Tiˇtuˆ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, Miqyaer-euq zaqkhav hawr-eu Yeqsur Kali-euq ghaqkhaer Pawrluv ma. Miqyaer nae tserdov taq-euq tsawrhaq jan-eu jeq-anr cantae-awr, Miqyaer-anr yawzeu baw-eu yawtsaq yawdawr-anr siqnya larni,

Akha

¹ Miˬyehˇ-euˬ zaˬ kʼaˆ hawˇ-eu Yeˬsuˇ Ka li-euˬ gʼaˬ kʼehˇ yeuꞈ-eu ngaˇ Pawˇluˆ heu loꞈ-ehˇ sahˬ boꞈ boꞈ ahˇ leꞈ-eu ma. Miˬyehˇ neh tseˇ doˆ-euˬ tsawˇ haˬ deuˬ-euˬ jah-eu jeˬ-ahˇ caw dehˬ caw toˆ nehˬ-awˇ, aˬ dui-euˬ uˬ duˬ tahˬ-eu zahˇ sahˇ kʼoꞈ heu neh mehˬ taˬ tsoˆ taˬ-euˬ yaw tsaˬ yaw dawˇ jeˬ-ahˇ siˬ nya laˇ ni sheuˬ gʼeh nehˬ-eu gʼaˇ duˬ, ngaˬ-ahˇ tseˇ doˆ-awˇ kʼehˇ gʼeh leꞈ-euˬ meh.

Tiˇtuˆ 1:1 ပူးပေါင်းရင်းမြစ်များ

Luˇkaꞈ 18:7

Miqyaer nae tserdov taq-euq tsawrhaq uqcif nan’ghanr maqaer, aqyawf-anr shar nar-aq, Miqyaer, aqyawf maf-euq gharduq yawtsaq yawdawr dawr-aer maq janrnaeqni, nyinaq nyinaq-aer jawr taef-a lor?

Gʼaˬkʼehˇ 13:48

Aqcawq tsawrjeuq tsawrca deuq, dawq khoerdawq-anr yagaq ngae, laqkhaq caertavni Sanqpaq Miqyaer-euq dawq-anr ciqhuiq ciqmanr-eu mae. Li-eu maqbawni daef-eu jeq za-eu gharduq kharbi tserdov taq-euq deuq, Kali-anr janlar-euq mae.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

Eˇpeˇsu 2:8

Nawmaf jan-eu lafkhoer, guiqlanq yawdzanr baqda’nae kakhof-eu jeq za-euq mae. Yawqha-euq baqda’nae maqngeur-aer, Miqyaer nae bifnaeq-euq lafsawq pyeuf-eu mae.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Gawˇlawˇsehˇ 2:2

Aqyawf maf-euq nuima ghaq khavlar-awr, gaq-eu lafkhoer tiqghaq tirghaq gmlar-eu uqtaf, Aqda Miqyaer hawr-eu Kali-anr nae oe-euq, Miqyaer nae zaftaq-eu jeq-anr siqnya-eu tsawrganr hawr-eu, tiqbyan tiqlof yawduq baw-awr ghovshaw nya-eu jeq kharsanr-eu dawqtawv luf-anr bi za’mawf mir-a.

1 Tiˆmoˇseˬ 2:4

Tsawrhaq yawqghaq navluf kakhof-eu jeq za-awr, yawtsaq yawdawr jeq-anr siqnya lar-eu gar Miqyaer geufmawf-eu mae.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

1 Tiˆmoˇseˬ 6:3

Tsawrhaq tiqghaqnav, aqdui-euq Sanqpaq Yeqsur Kali-euq dawq hawr-eu Miqyaer-anr yawzeu baw-eu dawqmaeq dawqtsov-anr maq tsaqler-eu, beugar-eu jeq maeq nar-aq,

2 Tiˆmoˇseˬ 2:10

Khoermirnae, tserdov taq-euq tsawrhaq deuq khawf, Yeqsur Kali-euq lafkhoer anr-eu kakhof-eu jeq za’ni, ngar yawqjeq navluf-anr orluf-eu ma. Kakhof-eu jeq khoer naeq-aer tiqkawv lof-aer li-eu maqbawni zif-eu yawshaef khanqsaer khawf za taef-a.

2 Tiˆmoˇseˬ 2:23

Aerkhawf, zaqsiq tsawrganr maqanr-aer, tiqjeq-iq gardanr maqtsoeq-eu tsawrpyaer pyaer-eu jeq-anr garjaw jaw-awq. Aqjeq mirnae aernar-aq, khoerdeuq-aq, caedzaq-eu jeq bi dovlar-eu taef mae laer nawr siqnya-eu mae.

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

Yaˬkoˆ 1:1

Ngar-aq, Miqyaer hawr-eu Sanqpaq Yeqsur Kali-euq kuirlaf zaqkhav Yaqkov ma. Kharngeur-eu gar jawrbyav taq-euq tsawrjeuq 12 jeuq-anr dawqcawq puqanr lef-eu ma.

2 Beˬtuˆluˆ 1:3

Aqdui-anr yawshaef khanqsaer hawr-eu yawmuiq yawjaq jeq-anr ghoe-awr nae, kur-euq ghaq-anr aqdui siqnya-eu mirnae, Miqyaer, aqyawf-euq baoq-anr ghoe-awr nae, Miqyaer-anr yawzeu baw-awr, yawdaef daef-eu gar taf-eu yawqjeq navluf, aqdui-anr bifnaeq laf-euq mae.

2 Beˬtuˆluˆ 3:11

Yawqjeq navluf khoerlof-aer yabi guirbyovjir mae laer siqnya-eu mirnae, nawmaf yawshawr shawr-aer daef-awr, Miqyaer-anr yawzeu baw-eu shaevdzeuf anr-eu tsawrhaq pyeuf-eu tsaq mae.

1 Yoˇhaˬ 2:23

Zaqyo-anr khar byaerdzae-eu ghaq-aq, Aqda Miqyaer-anr maqtaf-a. Ngar, Zaqyo-anr jan ma laer aer-eu ghaq-aq, Aqda Miqyaer-anr khawf taf-eu mae.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.