Tiˇtuˆ 1:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawf maf-anr maqbi ja’ni lavtsoeq-awq. Aqjeq mirnae aernar-aq, aqyawf maf-aq, pyurshuir za’ni, maqmaeq paq-aer ghae-eu jeq maeqmaeq-aer nymrkhanq khanqlan ni-anr lavcawv luf-eu mae.

Akha

¹¹ Aˬ yawꞈ maˬ-ahˇ kʼoeˇ loꞈ-ehˇ maˬ bi ja ni ya laˆ tsoeˬ meh. Aˬ jeˬ miˇ neh ehˇ naˇ, aˬ yawꞈ maꞈ shaꞈ dawˇ-eu maˬ baw ni pyuˇ poˆ-awˇ, maˬ mehˬ kʼmˬ-eu jeˬ mehˬ-eu laꞈ kʼoeˇ nymˇ jiˇ jiˇ lah ni laˆ cawˆ-eu meh.

Tiˇtuˆ 1:11 ပူးပေါင်းရင်းမြစ်များ

Jaceuq 107:42

Dawrcoeni ghae-eu tsawrhaq deuq heu-anr ya’mawr ngae laqkhaq caer-awr; Yawlaeq yawca jeq kharmr-eu deuq-aq, khaqmae ciqcurni jawr taef-a.

Jaceuq 63:11

Aerkhawf, sanqpaq-aq, Miqyaer-euq lafkhoer laqkhaq yacaer taef-a; Aqyawf-anr ghoe-awr nae kamq-euq yawqghaq navluf, aqyawf-anr jaceuq taef-a; Aerkhawf, jaqmyawf myawf-eu jeq ngaeq-eu deuq-euq khaqmae-aq, ya naqlerjir taef-a.

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Luˇkaꞈ 20:40

Khoernar-aq, aqyawfmaf, Yeqsur-anr tiqjeq-iq maqpar narhaq peuq-eu mae.

Yoˇhaˬ 10:12

Aqdir yawr bo-eu ghaq maqngeur-aer ghaqmanr manrdzaq-eu tsawrhaq-aq, yawqha-euq yawr maqngeur-eu mirnae, khaqyaer lar-eu gar ya’mawr ngae, yawrdeuq-anr byaerdzae-awr caev-eu mae. Khaqyaer khoer yawrdeuq-anr sheu-awr, aqyawf maf-anr taebyav-eu mae.

Lormav 3:19

Zanrdawq-euq lafkhoer khar boftaq-euq dawqdeuq-aq, zanrdawq-euq lafov jawr-eu tsawrhaq-anr aernaeq-eu mae laer aqdui siqnya-eu ma. Khoer-aq, tiqghaq-iq daeqlaefkhar maqbi za-aer, mirtsaqzaq dawqtawvluf Miqyaer-euq maeqshi yawlaeq ngar-a laer bi dovlar-eu gharduq mae.

2 Gawˇliˬtu 11:10

Ngaq-euq lafkhoer Kali-euq yawtsaq yawdawr jeq anr-eu mirnae, Aqgaqyar mirkhanq-anr jawr-eu tsawrhaq tiqghaq-iq ngar khanqsaer jaev-eu gar maq lavtsoeq nya-ar.

1 Tiˆmoˇseˬ 5:13

Khoeruqtaf, aqyawfmaf tiqnymr sair tiqnymr doedoe-aer dawqdae ghadaq taq-awr, yawdoer doerlar-eu mae. Yawdoer doer-eu taef-aer maqngeur-eu, aqcawq-anr jabu jadoer-awr, maq ngaeqpaq-aer ghae-eu dawq ngaeq-eu uqtaf, aqyawf maf-anr maqtaf-eu aqcawq-euq gar-anr banqgha-eu tsawrhaq pyeuflar taef-a.

1 Tiˆmoˇseˬ 5:4

Miqcoeq miqma tiq ghaq, zaq hawr-eu oeqpaq oeqma jawr nar-aq, yawbae jeq-aq, zaq khoerdeuq-anr yawqha-euq nymrkhanq-euq lafkhoer yawzeu baw-eu jeq bi dzawgeuf-awr, aqma aqda, aqpiq aqbawr deuq-anr yawmuiq jeq mrkhof naeq-eu tsaq mae. Aqjeq mirnae aernar-aq, khoerlof-aer mr-eu-aq, Miqyaer nuima tsaq-eu jeq pyeuf-eu mae.

1 Tiˆmoˇseˬ 6:5

Khoeruqtaf, sharnoeq sharsawx nya-eu nuima cawv-ir-awr, yawtsaq yawdawr jeq maqpar anr-eu tsawrhaq deuq-euq yawkaq, tsawrpyaer pyaer-eu jeq bi dovlar-eu mae. Aqyawfmaf, Miqyaer-anr yawzeu baw-eu jeq-aq, jirjeuq jeuqlar taef-a laer noeqtaq-euq mae. Nawr khoerlof-aer ghae-eu tsawrhaq-anr garjaw jaw-awq.

2 Tiˆmoˇseˬ 2:18

Aqyawfnyaf, “Ghofdaef lar-eu laer aer-eu jeq-aq dzeur-euq mae” laer aeraer-aer, yawtsaq yawdawr jeq-anr garbanq banq-awr, tsawrhaq ghawqmya ghaq-euq jan-eu nuima-anr lavcawv luf-eu mae.

2 Tiˆmoˇseˬ 3:6

Aqyawf maf-euq lafkhoer tiqpavnav deuq-aq, aqcawq-euq nymr-anr urkhoeq ler-awr, zaqsiq tsawrganr maqanr-eu zaqmiq aqbur deuq-anr shuirtawv-euq mae. Zaqmiq aqbur khoerdeuq-aq, iqbax-euq khavbaev kan-awr, nuikhanr ghawqmya jeq-euq maeqnan cantae luf-eu mae.

Tiˇtuˆ 1:7

Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

Tiˇtuˆ 1:9

Sarjax zif-eu dawq maeqmaeq-aer, aqcawq-anr ghaq bifnya-eu uqtaf, tsawrpyaer pyaer-eu tsawrhaq-anr maeqghaq nya’ni, aqyawf nae yadzaw-euq tsaq-awr tsanr-eu dawqmaeq dawqtsov-anr zifdanni nyaeftaeq taq-euq tsawrhaq khawf yapyeuf-eu mae.

Tiˇtuˆ 3:10

Armur birpav-awr ghawq-ir ghaer-ir ni janr-eu tsawrhaq deuq-anr, tiqpov nyiqpov yawmuiq-aer maeqnaeq ngae maq narhaq nar-aq, aqyawf naeq-aer cawq taqcawq.