Tiˇtuˆ 3:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqyawfmaf garkawv heudeuq-anr maqya ngaerni, nawr yawmuiq-aer ja’noeq naeq-awq. Sanqpaq sanqma deuq hawr-eu aryaq jav-eu deuq-euq lafov yawmuiq-aer jawr-awq. Aqyawf maf-euq dawq narhaq geuf-awr, yawmuiq yawqjeq navluf mrni laeqhmq taq-awq.

Akha

¹ Sahˬ paˬ sahˬ ma deuˬ hawˇ-eu uˆ lahˇ-eu deuˬ-euˬ laꞈ oˆ yaw muiˬ-ehˇ jawˇ-awˇ, aˬ yawꞈ maꞈ-euˬ ehˇ dawˬ naˇ haˬ-eu laꞈ kʼoeˇ, yaw muiˬ jeˬ dawˬ tawˆ luꞈ-ahˇ mˇ-eu lehˇ lehˬ hmˬ taˬ-eu gʼaˇ duˬ nawˬ-euˬ tsawˇ haˬ deuˬ maˬ ya ngehˇ ni ja noeˬ nehˬ-awˬ.

Tiˇtuˆ 3:1 ပူးပေါင်းရင်းမြစ်များ

Dawqdaq 24:21

Ngaq-euq zaqyo-or! Ya’we Miqyaer hawr-eu sanqpaq-anr guv-awr, Puiq-eu tsawrhaq deuq naeq-aer taq gmler.

Maꞈtehˬ 22:21

Aqyawfmaf aer-eu, “Sanqpaq Gaersaq-euq nga.” Yeqsur aer-eu, “Tox-aer mar-iq, sanqpaq Gaersaq-euq myawq-aq, sanqpaq Gaersaq-anr bif-awr, Miqyaer-euq myawq-aq, Miqyaer-anr bif-awq.”

1 Gawˇliˬtu 15:58

Khoermirnae, ngar zawr gaq-eu aqyuif aqnyir deuq-or! Nuima zifdanni ghae-awr maqpov maq parlarni, aqmyanluf Sanqpaq Miqyaer-euq gar laejae-awr mr-eu tsawrhaq pyeuf-awq. Aqjeq mirnae aernar-aq, nawmaf nae Sanqpaq Miqyaer-euq gharduq mr-awr shar-eu jeq-aq, yawqngaef maqngeur-a laer siqnya-awq.

Eˇpeˇsu 2:10

Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.

Piˇliˇpiˆ 1:11

Yeqsur Kali-euq baqda’nae tsaq-awr dawr-eu arsiq tiqbyanni siqle-awr, Miqyaer-euq yawshaef khanqsaer hawr-eu, Miqyaer-anr jaceuq-eu jeq dovlarni guiqlanq sharluf-eu ma.

Gawˇlawˇsehˇ 1:10

Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.

1 Tiˆmoˇseˬ 2:2

Sanqpaq deuq hawr-eu aryaq jav-eu yawqghaq navluf-euq gharduq khawf khoerlof-aer shar-awq. Khoerlof-aer shar nar-aq, aqdui nuisar of-awr, cofngaerni Miqyaer-anr yawzeu bawbaw-aer, yawtsaq yawdawr-euq lafkhoer daefnya taef-a.

1 Tiˆmoˇseˬ 4:6

Nawr, aqyuif aqnyir deuq-anr garkawv heudeuq maeqnaeq nar-aq, nawr-aq, Yeqsur Kali-euq muiq-eu kuirlaf zaqkhav pyeuf taef-a. Jan-eu jeq-anr taf-eu dawq hawr-eu muiq-eu dawqmaeq dawqtsov-anr yawmuiq-aer cantae-eu lafkhoer huiqlar taef-a.

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

2 Tiˆmoˇseˬ 1:6

Khoermirnae, ngaq nae nawq-euq khoertav aqlaf bafdav-euq gar ghoe-awr, Miqyaer, nawq-anr bif-euq lafsawq khoer maqbi miv-ir ni lavnyaev-awq laer ngar, nawq-anr aernoeq-eu ma.

2 Tiˆmoˇseˬ 2:14

Garkawv heudeuq nawr, tsawrhaq yawqghaq navluf-anr ja’noeq naeq-awq. Dawqdeuq-euq garkawv tsawrpyaer taqpyaer laer, Miqyaer-euq maeqshi nawr, aqyawf maf-anr yawkhav khav-aer maeqnaeq-awq. Khoerlof-aer pyaer-eu-aq, yawmuiq tiqjeq-iq maq dovlar-eu uqtaf, yagaq-euq tsawrhaq deuq-anr bicawv-ir-eu taef mae.

2 Tiˆmoˇseˬ 2:21

Tsawrhaq tiq ghaq maqtsaq maqdawr-eu khoerdeuq-anr yawqhar yawqha tsiqshawr nar-aq, yawsanr ghaq zmqnya-eu lavshawr-euq, poeq-awr lawq-eu keuka pyeuflar-awr, yawmuiq yawqjeq navluf mr-eu gharduq laeqhmqdan taq-eu jeq pyeuf-eu mae.

Tiˇtuˆ 1:16

Aqyawfmaf, Miqyaer-anr siqnya ma laer aer-eu khawf, aqyawfmaf mrgar shargar haw nar-aq, Miqyaer-anr siqnya gar tiqpawf-iq maqdur-a. Aqyawf maf-aq, byae duiduilar paq-aer ghae-awr, aerdawq maq narhaq-eu tsawrhaq mirnae, yawmuiq jeq mr-eu tiqpawf-iq maqgeux-a.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

Tiˇtuˆ 3:14

Nawmaf yawmuiq jeq ya’mr mae laer, aqdui-euq tsawrhaq deuq-anr maeqnaeq tsovnaeq-awq. Aqyawfmaf khoerlof-aer mr nar-aq, aqyawfmaf kharmawf-eu yawqjeq navluf javlar-awr, gar maq mrdovlaf nya-eu tsawrhaq maqpyeuf-ar.

Tiˇtuˆ 3:8

Dawq heudawq-aq, jancoer ghoecoer paq-aer ghae-eu mae. Miqyaer-anr jan-eu tsawrhaq deuq, aqmyanluf yawmuiq jeq ya’mr mae laer maqya ngaerni, ngar, nawq-anr yawmuiq-aer bimaeq bi tsovmawf mir-a. Gar khoerdeuq-aq, muiq-eu gar pyeuf-eu uqtaf, tsawrhaq yawqghaq navluf-euq gharduq gardanr tsoeq-eu mae.

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

2 Beˬtuˆluˆ 1:12

Khoermirnae, nawmaf khoerdeuq-anr siqnya-awr, nawmaf nae zataq-euq yawtsaq yawdawr-euq lafkhoer jawrzif luf-eu khawf, garkawv heudeuq, ngar maqbyaerni yawqjawr navluf nawmaf-anr aernoeq naeq-eu ma.

Yuˇdaˆ 1:5

Garkawv heudeuq dawqtawvluf nawmaf arhu nae siqnya taq-euq khawf, ngar, nawmaf-anr tiq pov par ja’noeqnaeq mawf nya siq. Sanqpaq Miqyaer, Irjirtuv-anr nae aqyawf-euq tsawrhaq-anr bibuq-ir-awr, arnan-aq, maqjan-eu tsawrhaq deuq-anr lavcawv naeq-euq mae.