Tiˇtuˆ 2:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ yawqha-euq nuima-anr nyaeftaeq nya-eu, yawshawr shawr-aer daef-eu, nymrkhanq-anr hawluiv nya-eu, nuima muiq-eu hawr-eu yawqha-euq khaqdzerzaq-euq lafov jawrnya-eu tsawrhaq khawf pyeuflar taef-a. Aqyawfmaf khoerlof-aer janr nar-aq, aqcawq, Miqyaer-euq dawq-anr yaeqbawq saerlu-aer aerkhar maqza-ar.

Akha

⁵ Aˇ kʼoꞈ maˬ kʼawˆ laˇ-euˬ zaˬ miˬ zaˬ kʼoeˇ deuˬ yawˬ ha-euˬ nui ma-ahˇ gʼaˬ leˇ-awˇ, muiˬ-eu nymˇ sahˇ aˬ ma deuˬ pyeuꞈ laˇ-eu laꞈ kʼoeˇ kʼaˬ dzeˇ zaˬ-euˬ laꞈ oꞈ awꞈ nya laˇ-eu miˇ neh, Miˬyehˇ-euˬ guiˬ lah dawˬ-ahˇ aˬ cawˬ ja bu ja doeˇ kʼaˇ maˬ za-ehˇ pyeuꞈ laˇ ni aˬ yawꞈ maꞈ ya mehˬ ya tsoˆ-eu meh.

Tiˇtuˆ 2:5 ပူးပေါင်းရင်းမြစ်များ

Jaceuq 74:10

Miqyaer-or! Muir-eu deuq, nga’maf-anr aqmyan keuvni aerdoer-eu laer la? Aqyawfmaf, li-eu maqbawni nawq-euq tsawrmyanr-anr, Yaeqbawq saerlu-aer aer-eu laer mae laq?

Dawqdaq 7:11

Aqyawf tersar khav-awr, narkhawr ghanr-eu uqtaf, Aqyawf-euq aqkuir, irkanr-anr jawrnaq maq mrnya-a.

Gʼaˬkʼehˇ 9:36

Yurbeq meuq-anr Daqbirtav laer kur-eu zaqlanr pyeuf-euq zaqmiq aqbur tiq ghaq jawr-eu mae. Daqbirtav-aq, Dawkar laer aermawf-eu mae. Aqyawf aqmyanluf yawmuiq jeq mr-awr, gamfnaeq-eu tiq ghaq mae.

Gʼaˬkʼehˇ 9:39

Khoerngae, Beqtuvluv tur-awr aqyawfnyaf naeq-aer ir-euq mae. Khoergar irkeuv-euq naeq-aer, aqcawq, aqyawf-anr nymr laftav tiv-euq kuvlawv-anr sheuqdav lef-euq mae. Miqcoeq miqma dawqtawvluf Beqtuvluv-euq dawqpae yawf-awr, Dawkar daef ngae guf-euq paerkhanq hawr-eu maeqtsoeq deuq, aqyawf-anr sheuhaw sheuhaw-aer ngoer-eu mae.

Lormav 14:16

Nawq-euq yawmuiq jeq-anr aqcawq jadoerduq taqbi pyeuf.

Lormav 2:24

Yaerbof-euq lafkhoer boftaq-euq lof-aer, “Nawmaf-euq baqda’nae, aqcawq tsawrjeuq tsawrca, Miqyaer-euq tsawrmyanr-anr yaeqbawq saerlu-aer aerluf-eu mae.” (Isy 52:5)

1 Gawˇliˬtu 11:3

Aerkhawf, ngar, nawmaf-anr heulof-aer bi siqnya’mawf mir-a. Zaqyo aqli yawqghaq navluf-euq uqduq-aq Kali mae. Zaqmiq aqbur-euq uqduq-aq zaqyo aqli mae. Kali-euq uqduq-aq Miqyaer mae.

1 Gawˇliˬtu 14:34

Kalizaq armur uiqler ngae, nawmaf-euq zaqmiq aqbur deuq ciqcurni bijawr-awq. Aqjeq mirnae aernar-aq, aqyawf maf-aq, dawq ngaeq-eu arnmq maqjav-a. Aqyawfmaf, zanrdawq aertaq-euq lof-aer lafof ya’aw-eu mae.

Eˇpeˇsu 5:33

Khoerlof-aer law khawf, nawmaf yawqghaq navluf yawqha-euq mawrdo-anr gaq-eu lof-aer, yawqha-euq miqzaq-anr gaq-awq. Miqzaq deuq khawf, yawqha-euq khaqdzerzaq-anr yawzeu baw-eu tsaq mae.

Gawˇlawˇsehˇ 3:18

Miqzaq deuq-or! Yawqha-euq khaqdzerzaq-euq lafov yawmuiq-aer jawr-awq. Khoer-aq, Sanqpaq Miqyaer-euq lafkhoer mr paq-aer ghae-eu jeq pyeuf-eu mae.

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

1 Tiˆmoˇseˬ 6:1

Miqyaer-euq tsawrmyanr hawr-eu aqyawf-euq dawqmaeq dawqtsov-anr aqcawq yaeqbawq saerlu-aer maqya aerni, aqcawq-euq zaqkhav khar geufluf-eu tsawrhaq yawqghaq navluf yawqjeq navluf-euq lafkhoer, yawqha-euq yawsanr ghaq-anr yawzeubaw paq-aer ghae-eu mae.

Tiˇtuˆ 2:4

Aqyawf maf-anr khoerlof-aer maeqnaeq tsovnaeq nar-aq, aqma makhar deuq yawqha-euq khaqdzerzaq hawr-eu zaqdeuq-anr gaq-eu,