlanq shar-eu gar lavtsoeq-eu jeq maqjav-ar.