Tiˇtuˆ 2:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqbawr tsawrmawq deuq-anr yawqha-euq nuima-anr ghaqlerni, aqcawq yawzeu bawni, nuima taqnya’ni maeqnaeq tsovnaeq-awq. Jan-eu jeq, gaq-eu jeq hawr-eu daqcoer orcoer-eu jeq, tiqbyan tiqlof anrlarni khawf maeqnaeq-awq.

Akha

² Tsawˇ mawˬ tsawˇ kʼaˆ deuˬ-ahˇ, nui ma taˬ nya ni maˬ ehˇ, aˬ cawˬ yaw zeu baw paˬ-ehˇ dehꞈ nya ni maˬ ehˇ, yawˬ ha-euˬ nui ma-ahˇ gʼaˬ leˇ ni maˬ ehˇ, tsaˬ-eu muiˬ-eu jah-eu jeˬ ahˇ laˇ ni maˬ ehˇ, gʼoeˇ-eu gaˬ-eu jeˬ ahˇ laˇ ni maˬ ehˇ, daˬ coeˇ oˇ coeˇ-eu nui ma ahˇ laˇ ni maˬ ehˇ, mehˬ nehˬ-awˬ.

Tiˇtuˆ 2:2 ပူးပေါင်းရင်းမြစ်များ

Jaceuq 92:14

Aqyawfmaf, tsawrmawq mawqle ngae keuvni arsiq siqle-awr; Aqyawfmaf, nyoerjawfni jav-awr bawle zale taef-a.

Dawqdaq 16:31

Tsaq-awr dawr-eu garma-anr povza-euq ngeur nar-aq, Uqduq tsaerkanr yawpyur-aq, Yawshaef khanqsaer-euq shuir uqkhov mae.

Maˬkuˆ 5:15

Aqyawfmaf, Yeqsur jawr-eu gar larkeuv ngae, naef-euq guirmaf ur-euq tsawrhaq khoerghaq maeqtsoeq dm-awr, nuima muiqkhof lar-awr nae nuirluf-eu gar ya’mawr ngae guv duidui-ir-euq mae.

Luˇkaꞈ 8:35

Garkawv khoer aqjox-aer pyeuflar-euq nga laer yasiqni, tsawrhaq armaf mafma hawlar-euq mae. Aqyawfmaf, Yeqsur jawr-eu gar larkeuv ngae, naef baqmaf dov-ir-euq khoerghaq, maeqtsoeq dm-awr, noeqbeur khoflar-awr, Yeqsur-euq aqkuir-euq dawqpae nuirluf-eu gar ya’mawr-euq mirnae, aqyawfmaf guv duidui-ir-euq mae.

Gʼaˬkʼehˇ 24:25

Khoernar-aq, Pawrluv tsaq-awr dawr-eu garkawv, yawqha-euq nuima-anr ghaqler-eu garkawv hawr-eu, aqkar keuvle-eu yarkhaq dar-eu garkawv ja’maeqnaeq ngae, Peqlir guvlar taq-awr aer-eu, “Nymq-mr pov-aq ghaq-ar. Nawr ghof-ir-awr, aqkar aryamq tsaq ngae, ngar, nawq-anr parkur ma.”

Lormav 12:3

Ngaq-anr bifnaeq laf-euq guiqlanq yawdzanr baqda’nae, nawmaf-euq lafkhoer jawr-eu yawqghaq navluf-anr ngar heulof-aer aernaeq-eu ma. Yawqhar yawqha sharnoeq paq-aer ghae-eu taf-aer taqnoeq huiqdzeur. Aerkhawf, Miqyaer nae tiqghaq sair tiqghaq-anr jan-eu jeq bifnaeq taq-euq gar tsaqni taef-aer, yawmuiq-aer sharnoeq sharsawx-awq.

1 Gawˇliˬtu 15:34

Nawmaf, tsaq-awr dawr-eu paw uqnoeq beurlar-awr, iqbax taqmr. Aqjeq mirnae aernar-aq, tsawrhaq tiqpavnav deuq Miqyaer-anr siqnya-eu tsawrganr maqanr nga. Ngar, nawmaf bi shafdawr-eu laer heulof-aer aer-eu ma.

1 Gawˇliˬtu 9:25

Caevcae cae-eu tsawrhaq yawqghaq navluf, cawv-ir nya-eu ghaqler-euq uqdzanq za’ni, aqyawfmaf yawqdzer dzaq-anr navluf yawqha-euq nuima-anr ghaqler-eu lafkhoer, laejae-awr caevdzaw-eu mae. Aerkhawf, aqdui-aq, maqcawv-ir nya-eu ghaqler-euq uqdzanq za’ni laejae luf-eu ma.

2 Gawˇliˬtu 5:13

Nga’maf tsawruq uq-ir-euq nar-aq, Miqyaer-euq gharduq uq-ir-euq ma. Nga’maf-euq nuima ganrluf-eu ngeur nar-aq, nawmaf-euq gharduq ma.

Gaˬlaˬtiˆ 5:23

nuima nanqyuni ghae-eu, yawqha-euq nuima-anr ghaqler-eu, heudeuq mae. Heudeuq taqmr laer boftaq-euq zanrdawq maqjav-a.

Piˇliˇpiˆ 4:8

Aqyuif aqnyir deuq-or! Arsaq saq-eu dawq-aq, heudeuq-anr sharnoeq-awq laer aermawf-eu ma. Aqdir tsaq-eu jeq, noeqpoeq paq-aer ghae-eu jeq, tsaq-awr dawr-eu jeq, shawrjaevni ghae-eu jeq, hawmuiq-eu jeq, yawmuiq mae laer aer-eu jeq, muiq-awr jaq-eu jeq hawr-eu jaceuq paq-aer ghae-eu jeq, nawmaf garkawv heudeuq dzardziv dziv-awr sharnoeq sharsawx-awq.

1 Teˇsaˬloˇni 5:6

Khoermirnae, aqdui, aqcawq lof-aer maq yufkhavni yawqha-euq nuima-anr ghaqler-awr, yawbeur beur-aer jawr kar-eur.

1 Teˇsaˬloˇni 5:8

Aerkhawf, aqdui-aq, nan’ghanr-anr taf-eu tsawrhaq mirnae, yawha-euq nuima-anr ghaqler-eu tsaq mae. Jan-eu jeq hawr-eu gaq-eu jeq khanq-anr daeqdaq-eu jeq lof-aer dm-awr, kakhof-eu jeq za mae laer noeqtmq-eu jeq, shmr uqkhov lof-aer khov kar-eur.

1 Tiˆmoˇseˬ 1:10

banq-awr joe-eu tsawrhaq, aqli yawkaq aqli yuftaf joetaf-eu tsawrhaq, tsawrhaq khoeqanq-eu tsawrhaq, jaqmyawf myawf-eu tsawrhaq, maqngeur-eu jeq kamq-eu tsawrhaq hawr-eu tsaq-awr tsanr-eu jan-eu jeq-euq dawqmaeq dawqtsov-anr lavtsoeq lar-eu jeq-euq gharduq zanrdawq bijav-euq mae laer aqdui siqnya-eu ma.

1 Tiˆmoˇseˬ 1:14

Aqdui-euq Sanqpaq Miqyaer-euq guiqlanq yawdzanr myaqgar maq aerjircoer nya. Yeqsur Kali-euq lafkhoer anr-eu jan-eu jeq hawr-eu gaq-eu jeq ngaq-anr bifnaeq laf-euq mae.

1 Tiˆmoˇseˬ 1:2

Jan-eu paw aqdir ngaqli pyeuf-eu Tivmorseq-anr sanqbof bofanr lef-euq ma. Aqdui-euq Aqda Miqyaer hawr-eu aqdui-euq Sanqpaq Yeqsur Kali-anr nae oe-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

1 Tiˆmoˇseˬ 1:5

Dawq bif-eu heu-aq, gaq-eu jeq bi dovlar-eu gharduq ma. Gaq-eu jeq heu, shawrjaevni ghae-eu nuima, muiq-eu zaqsiq nuisiq hawr-eu shawrjaevni jan-eu nuima-euq lafkhoer nae ya dovlar-eu mae.

1 Tiˆmoˇseˬ 3:11

Khoerlof-aer durni, zaqmiq aqbur deuq khawf, aqcawq yawzeu baw-eu tsawrhaq yapyeuf-awr, aqcawq-anr jabu jadoer-eu tsawrhaq maqya pyeuf-a. Yawha-euq nuima-anr ghaqler-awr, yawqjeq navluf-anr sarjax zif-eu tsawrhaq yapyeuf-eu mae.

1 Tiˆmoˇseˬ 3:2

Kalizaq armur-anr hawlanr-eu tsawrhaq-aq, aerkhar maqza-eu, miqzaq tiq ghaq taef-aer baw-eu, kharnoeq kharlov-eu lof-aer maqdzaq maqdawr-eu, yawqha-euq nuima-anr ghaqler-eu, yawzeu bawlar paq-aer ghae-eu, daqyan-anr ha’nya-eu hawr-eu maeqnaeq tsovnaeq nya-eu tsawrhaq yapyeuf-eu mae.

1 Tiˆmoˇseˬ 3:4

Yawqha-euq nymrjir-anr yawmuiq paq-aer uvlanr nya-awr, zaqdeuq aerdawq narhaq-awr, yawqjeq navluf-euq lafkhoer, yawzeu baw-eu tsawrhaq yapyeuf-eu mae.

1 Tiˆmoˇseˬ 3:8

Khoerlof-aer durni, cawba-eu deuq khawf, aqcawq yawzeu baw-eu tsawrhaq yapyeuf-eu mae. Maeqlar lardzaeq tsof-awr, aqgaf dzaruir ardzaeq-aer dawrdzeur-eu uqtaf, pyurshuir myawqganq-anr maerjuir juir-eu tsawrhaq maqya pyeuf-a.

1 Tiˆmoˇseˬ 5:1

Aqbawr tsawrmawq deuq-anr daeqdaeq-aer taqmaeq. Yawqha-euq aqda laer sawx-awr ghaq bif-awr, aqli zaqguq deuq-anr-aq, yawqha-euq maernmr laer sawx-awr ghaq bif-awq.

Tiˇtuˆ 1:13

Heulof-aer aertaq-euq dawq heudawq-aq tsaq mae. Khoermirnae, aqyawfmaf jan-eu jeq byanlar ziflarni, nawr, aqyawf maf-anr yawkhav-aer maeqnaeq tsovnaeq-awq.

Tiˇtuˆ 1:8

Daqyan-anr ha’nya-eu, yawmuiq jeq mr-eu gar gaq-eu, noeqganr-awr daef-eu, dawr-awr tsaq-eu, yawshawr shawr-aer daef-awr, yawqha-euq nuima-anr ghaqler-eu tsawrhaq yapyeuf-eu mae.

Tiˇtuˆ 2:7

Aqyawfmaf dzawgeuf nya’ni, yawqjeq navluf-euq lafkhoer, nawr yawmuiq jeq taef-aer mr-awr, dawqmaeq dawqtsovtsov ngae, nuima keuv-awr yawzeu baw-eu lafkhoer, dawrcoeni maeqnaeq tsovnaeq-awq.

Piˇleˇmoˬ 1:9

Aerkhawf, ngar khoerlof-aer maqjanr. Ngar-aq, tsawrmawq mawqle-awr, Yeqsur Kali-euq gharduq kuv-anr khawf urluf-eu Pawrluv ma. Gaq-eu lafkhoer taef-aer ngar, nawq-anr heulof-aer sharmawf-eu ma.

1 Beˬtuˆluˆ 1:13

Khoermirnae, nawmaf-euq nuima yawmuiq-aer laeqhmq-awr, yawbeur beur-aer daef-awq. Yeqsur Kali-anr byacaevni ya’mawr ngae nan, aqyawf, nawmaf-anr bifnaeq laf-eu guiqlanq yawdzanr-anr taef-aer noeqtmq taq-awq.

1 Beˬtuˆluˆ 4:7

Yawqjeq navluf arsaq saq-eu dawqpae paelar-euq mae. Khoermirnae, nawmaf noeqganr-awr, yawbeur beur-aer guiqlanq sharshar-aer jawr-awq.

1 Beˬtuˆluˆ 5:8

Yanr-awr yawbeur beur-aer jawr-awq. Aqjeq mirnae aernar-aq, nawmaf-anr muir-eu ghaq pyeuf-eu naef sanqpaq-aq, joeqjoeq-aer can-eu arlaqjaqshir lof-aer, tsawrhaq-anr kawfsaef dzaq-eu laer jawqluf-eu mae.

2 Beˬtuˆluˆ 1:6

Siqnya-eu tsawrganr-anr yawqha-euq nuima-anr ghaqler-eu jeq bi lanqlar-awr, yawqha-euq nuima-anr ghaqler-eu jeq-anr daqcoer orcoer-eu jeq bi lanqlar-awq. Daqcoer orcoer-eu jeq-anr Miqyaer-anr yawzeu baw-eu jeq bi lanqlar-awq.