Tiˇtuˆ 2:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqcawq iqbax taqkhar maqza’ni, tsaq-awr tsanr-eu dawq taef-aer maeqnaeq-awq. Khoerlof-aer maeqnaeq nar-aq, lavtsoeq-eu tsawrhaq, nawmaf-anr yawdoer jeq aerkhar maqza-aer, ya shafdawr-ir taef-a.

Akha

⁸ Nawˬ-ahˇ muiˇ-eu tsawˇ haˬ deuˬ aˬ dui-ahˇ ja bu ja doeˇ kʼaˇ maˬ za ni bi shaꞈ dawˇ-iˇ pa-ehˇ, yaw lehˬ maˬ poˆ doˆ nya-eu tsaˬ-eu muiˬ-eu dawˬ deuˬ zmˬ-awˇ mehˬ-awˬ tsoˆ-awˬ.

Tiˇtuˆ 2:8 ပူးပေါင်းရင်းမြစ်များ

Maˬkuˆ 12:17

Khoerngae, Yeqsur aer-eu, “Sanqpaq Gaersaq-euq myawq-aq, sanqpaq Gaersaq-anr bif-awr, Miqyaer-euq myawq-aq, Miqyaer-anr bif-awq.” Khoerngae, aqyawfmaf, aqyawf-anr zanq duidui ler-euq mae.

Maˬkuˆ 12:28

Khoerngae, zanr maeq-eu tiq ghaq lar-awr, aqyawfmaf tsawrpyaer pyaerluf-eu gar yagaq-euq mae. Yeqsur yawmuiq-aer aerkhof naeq-euq gar yasiq-awr, Yeqsur-anr narhaq-eu, “Zanrdawq khofdawq dawqtawv luf-euq lafkhoer nae huiqdzaeq dzaeq-eu uqdzan yawbae dawq aqgeu dawq la?”

Maˬkuˆ 12:32

Khoerngae, zanr maeq-eu khoerghaq, Yeqsur-anr heulof-aer aernaeq-euq mae, “Saqlaq-or! Nawr aer-eu tsaq mae, ‘Miqyaer tiq ghaq taef-aer jawr-awr, (Dm 6:4) Aqyawf maqngeur nar-aq, Miqyaer nuighaq maqjawr-a’ (Dm 4:35; Isy 45:21) laer nawr aer-eu teu tsaq mae.

Maˬkuˆ 12:34

Khoerghaq yawmuiq-aer sharnoeq sharnoeq-aer aerkhof laf-eu gar Yeqsur ya’mawr ngae aer-eu, “Nawr-aq, Miqyaer uvlanr-eu jeq-anr nae maqpar kaq-eu ngar-a.” Khoerngae nae nar-aq, tsawrhaq tiqghaq-iq Yeqsur-anr tiqjeq-iq maqpar narhaq peuq-euq mae.

Luˇkaꞈ 13:17

Yeqsur khoerlof-aer aernaeq ngae, aqyawf-anr muir-eu tsawrhaq dawqtawvluf shafdawr-ir-euq mae. Aerkhawf, tsawrhaq armaf dawqtawvluf, Yeqsur nae yawshaef khanqsaer huiq-eu jeq mr-euq gar laqkhaq caer-eu mae.

2 Teˇsaˬloˇni 3:14

Tsawrhaq tiqghaqnav, nga’maf nae bofanr lef-euq dawq heudeuq-anr maq narhaqgeuf nar-aq, aqyawf-anr noeqtaq-awq. Aqyawf yawqhar yawqha bi shafdawr-ir paq-aer cawq taq cawqnaeq.

1 Tiˆmoˇseˬ 5:14

Khoermirnae, miqcoeq miqma zaqguq deuq-aq, smrmir ir-awr, zaqciq zaqcu mr-eu lafkhoer, nymrdanq yawmuiq-aer danqdzaq-eu gar ngar geufmawf mir-a. Khoerlof-aer janr nar-aq, aqdui-anr muir-eu tsawrhaq, aqdui-anr yaeqbawq saerlu-aer aerlarkhar maqza-ar.

1 Tiˆmoˇseˬ 6:3

Tsawrhaq tiqghaqnav, aqdui-euq Sanqpaq Yeqsur Kali-euq dawq hawr-eu Miqyaer-anr yawzeu baw-eu dawqmaeq dawqtsov-anr maq tsaqler-eu, beugar-eu jeq maeq nar-aq,

Tiˇtuˆ 3:14

Nawmaf yawmuiq jeq ya’mr mae laer, aqdui-euq tsawrhaq deuq-anr maeqnaeq tsovnaeq-awq. Aqyawfmaf khoerlof-aer mr nar-aq, aqyawfmaf kharmawf-eu yawqjeq navluf javlar-awr, gar maq mrdovlaf nya-eu tsawrhaq maqpyeuf-ar.

1 Beˬtuˆluˆ 2:12

Nawmaf, Miqyaer-anr maqjan-eu tsawrhaq deuq-euq ghanrcae, yawmuiq jeq mrmr-aer daef-awq. Nawmaf yawdoer jeq mr-eu tsawrhaq-a laer aqyawfmaf jadoer-eu khawf, nawmaf yawmuiq jeq mr-eu gar ya’mawr-euq mirnae, Miqyaer-anr dzoer ngae nan, aqyawfmaf, Miqyaer-anr ciqhuiq ciqmanr taef-a.

1 Beˬtuˆluˆ 2:15

Aqjeq mirnae aernar-aq, nawmaf yawmuiq jeq mr-eu gar Miqyaer nuima tsaq-eu mae. Nawmaf heulof-aer mr nar-aq, aqdzawq argan deuq-euq khaqmae ciqcurni bipyeuf-ir nya taef-a.

1 Beˬtuˆluˆ 3:16

Nawmaf-euq zaqsiq nuisiq shawrjaevni bijav-awq. Khoerlof-aer bijav nar-aq, nawmaf, Kali-anr ghoe-awr yawmuiq jeq mrluf-eu gar, nawmaf maqmuiq-eu yawdoer jeq mrluf-a laer, jabu jadoer-awr dawqdoer ngaeq-eu tsawrhaq deuq ya shafdawr-ir taef-a.