Tiˇtuˆ 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

Akha

⁷ Ka li zaˬ aˇ muˇ-ahˇ sheuˬ gʼeh-eu tsawˇ haˬ deuˬ-aˬ, Miˬyehˇ-euˬ gaˇ-ahˇ haw-eu pyaˆ-eu tsawˇ haˬ pyeuꞈ-eu miˇ neh, iˬ baˇ taˬ kʼaˇ maˬ ya bi za-a. Yawˬ ha-euˬ nui noeˬ geuꞈ-eu, nui ma nymˇ-eu, aˬ gaꞈ dzaˇ uiˇ dawˇ yehꞈ-eu, aˬ cawˬ-ahˇ dawꞈ-eu ceh-eu, pyuˇ-ahˇ mehˇ juiˇ juiˇ-eu, heu loꞈ-ehˇ gʼeh-eu tsawˇ haˬ maˬ ya bi pyeuꞈ-a.

Tiˇtuˆ 1:7 ပူးပေါင်းရင်းမြစ်များ

Dawqdaq 14:17

Nuima paer-eu yawkawr tsawrhaq-aq, yawdzawq yawgan jeq mrdov laf-awr, Yawdoer jeq tov-eu tsawrhaq-anr-aq, aqcawq byae-eu mae.

Dawqdaq 15:18

Nuima zawr suq-eu tsawrhaq-aq, iqdaeq iqcae lavdov-eu mae. Aerkhawf, nuima paer-eu maqkawr-eu tsawrhaq-aq, caedzaq-eu jeq lavbyov-eu mae.

Dawqdaq 16:32

Nuima paer-eu maqkawr-eu tsawrhaq-aq, Ghaq khav-eu navmaqtser muiqdzaeq-awr, Meuq tiq meuq deuvdzaq-eu navmaqtser, Yawqha-euq nuima-anr uvlanr nya-eu-aq, muiqdzaeq-eu mae.

Maꞈtehˬ 24:45

“Sarjax zif-awr tsawrganr anr-eu kuirlaf zaqkhav aqgeu ghaq la? Yawsanr ghaq nae nymrkhanq-euq zaqdeuq-anr aryamq tsaq ngae, bidzaq bidawr-awr bi hawlanr-eu gharduq, khaertaq-euq kuirlaf zaqkhav khoerghaq mae.

Luˇkaꞈ 12:42

Sanqpaq Yeqsur heulof-aer aernaeq-euq mae, “Zaqsiq tsawrganr anr-awr sarjax zif-eu lafkhoer, myawqganq-anr hawpir nya-eu aqgeu ghaq la? Aqyawf-aq, nymrkhanqzaq-anr hawpir-awr, aryamq tsaq ngae, kuirlaf zaqkhav nuideuq-anr dzaqdzaq dawrdawr shaqbymr tsaqni birnaeq nya-eu, yawsanr ghaq nae khaertaq-euq khoerghaq maqngeur-a lor?

Eˇpeˇsu 5:18

Jirbaq taq dawryaef. Dawryaef nar-aq, yawuq uq-ir nya-eu mae. Aerkhawf, nawmaf-euq lafkhoer muiq-eu Saflar bi byanlar-awq.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Tiˇtuˆ 1:5

Maq mrluiv-euq gardeuq mrluiv-eu uqtaf, ngaq nae nawq-anr khaertaq yaf-euq lof-aer, yawqmeuq navluf-euq lafkhoer jawr-eu Kalizaq armur-euq aqyuif aqtsu deuq-anr bi tserdov-eu laer, khoerngae, ngar, nawq-anr Gaqlaqdeq irjawlanr-anr bi jawryaf-euq ma.

Tiˇtuˆ 2:3

Khoerlof-aer durni, aqpiq tsawrmawq deuq-anr khawf, mr-awr shar-eu, ngaeq-awr tmr-eu lafkhoer, aqcawq yawzeu bawni daef-awr, aqcawq-anr taq jabu taq jadoer, jirbaq-euq zaqkhav taqgeuf. Yawmuiq jeq maeqnaeq tsovnaeq nya-eu tsawrhaq pyeuflarni maeqnaeq-awq.

1 Beˬtuˆluˆ 4:10

Nawmaf, Miqyaer-euq guiqlanq yawdzanr ghawqmya jeq-anr hawpir-eu tsawrhaq lof-aer, yawqghaq navluf tiqghaq tirghaq guiqlanq pyeufni, yawqha nae zataq-euq lafsawq zmq-awq.

1 Beˬtuˆluˆ 5:2

Nawmaf-euq lafkhoer jawr-eu Miqyaer-euq yawrmaf-anr hawpir-eu tsawrhaq lof-aer bosav-awq. Bi katir-euq mirnae bosav-eu maqngeur-aer, nuima keuv-eu lafkhoer bosav-awq. Maqsui maqdawr-eu lafkhoer za’nya’ni maqngeur-eu, shaqdaef shaqnar anr-eu lafkhoer bosav-awq.

2 Beˬtuˆluˆ 2:10

Aqcawq-anr navmaqtser, aryaq-euq uqmov maq jawrmawf-aer, jawflafni ghae-eu shiqshaq-euq nuikhanr-euq maeqnan cantae-eu tsawrhaq-anr khaeqnaeq khavnaeq taef-a. Tsawrhaq heudeuq-aq, nuima huiq-awr yawqha-euq nuikhanr taef-aer geuf-eu mae. Aqyawfmaf, khanqsaer jav-eu deuq-anr khawf maqguvni dawqdoer ngaeq-eu mae.