Tiˇtuˆ 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Sarjax zif-eu dawq maeqmaeq-aer, aqcawq-anr ghaq bifnya-eu uqtaf, tsawrpyaer pyaer-eu tsawrhaq-anr maeqghaq nya’ni, aqyawf nae yadzaw-euq tsaq-awr tsanr-eu dawqmaeq dawqtsov-anr zifdanni nyaeftaeq taq-euq tsawrhaq khawf yapyeuf-eu mae.

Akha

⁹ Jah-eu jeˬ-ahˇ tsaˬ-eu jah coeˇ paˬ-ehˇ gʼeh-eu Miˬyehˇ dawˬ kawˬ-ahˇ ziꞈ dah ni ya tuˆ tehˬ taˬ-eu meh. Kʼoeˇ loꞈ-ehˇ tuˆ tehˬ taˬ-eu laꞈ kʼoeˇ, maˇ maˇ ni tsaˬ-eu jeˬ mehˬ-awˇ aˬ cawˬ-ahˇ gʼaˬ biꞈ nehˬ nya-eu uˬ taꞈ, maˬ naˇ haˬ geuꞈ-eu tsawˇ haˬ deuˬ-ahˇ aˬ yawꞈ maꞈ-euˬ yaw lehˬ mawˇ leˇ ni toeˬ mehˬ nya-eu tsawˇ haˬ ya bi pyeuꞈ meh.

Tiˇtuˆ 1:9 ပူးပေါင်းရင်းမြစ်များ

Dawqdaq 23:23

Yawtsaq yawdawr jeq zeur-awr taq anqdzae, Zaqsiq tsawrganr, maeqdawq tsovdawq hawr-eu ghovshaw nya-eu jeq khawf zeur-awq.

Gʼaˬkʼehˇ 18:28

Aqjeq mirnae aernar-aq, Yeqsur-aq, Kali mae laer Yaerbof panpan-aer tsawrhaq dawqtawv luf-euq maeqshi, Yurdav tsawrhaq naeq-aer tsawrpyaer pyaer ngae, aqyawf pyaerghaq nya-eu mae.

1 Gawˇliˬtu 14:24

Aerkhawf, yawqghaq navluf, Miqyaer gharduq ngaeqdan luf-eu gar, maqjan-eu tsawrhaq hawr-eu maq siqnya-eu tsawrhaq urlar nar-aq, Miqyaer gharduq ngaeqdan-eu tsawrhaq dawqtawvluf, aqyawf-anr gheupyawr-awr, aqyawfmaf dawqtawvluf, aqyawf-anr iqbax toeqmaeq taef-a.

1 Teˇsaˬloˇni 5:21

Aerkhawf, yawqjeq navluf-anr pyaevtser haw-awq. Yawmuiq jeq-anr nyaeftaeq taq-awr,

2 Teˇsaˬloˇni 2:15

Khoermirnae, aqyuif aqnyir deuq-or! Nawmaf zifdanni jawr-awq. Nga’maf, nawmaf-anr maeqboeq nae maeqnaeq-euq deuq hawr-eu sanqbof bof-awr maeqnaeq-euq deuq-anr khawf, kharmaeq khartsov naeq-euq jeq-anr zifdanni nyaeftaeq taq-awq.

1 Tiˆmoˇseˬ 1:10

banq-awr joe-eu tsawrhaq, aqli yawkaq aqli yuftaf joetaf-eu tsawrhaq, tsawrhaq khoeqanq-eu tsawrhaq, jaqmyawf myawf-eu tsawrhaq, maqngeur-eu jeq kamq-eu tsawrhaq hawr-eu tsaq-awr tsanr-eu jan-eu jeq-euq dawqmaeq dawqtsov-anr lavtsoeq lar-eu jeq-euq gharduq zanrdawq bijav-euq mae laer aqdui siqnya-eu ma.

1 Tiˆmoˇseˬ 1:15

“Iqbaxzaq-anr kakhof-eu laer Yeqsur Kali mirtsaq-euq khoertav oe-euq mae” laer aertaq-euq dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae. Ngar-aq, iqbaxzaq-euq lafkhoer aqcawq navmaqtser iqbax huiqdzaeq-eu ghaq ma.

1 Tiˆmoˇseˬ 1:19

Guirdeuvdeuv ngae, jan-eu jeq-anr hawr-eu muiq-eu zaqsiq nuisiq-anr nyaeftaeq taq-awq. Tsawrhaq tiqpavnav deuq-aq, heudeuq byaerdzae yaf-euq mirnae, lawq cawv-ir-euq lof-aer, aqyawf maf-euq jan-eu jeq cawv-ir-euq mae.

1 Tiˆmoˇseˬ 4:9

Dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae.

1 Tiˆmoˇseˬ 6:3

Tsawrhaq tiqghaqnav, aqdui-euq Sanqpaq Yeqsur Kali-euq dawq hawr-eu Miqyaer-anr yawzeu baw-eu dawqmaeq dawqtsov-anr maq tsaqler-eu, beugar-eu jeq maeq nar-aq,

2 Tiˆmoˇseˬ 1:13

Nawr, ngaq nae maeq-euq gar yagaq-euq jancoer paq-aer ghae-eu dawq khoer-anr daefcaw ghae-awr, Yeqsur Kali-euq lafkhoer anr-eu jan-eu jeq hawr-eu gaq-eu jeq-anr khawf zifdanni tuvtaeq taq-awq.

2 Tiˆmoˇseˬ 2:2

Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

2 Tiˆmoˇseˬ 3:14

Aerkhawf, nawr-aq, nawq nae yadzaw-awr, yawmuiq-aer janluf-eu deuq-anr zifdanni janzif taq-awq. Aqjeq mirnae aernar-aq, nawr aqsur ghaq-anr dzaw-euq le laer nawr siqnya-eu mae.

2 Tiˆmoˇseˬ 4:3

Aqjeq mirnae aernar-aq, tsaq-awr tsanr-eu dawqmaeq dawqtsov-anr maq narhaq nanr-eu aryamq keuvle taef-a. Aqyawfmaf narhaq mawf-eu jeq taef-aer narhaq-awr, yawqha-euq nuima-anr tsaqni maeq-awr tsov-eu saqlaq ghawqmya ghaq povuiq taef-a.

Tiˇtuˆ 1:11

Aqyawf maf-anr maqbi ja’ni lavtsoeq-awq. Aqjeq mirnae aernar-aq, aqyawf maf-aq, pyurshuir za’ni, maqmaeq paq-aer ghae-eu jeq maeqmaeq-aer nymrkhanq khanqlan ni-anr lavcawv luf-eu mae.

Tiˇtuˆ 2:1

Aerkhawf, nawr-aq, tsaq-awr tsanr-eu dawqmaeq dawqtsov-anr tsaqler-eu lof-aer taef-aer maeq-awq.

Yuˇdaˆ 1:3

Ngar zawr gaq-eu cawqdeuq-or! Aqdui kakhof-eu jeq tiqkawv lof-aer za-eu garkawv, ngar nuima keuv-awr nawmaf-anr bofanr naeqlefmawf mir-a. Aerkhawf, Miqyaer nae tsawrshawr deuq-anr tiq pov bif-euq nar-aq luiv-eu jan-eu jeq-euq gharduq, nuima keuv duidui-eu lafkhoer deuv-awq laer, ghaq bif-eu tsaq nga laer noeq-awr bofanr lef-euq ma.

Panmaeq 2:25

Aerkhawf, ngar oe-eu ngae keuvni, nawmaf javluf-eu jeq-anr zifdanni nyaeftaeq taq-awq.

Panmaeq 3:11

Hawde-eq. Ngar yawkawr-aer oe ma! Nawq-euq shuir uqkhov-anr aqcawq nae maqbi lugeufni, nawr kharjav-eu jeq-anr zifdanni nyaeftaeq taq-awq.

Panmaeq 3:3

Khoermirnae, nawr aqjox-aer hageuf-awr, aqjox-aer yagaq-euq deuq-anr taqngaer de-eq. Khoerdeuq-anr narhaq geuf-awr, noeqpov noeqpar-awq. Nawr yawbeur beur-aer maqjawr ngae, smrkhoeq lof-aer ngar oe ma. Nawr jawr-eu gar, ngar aqgeu ngae yamq-anr oekeuv-eu laer nawr maqya siq-ar.