Tiˇtuˆ 1:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Jan-eu jeq tiqgar dur-eu lafkhoer, aqdir ngaqli pyeuf-eu Tirtuv-anr sanqbof bofanr lef-eu ma. Aqda Miqyaer hawr-eu aqdui-euq Kakhof-eu ghaq Yeqsur Kali-euq guiqlanq yawdzanr hawr-eu nuisar of-eu jeq, nawq-euq khoertav jav luf-ur!

Akha

⁴ Jah-eu jeˬ laꞈ kʼoeˇ ngaˬ nehˬ-ehˇ tiˬ gaˇ taꞈ-eu ngaˬ li-ahˇ duˇ-eu Tiˇtuˆ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, nawˬ-euˬ kʼoeˇ taˆ jaˆ luꞈ-uˇ.

Tiˇtuˆ 1:4 ပူးပေါင်းရင်းမြစ်များ

Luˇkaꞈ 2:11

Iqnan, Daqbir-euq meuq-euq lafkhoer, nawmaf-anr Kakhof-eu ghaq Sanqpaq Kali daefle-euq mae.

Yoˇhaˬ 4:42

Khoerngae, aqyawfmaf, zaqmiq aqbur khoerghaq-anr aernaeq-eu, “Nymq-mr nga’maf jan-eu-aq, nawq-euq dawq baqda’nae maqngeur-aer, nga’maf, yawqha yawqha yagaq-euq mirnae jan-awr, tsawrhaq heughaq-aq, aqdir aqmar mirtsaqzaq-anr Kakhof-eu ghaq pyeuf-eu Kali ngar-a laer nga’maf siqnya lar-euq ma.”

Lormav 1:12

Ngar heulof-aer aermawf-eu ma. Ngar jan-eu mirnae nawmaf ghaq khavlar-awr, nawmaf jan-eu mirnae ngar khawf ghaq khavlar-awr, nyiq pawluf ghaq khavlar-eu gar geufmawf mir-a.

Lormav 1:7

Miqyaer zawr gaq-awr, tsawrshawr pyeuflarni bi kurtaq-euq Lormav meuq-anr jawr-eu nawmaf dawqtawv luf-anr ngar sanqbof bofanr laf-euq ma. Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

2 Gawˇliˬtu 12:18

Ngar, Tirtuv-anr shar-awr aqdui-euq maernmr tiq ghaq khawf, aqyawf naeq-aer bi’oe-euq ma. Tirtuv, nawmaf-euq pyurshuir myawqganq shuirdzaq-aq laq? Nga’nyaf nuima tiqgar tsaq-awr, kuirciq gmluf-eu maqngeur-a lor?

2 Gawˇliˬtu 2:13

Aerkhawf, ngar, ngaq-euq maernmr Tirtuv-anr maqya mawr-euq mirnae nuima ghaqnaq maqdan-aer, khoergar jawr-eu tsawrhaq deuq-anr ghawq-awr, Maqgeqdawrniv mirkhanq-anr lar-euq ma.

2 Gawˇliˬtu 4:13

“Ngar jan-eu mirnae ngar ngaeq-euq ma,” (Jc 116:10) laer Yaerbof boftaq-euq lof-aer, nga’maf khawf jan-eu mirnae, nga’maf ngaeq-eu ma.

2 Gawˇliˬtu 7:6

Aerkhawf, nuima nyir-eu tsawrhaq-anr nuima bi sarlar-eu Miqyaer-aq, Tirtuv larkeuv ngae nga’maf-anr nuima bi sarlar-euq mir-a.

2 Gawˇliˬtu 8:16

Ngar, nawmaf-euq gharduq nuima keuv-eu lof-aer, Tirtuv khawf nawmaf-euq gharduq nuima keuvni, Miqyaer janrnaeq laf-euq mirnae, Miqyaer-euq guiqlanq-anr jaceuq ma.

2 Gawˇliˬtu 8:23

Tiqghaqnav siqnya’mawf nar-aq, Tirtuv-aq, ngaq-euq cawq pyeuf-awr nawmaf-anr gar mrnaeq luf-eu, ngaq-euq gar mrcawq mae. Maernmr heu nyiq ghaq-aq, Kali-euq yawshaef khanqsaer pyeuf-eu Kalizaq armur deuq-euq dawqtsaf dawqdzawr mr-eu tsawrhaq mae.

2 Gawˇliˬtu 8:6

Tirtuv nae guiqlanq yawdzanr-euq gar heu mrdanq bae-euq lof-aer, nawmaf-euq ghanrcae khawf mrluiv-awq laer nga’maf, aqyawf-anr shar-euq ma.

Gaˬlaˬtiˆ 2:3

Ngaq naeq-aer le-euq Tirtuv-aq, Heqlaqsar tsawrhaq pyeuf-eu khawf, aqyawf-anr bawkhov maeqdzaq yaeq-awq laer maq katir-aq.

Gaˬlaˬtiˆ 3:26

Jan-eu mirnae, nawmaf yawqghaq navluf, Yeqsur Kali-euq lafkhoer Miqyaer-euq zaq pyeuflar-euq mae.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

Eˇpeˇsu 1:2

Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu, nuisar of-eu jeq nawmaf-euq khoertav jav luf-ur.

Gawˇlawˇsehˇ 1:2

Kali-euq lafkhoer sarjax zif-eu aqyuif aqnyir, Gawrlawrsaer-anr jawr-eu tsawrshawr deuq-anr sanqbof bofanr lef-euq ma. Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu, nuisar of-eu jeq, nawmaf-euq khoertav jav luf-ur.

1 Tiˆmoˇseˬ 1:12

Ngar, ngaq-anr ghaq bifnaeqlaf luf-eu aqdui-euq Sanqpaq Yeqsur Kali-anr jaceuq ma. Aqjeq mirnae aernar-aq, ngar-aq, sarjax zif-eu nga laer aqyawf sawx-awr, ngaq-anr khaer-awr guiqlanq-euq gar bi mrnaeq laf-euq mae.

2 Tiˆmoˇseˬ 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer daef-eu jeq za mae laer sarjax dzaqtaq-euq lof-aer maeqnaeq-awq laer Miqyaer, ngaq-anr khaer-eu mae.

2 Tiˆmoˇseˬ 1:2

Ngar zawr gaq-eu ngaqli Tivmorseq-anr sanqbof bofanr lef-eu ma. Aqda Miqyaer hawr-eu aqdui-euq Sanqpaq Yeqsur Kali-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.

2 Tiˆmoˇseˬ 4:10

Aqjeq mirnae aernar-aq, Deqmav-aq, heuzir-anr taf-eu mirtsaq-anr gaq-eu mirnae, ngaq-anr byaerdzae-awr, Tersaqlorni-anr ir-euq mae. Gaqleqgeq-aq, Gaqlaqtiv-anr le-euq mae. Tirtuv khawf Daqlaqmaqdir-anr ir-euq mae.

Tiˇtuˆ 1:3

Aryamq tsaq ngae, dawqmaeq maeq-eu gar ghoe-awr, Miqyaer, aqyawf-euq dawq bisiqni, aqdui-anr Kakhof-eu ghaq pyeuf-eu Miqyaer, ngaq-anr khaerdar naeqlaf-euq mae.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

2 Beˬtuˆluˆ 1:11

Khoeruqtaf, aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq, mqmaq maqbyav yarzir uvlanr-eu mirkhanq-euq lafkhoer, nawmaf urler nya’ni tiqbyan tiqlof laeqhmqtaq taef-a.

2 Beˬtuˆluˆ 2:20

Aqyawfmaf, Sanqpaq hawr-eu Kakhof-eu ghaq pyeuf-eu Yeqsur Kali-anr siqnya-eu mirnae, mirtsaq-euq yawjawf deuq-anr nae caevdzeur nya-euq mae. Aerkhawf, yawjawf khoerdeuq-anr par pafler-awr, bi ghaqlar-eu nar-aq, aqyawf maf-euq gharduq arsaq saqlar ngae-aq, yawbae navmaqtser doerdzaeq-ir taef-a.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

2 Beˬtuˆluˆ 3:2

arhu, shawr-eu Miqyaer gharduq ngaeqdan-eu deuq nae aertaq-euq dawq hawr-eu, Kakhof-eu ghaq pyeuf-eu Sanqpaq Yeqsur-euq ghaqkhaer pyeuf-eu nga’maf nae bif-euq dawqdeuq-anr khawf, maqbi ngaer-eu gharduq ma.

1 Yoˇhaˬ 5:14

Miqyaer-euq maeqshi urler ngae, aqdui heulof-aer yawduq baw-eu ma: aqdui, aqyawf nuima tsaq-eu lof-aer shar nar-aq, aqyawf, aqdui-euq shardawq-anr narhaq naeqlaf-eu mae.

Yuˇdaˆ 1:3

Ngar zawr gaq-eu cawqdeuq-or! Aqdui kakhof-eu jeq tiqkawv lof-aer za-eu garkawv, ngar nuima keuv-awr nawmaf-anr bofanr naeqlefmawf mir-a. Aerkhawf, Miqyaer nae tsawrshawr deuq-anr tiq pov bif-euq nar-aq luiv-eu jan-eu jeq-euq gharduq, nuima keuv duidui-eu lafkhoer deuv-awq laer, ghaq bif-eu tsaq nga laer noeq-awr bofanr lef-euq ma.