Tiˇtuˆ 2:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Guiqlanq yawdzanr khoer, aqdui-anr heulof-aer maeqnaeq laf-eu mae. Miqyaer-anr yawzeu maqbaw-eu jeq-anr hawr-eu heuzir-anr maerjuir juir-eu jeq-anr byaerdzae-awq laer maeqnaeq laf-eu mae. Mirtsaq-euq khoertav jawr ngae, nuima taqnya-awr, tsaq-awr dawr-eu lafkhoer daef-eu uqtaf, Miqyaer-anr yawzeu baw-eu tsawrhaq pyeuf-awq laer khawf maeqnaeq laf-eu mae.

Akha

¹² Guiˬ lahˬ yaw dzahˇ kʼoeˇ aˬ dui-ahˇ heu loꞈ-ehˇ mehˬ nehˬ tsoˆ nehˬ laꞈ-euˬ meh. Miˬyehˇ-ahˇ yaw zeu maˬ baw-eu yaw dehꞈ dehꞈ-eu jeˬ hawˇ-eu shiˬ shaˬ jiˇ-euˬ nui noeˬ nui loˆ-ahˇ byehˇ dzeh-eu gʼaˇ duˬ maˬ ehˇ, miˇ tsaˬ heu kʼoeˇ taˆ dehꞈ ngeh yawˬ ha-euˬ nui ma-ahˇ gʼaˬ leˇ-awˇ, nui ma yaw dawˇ dawˇ-ehˇ dehꞈ-eu laꞈ kʼoeˇ Miˬyehˇ-ahˇ yaw zeu baw-awˇ,

Tiˇtuˆ 2:12 ပူးပေါင်းရင်းမြစ်များ

Jaceuq 105:45

Khoer-aq, aqyawfmaf, aqyawf-euq zanrtaq khoftaq-anr bi cantae-awr; Aqyawf-euq zanrdawq-anr bi mrcaw-eu gharduq mae. Haleluya!

Jaceuq 4:3

Aerkhawf, nawmaf heu-anr siqnya-awq. Ya’we Miqyaer, aqyawf-euq gharduq aqyawf-anr yawzeu baw-eu tsawrhaq tserdov taq-euq mae. Ngar, Ya’we Miqyaer-anr kur ngae, aqyawf, ngaq-anr narhaq naeqlaf-eu mae.

Maꞈtehˬ 12:32

Tsawrhaq-euq Zaqyo-anr ngaeqbanq-euq aqgeu ghaq-euq iqbax-anr maqkaq, iqbax pyaeqnaeq nya-a siq. Aerkhawf, Yawshawr Saflar-anr ngaeqbanq-euq aqgeu ghaq-euq iqbax-anr maqkaq, heuzir-anr khawf, aqkar karzir-anr khawf, iqbax maq pyaeqnaeq-ar.

Maꞈtehˬ 16:24

Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqha-euq lafyaq baf-awr nae, ngaq-euq maeqnan ya cantae lar-eu mae.

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Luˇkaꞈ 1:6

Aqnyaf dzerzaq, Miqyaer-euq maeqshi tsaq-awr dawr-eu tsawrhaq mae. Sanqpaq Miqyaer-euq zanrdawq khofdawq hawr-eu zanrsanrkhof dawqtawv luf-euq maeqnan cantae-awr, tiqjeq-anr-iq aerkhar maqza-eu tsawrhaq mae.

Luˇkaꞈ 1:75

Yawshawr hawr-eu tsaq-awr dawr-eu lafkhoer, Aqdui zir jir ngae keuvni guv-eu nuima maqanr-aer, aqyawf-euq maeqshi aqyawf-euq gar ya’mr taef-a.

Yoˇhaˬ 14:30

Aqkar nar-aq, ngar, nawmaf naeq-aer dawq ghawqmya’ni maqpar ngaeq ma. Aqjeq mirnae aernar-aq, mirtsaq heu-anr uvlanr luf-eu ghaq larluf-eu mae. Aqyawf, ngaq-euq khoertav baoq tiqpawf-iq maqjav-a.

Yoˇhaˬ 6:25

Aqyawfmaf, lan-euq khoerpaw baq-anr Yeqsur-anr povmawr-awr, Yeqsur-anr narhaq-eu, “Laqbir-or! Nawr heugar aqmyan oekeuv-euq le?”

Gʼaˬkʼehˇ 24:16

Khoermirnae, ngar, Miqyaer hawr-eu tsawrhaq-euq maeqshi khawf, yawlaeq tiqjeq-iq maqanr-eu zaqsiq nuisiq za’ni laejae duidui luf-eu ma.

Gʼaˬkʼehˇ 24:25

Khoernar-aq, Pawrluv tsaq-awr dawr-eu garkawv, yawqha-euq nuima-anr ghaqler-eu garkawv hawr-eu, aqkar keuvle-eu yarkhaq dar-eu garkawv ja’maeqnaeq ngae, Peqlir guvlar taq-awr aer-eu, “Nymq-mr pov-aq ghaq-ar. Nawr ghof-ir-awr, aqkar aryamq tsaq ngae, ngar, nawq-anr parkur ma.”

Lormav 12:2

Nawmaf, mirtsaqzaq daef-eu lof-aer taqdaef. Aerkhawf, nuima bi lavshuif-awr daefzir parlar-awq. Khoernar-aq, nawmaf, Miqyaer nuima tsaq-eu jeq-anr siqnya lar-awr, yawmuiq jeq, Miqyaer nuikhanr shir-eu jeq hawr-eu byan-eu jeq-anr siqnyalar taef-a.

Lormav 6:12

Nawmaf-euq shiqshaq-euq nuikhanr-anr maqya narhaq geufni, nawmaf-euq shirnya-eu mawrdo-anr iqbax nae taqbi uvlanr.

Lormav 6:19

Nawmaf shiqshaq paw ghaq baq-eu mirnae, tsawrhaq yaw’awq awq-aer ghovshaw nya’ni, dawq heudeuq ngar, nawmaf-anr aernaeq-eu ma. Dzeurlaf ngae, nawmaf-euq arsaer deuq zanrdawq-anr leur-eu jeq mrni, maqshawr-eu jeq hawr-eu, zanrdawq-anr leur-eu jeq-euq zaqkhav bigeuf-eu laer a’naeq-euq mae. Aerkhawf, nymq-mr nawmaf shawrlarni, tsaq-awr dawr-eu jeq-euq zaqkhav bigeuf-eu gharduq, nawmaf-euq arsaer deuq a’naeq-awq.

Lormav 8:13

Nawmaf shiqshaq-anr daefcaw nar-aq yashir taef-a. Aerkhawf, muiq-eu Saflar-anr ghoe-awr, mawrdo mr-awr shar-eu jeq-anr lavsaef nar-aq yadaef taef-a.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

2 Gawˇliˬtu 7:1

Ngar zawr gaq-eu cawqdeuq-or! Aqdui sarjax heudeuq-anr zataq-euq mirnae, aqdui-euq mawrdo hawr-eu saflar-anr bi jawflar-eu yawqjeq navluf-anr tsiqshawr-awr, Miqyaer-anr guv-eu lafkhoer, yawshawr jeq bi byanlar kar-eur.

Gaˬlaˬtiˆ 1:4

Zawr doer-eu heuzir-anr aqdui yabuq-ir ni, Kali-aq, aqdui-euq Aqda Miqyaer nuima tsaq-eu lof-aer, aqdui-euq iqbax-euq gharduq aqyawf-euq mawrdo lawrnaeq-euq mae.

Gaˬlaˬtiˆ 5:24

Yeqsur Kali-anr khartaf-eu tsawrhaq deuq-aq, shiqshaq naeq-aer shiqshaq-euq nuinoeq nuilov hawr-eu nuikhanr dawqtawvluf lafyaq-euq khoertav taftaeq-euq mae.

Eˇpeˇsu 1:4

Aqdui, Miqyaer-euq maeqshi iqbax tiqpawf-iq taqkhar maqza-eu shawr-eu tsawrhaq pyeuflarni, mirtsaq tanqkhawr maqbae-euq minav-aer, gaq-eu lafkhoer Kali-anr ghoe-awr aqdui-anr tserdov taq-euq mae.

Eˇpeˇsu 2:2

Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

Gawˇlawˇsehˇ 1:22

Khoer-aq, nawmaf, Miqyaer-euq maeqshi, aerkhar maqza-aer iqbax taqkhar maqza-eu uqtaf, shawr-eu tsawrhaq lof-aer bi jawrlerni, shiqshaq baw-eu Kali-euq mawrdo shirdan-euq gar ghoe-awr janr-euq mae.

1 Teˇsaˬloˇni 4:7

Miqyaer, aqdui-anr kur-euq-aq, jawflafni bidaef-eu laer maqngeur-a, yawshawr shawr-aer bidaef-eu laer kur-euq mae.

1 Teˇsaˬloˇni 4:9

Aqyuif aqnyir yawkaq gaq-eu garkawv, nga’maf, nawmaf-anr sanqbof bofanr lef-eu laer maqya ghae-ar. Aqjeq mirnae aernar-aq, tiqghaq tirghaq gaq-awq laer Miqyaer, nawmaf-anr maeqnaeq tsovnaeq-euq mae.

1 Tiˆmoˇseˬ 4:12

Nawr zaqguq pyeuf-eu mirnae, aqcawq nae yaeqbawq-aer taqbi hawdoer. Ngaeq-awr tmr-eu paw, mr-awr shar-eu paw, gaq-eu paw, saflar paw, jan-eu paw hawr-eu shawrjaevni daef-eu paw, jan-eu tsawrhaq, nawq-anr hawgeuf dzawgeufduq pyeuf paq-aer daef-awq.

1 Tiˆmoˇseˬ 6:17

Nawr, heuzir-euq lafkhoer smrmuiq muiq-eu deuq-anr, dawq heulof-aer bif-awq. “Nawmaf nuima taqhuiq. Yawduq maqbaw-eu pyurshuir myawqganq-anr maq noeqtmq-aer, aqdui laqkhaq caerni yawqjeq navluf tiqbyan tiqlof bifnaeq laf-eu, daefluf-eu Miqyaer-anr taef-aer noeqtmq-awq.

1 Tiˆmoˇseˬ 6:9

Aerkhawf, smrmuiq muiqlar mawf-eu deuq-aq, murjur jur-eu jeq-euq lafkhoer ga’anr-awr, lafpeu-anr pafler-eu uqtaf, aqdzawq argan pyeuf-ir-awr, guvlar paq-aer ghae-eu maerjuir juir-eu ghawqmya jeq-euq lafkhoer ga’anr-ir-eu mae. Khoer-aq, aqyawf maf-anr lavcawv-awr lavbyovjir nya-eu mae.

2 Tiˆmoˇseˬ 3:12

Aqdir aernar-aq, Yeqsur Kali-euq lafkhoer Miqyaer-anr yawzeu bawbaw-aer khar daefmawf-eu tsawrhaq yawqghaq navluf, khaeq-awr khav-eu jeq-anr yadaq taef-a.

2 Tiˆmoˇseˬ 4:10

Aqjeq mirnae aernar-aq, Deqmav-aq, heuzir-anr taf-eu mirtsaq-anr gaq-eu mirnae, ngaq-anr byaerdzae-awr, Tersaqlorni-anr ir-euq mae. Gaqleqgeq-aq, Gaqlaqtiv-anr le-euq mae. Tirtuv khawf Daqlaqmaqdir-anr ir-euq mae.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

HeˬByehˇ 8:11

Khoerngae, aqyawfmaf tiqghaq-iq yawqha-euq dawqpae jawr-eu tsawrhaq hawr-eu yawqha-euq aqyuif aqnyir-anr, ‘Sanqpaq Miqyaer-anr siqnya lar-awq’ laer maqya maeq-ar. Aqjeq mirnae aernar-aq, aqyawfmaf, nyirdzaeq-eu tiq ghaq-anr nae huiqdzaeq-eu tiq ghaq-anr keuvni, yawqghaq navluf, ngaq-anr siqnyajir taef-a.

Yaˬkoˆ 1:27

Murcoeq aqnmr hawr-eu miqcoeq miqma deuq shaq-eu gar cawba-eu uqtaf, mirtsaq-euq yawjawf, yawqha-anr maqbi jawflarni yanr-eu-aq, aqdui-euq Aqda Miqyaer-euq maeqshi, shawrjaevni ghae-awr maq lavjawf-euq uqduq tanq-eu zanr mae.

2 Beˬtuˆluˆ 2:9

Miqyaer-anr yawzeu baw-eu tsawrhaq murjur jur-eu gar yadaq ngae, aqyawf maf-anr aqjox-aer bibuq-ir-eu hawr-eu, maqtsaq maqdawr-eu tsawrhaq deuq-anr yarkhaqdar ngae nan keuvni, aqjox-aer ya kaflanr taq-eu la laer Sanqpaq Miqyaer siqnya luf-eu mae.

2 Beˬtuˆluˆ 3:11

Yawqjeq navluf khoerlof-aer yabi guirbyovjir mae laer siqnya-eu mirnae, nawmaf yawshawr shawr-aer daef-awr, Miqyaer-anr yawzeu baw-eu shaevdzeuf anr-eu tsawrhaq pyeuf-eu tsaq mae.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

1 Yoˇhaˬ 2:6

Ngar, aqyawf-euq lafkhoer jawrluf ma laer kharaer-eu tsawrhaq-aq, Yeqsur nae daef-euq lof-aer daef-eu tsaq mae.

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.

Yuˇdaˆ 1:18

Aqyawfmaf, nawmaf-anr aernaeq-eu, “Arsaq saq-eu aryamq-euq lafkhoer, Miqyaer-anr yawzeu maqbaw-eu, yawqha-euq nuidur nuilov-anr dawqpaeq taq-awr daef-eu, aqjaf jaf-eu tsawrhaq dovlar taef-a.”

Panmaeq 14:12

Heulof-aer aer-eu-aq, Yeqsur-anr jan-awr, Miqyaer-euq zanrdawq khofdawq-anr mrcaw-eu tsawrshawr deuq-anr bi daqcoer bi orcoer-eu gharduq ma.