Tiˇtuˆ 2:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqjeq mirnae aernar-aq, tsawrhaqzaq dawqtawv luf-anr kakhof-eu laer Miqyaer-euq guiqlanq yawdzanr panmaeq naeqlaf-euq mae.

Akha

¹¹ Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, Miˬyehˇ aˬ yawꞈ-euˬ guiˬ lahˬ yaw dzahˇ pah mehˬ laꞈ-euˬ meh.

Tiˇtuˆ 2:11 ပူးပေါင်းရင်းမြစ်များ

Jaceuq 67:2

Khoer-euq baqda’nae, mirtsaq tanqkhawr doeni, nawq-euq garma siqnya-awr; Tsawrjeuq tsawrca dawqtawv luf-euq ghanrcae, nawr kakhof-eu jeq siqnya luf-ur.

Jaceuq 84:11

Aqjeq mirnae aernar-aq, Miqyaer pyeuf-eu Ya’we Miqyaer-aq, Nanrma hawr-eu daeqdaqduq pyeuf-eu mae. Ya’we Miqyaer, guiqlanq yawdzanr hawr-eu, Yawshaef khanqsaer bif-awr; Aqyawf dawrcoeni can-eu deuq-anr, Yawmuiq jeq maqbif-aer maqghae-a.

Jaceuq 96:10

Tsawrjeuq tsawrca deuq-euq ghanrcae heulof-aer aer-awq, “Ya’we Miqyaer uvlanrluf mae. Mirtsaq tanqkhawr khawf, maq jivlar paq-aer zifdanni lavzif taq-awr; Aqyawf, tsawrhaqzaq-anr tsaq-awr dawr-eu lafkhoer yarkhaqdar taef-a.”

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

Maˬkuˆ 16:15

Khoernar-aq, Yeqsur, aqyawf maf-anr heulof-aer aernaeq-euq mae: “Mirtsaq doeni ir-awr, tsawrhaq dawqtawv luf-anr guiqlanqdawq maeqnaeq-ir-awq.

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Luˇkaꞈ 3:6

Shiqshaq khar piluf-eu tsawrhaq dawqtawvluf, Miqyaer-euq kakhof-eu jeq-anr ya’mawr taef-a. Shiqshaq khar piluf-eu tsawrhaq dawqtawvluf Miqyaer-euq kakhof-eu jeq-anr ya’mawr taef-a.’ ” (Isy 40:3-5)

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yoˇhaˬ 1:9

Yawshaef khoer-aq, marjawvni ghae-eu yawshaef mae. Yawshaef khoer mirtsaq-euq khoertav khar daefle-euq tsawrhaq dawqtawv luf-anr bya’naeq le-euq mae.

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

Gʼaˬkʼehˇ 13:43

Tsawrhaq armaf ghawq-ir ngae, Yurdav tsawrhaq hawr-eu Miqyaer-anr guv-eu Yurdav-euq zanr tawqlar-euq tsawrhaq ghawqmya’ni, aqyawf maf-anr maeqnaeq-euq Pawrluv hawr-eu Baqnaqbar-euq maeqnan cantae ghae-euq mae. Aqyawfnyaf, aqyawf maf-anr Miqyaer-euq guiqlanq yawdzanr-euq lafkhoer daefdav lefni maeqjan yaf-euq mae.

Gʼaˬkʼehˇ 13:47

Aqjeq mirnae aernar-aq, Sanqpaq Miqyaer, nga’maf-anr dawq heulof-aer biftaq-euq mae, ‘Nawq-euq baqda’nae, mqdzer mirdzer-anr keuvni kakhof-eu jeq za’ni, Aqcawq tsawrjeuq tsawrca-euq gharduq ngar, nawq-anr yawshaef bipyeuf-euq ma.’ ” (Isy 49:6)

Gʼaˬkʼehˇ 17:30

Dzeurlaf ngae, tsawrhaq nae maq siqnya-aer mr-euq deuq-anr Miqyaer hawdzeur-euq mae. Aerkhawf, nymq-mr yawqgar navluf jawr-eu tsawrhaq dawqtawvluf noeqpov noeqpar-awq laer dawq bif-euq mae.

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Lormav 10:18

Aerkhawf, ngar narhaq mawf-eu-aq, aqyawfmaf maqya gaq-aq lor? Aqdir yagaq-euq mae. “Aqyawf maf-euq tersar, mirkhanq doeni irkhawq ghae-awr, Aqyawf maf-euq dawq mqdzer mirdzer irkeuv taq-euq mae.” (Jc 19:3)

Lormav 5:15

Aerkhawf, mrbanq lavlaeq-euq khoer-aq, yawqngaef-aer bif-eu lafsawq-anr maqdur-a. Aqjeq mirnae aernar-aq, tsawrhaq tiq ghaq mrbanq lavlaeq-euq mirnae, tsawrhaq ghawqmya’ni yashir-eu ngeur nar-aq, Miqyaer-euq guiqlanq yawdzanr hawr-eu Yeqsur Kali laer kur-eu khoerghaq-euq guiqlanq yawdzanr-euq lafkhoer anr-eu lafsawq-aq, ngeurdzaeq, tsawrhaq ghawqmya ni-euq gharduq byandzaeq-eu mae.

Lormav 5:2

Aqdui, Kali-anr ghoe-awr jan-eu baqda’nae, guiqlanq yawdzanr-euq lafkhoer ya urler-awr yawfluf-eu ma. Miqyaer-euq yawshaef khanqsaer-anr noeqtmq luf-eu mirnae laqkhaq caer-eu ma.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

Gaˬlaˬtiˆ 2:21

Ngar, Miqyaer-euq guiqlanq-anr maq byaerdzae. Zanrdawq-euq baqda’nae tsaq-awr dawr-eu tsawrhaq pyeuflarnya lawnmr-aq, Kali shir-euq-aq, yawqngaef mae.”

Eˇpeˇsu 2:5

aqdui mrbanq lavbanq-euq lafkhoer shirdzeur-euq khawf, aqyawf, aqdui-anr Kali naeq-aer yawdaef bi daeflar naeqlaf-euq mae. Guiqlanq yawdzanr baqda’nae, nawmaf kakhof-eu jeq za-euq mae.

Eˇpeˇsu 2:8

Nawmaf jan-eu lafkhoer, guiqlanq yawdzanr baqda’nae kakhof-eu jeq za-euq mae. Yawqha-euq baqda’nae maqngeur-aer, Miqyaer nae bifnaeq-euq lafsawq pyeuf-eu mae.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

1 Tiˆmoˇseˬ 1:14

Aqdui-euq Sanqpaq Miqyaer-euq guiqlanq yawdzanr myaqgar maq aerjircoer nya. Yeqsur Kali-euq lafkhoer anr-eu jan-eu jeq hawr-eu gaq-eu jeq ngaq-anr bifnaeq laf-euq mae.

1 Tiˆmoˇseˬ 2:4

Tsawrhaq yawqghaq navluf kakhof-eu jeq za-awr, yawtsaq yawdawr jeq-anr siqnya lar-eu gar Miqyaer geufmawf-eu mae.

2 Tiˆmoˇseˬ 1:10

Aerkhawf, nymq-mr-aq, aqdui-euq Kakhof-eu ghaq Yeqsur Kali dovle-euq mirnae, aqdui guiqlanq yawdzanr khoer-anr byacaevni ya’mawr-euq ma. Aqyawf guiqlanq dawq-anr ghoe-awr shir-eu jeq-anr lavbyov-awr, daef-eu jeq hawr-eu maq shirnya-eu jeq yurlef-awr byacaevni bimawr naeqlaf-euq mae.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

HeˬByehˇ 12:15

Nawmaf, Miqyaer-euq guiqlanq yawdzanr-anr nae kaq-ir-awr, khaqjawfni ghae-eu nuima baw-eu duqcir dovlar-awr, gardzaq garkawv lavdov-eu uqtaf, ghawqmya ghaq-anr maqshawrni bi pyeuflar-eu gar yanr-awq.

HeˬByehˇ 2:9

Aerkhawf, mqtav ghaqkhaer taf-aer uicuiv teqni janrnaeq-euq Yeqsur-anr aqdui ya’mawr-euq ma. Aqyawf shir-eu gar yadaq-euq mirnae, taqhuiq taqmanr-eu jeq hawr-eu yawshaef khanqsaer, shuir uqkhov lof-aer aqyawf-anr ciqkhov naeq-euq mae. Miqyaer-euq guiqlanq yawdzanr baqda’nae, aqyawf, tsawrhaq yawqghaq navluf-euq gharduq shirdan-euq mae.