Piˇliˇpiˆ 4:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nawmaf, ngaq-anr nae dzaw-awr hageuf-euq deuq hawr-eu, yagaq-awr ya’mawr-euq deuq, heudeuq dawqtawv luf-anr nawmaf mrghae-awq. Khoerlof-aer mr nar-aq, nuisar bif-eu Miqyaer, nawmaf naeq-aer jawr taef-a.

Akha

⁹ Ngaˬ neh ngehˬ-euˬ tmˇ-euˬ hawˇ-eu mˇ-euˬ shaˇ-euˬ jeˬ laꞈ kʼoeˇ naw maꞈ neh haw geuꞈ taˬ-euˬ jeˬ mˇ doˆ shaˇ doˆ laꞈ-awˬ. Aˬ dui-ahˇ nui saˇ oꞈ-eu jeˬ biꞈ laꞈ-eu gʼaˬ pyeuꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Piˇliˇpiˆ 4:9 ပူးပေါင်းရင်းမြစ်များ

Maꞈtehˬ 1:23

“Hawde-eq, miqdaf dafshawr tiq ghaq, zaq tsaevler-awr, Zaqyo tiq ghaq ciq taef-a. Aqcawq, aqyawf-anr Ermaqnoeqlar laer kur taef-a” (Isy 7:14) “Ermaqnoeqlar” laer aer-eu-aq, “Miqyaer, aqdui naeq-aer jawr mae” laer aermawf-eu mae.

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Maꞈtehˬ 7:21

“Ngaq-anr, ‘Sanqpaq-or! Sanqpaq-or’ laer kharkur-eu tsawrhaq yawqghaq navluf-aer, mqtav mirkhanq-anr ya urler-eu maqngeur-a. Mq-euq khoertav jawr-eu ngaqDa nuima tsaqni mr-eu tsawrhaq deuq taef-aer ya urler-eu mae.

Luˇkaꞈ 6:46

“Nawmaf, ngaq-anr ‘Sanqpaq-or! Sanqpaq-or’ laer kur-eu gar nae, aqjeq mirnae ngaq nae aertaq-euq lof-aer maqmr-eu le?

Luˇkaꞈ 8:21

Yeqsur aerkhof naeq-eu, “Miqyaer-euq dawq gaq-awr narhaq geuf-eu tsawrhaq-aq, ngaqma hawr-eu ngaq-euq aqnyir deuq ma.”

Yoˇhaˬ 13:17

Nawmaf garkawv heudeuq siqnya-awr mr-ir nar-aq, guiqlanqhuiq taef-a.

Yoˇhaˬ 15:14

Ngaq nae khar biftaq-euq dawqdeuq-anr nawmaf mrcaw nar-aq, nawmaf, ngaq-euq cawq pyeuf-eu mae.

Yoˇhaˬ 2:5

Yeqsur-euq aqma, aqjax mr-eu deuq-anr aernaeq-eu, “Aqyawf kharaer-eu lof-aer nawmaf mrcaw de-eq.”

Gʼaˬkʼehˇ 9:6

Khoernar-aq, aqyawf zanqler taq-awr yawdzuq gan’gan-aer aer-eu, “Sanqpaq-or! Nawr, ngaq-anr aqjeq bi janrmawf-eu nya?” Khoerngae, Sanqpaq Yeqsur, aqyawf-anr aerkhof naeq-eu, “Tur-awr meuq-anr urler-awq. Nawr aqjeq yajanr-eu la laer aqcawq, nawq-anr aernaeqlaf taef-a.”

Lormav 15:33

Nuisar bif-eu Miqyaer, nawmaf yawqghaq navluf naeq-aer jawr luf-ur. Aqmeq.

Lormav 16:20

Ghawqmyanr maqghae-aer, nuisar bif-eu Miqyaer-aq, nawmaf-euq aqkuir paeqzar-euq uqmov, naef Saqdaq-anr nawqpyaev taef-a. Aqdui-euq Sanqpaq Yeqsur Kali-euq guiqlanq yawdzanr nawmaf-euq khoertav jav luf-ur.

1 Gawˇliˬtu 10:31

Khoermirnae, nawmaf dzaq-awr dawr-eu maqaer, aqjeq mr-eu maqkaq, yawqjeq navluf-euq lafkhoer Miqyaer-euq yawshaef khanqsaer dovlarni mr-awq.

1 Gawˇliˬtu 14:33

Aqjeq mirnae aernar-aq, Miqyaer-aq, yawbanq yawlanr-aer ghae-eu jeq bi dovlar-eu ghaq maqngeur-aer, tsawrshawr deuq-euq Kalizaq armur dawqtawv luf-euq lafkhoer jav-eu nuisar bif-eu ghaq pyeuf-eu mae.

1 Gawˇliˬtu 4:16

Khoermirnae, ngaq-anr mrcaw-awq laer ngar, nawmaf-anr shar-eu ma.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

Piˇliˇpiˆ 3:17

Aqyuif aqnyir deuq-or! Nawmaf tiqkawv lof-aer ngaq-anr dzawgeuf-awr mrcaw-awq. Nga’maf hawgeufduq pyeuf-eu gar dzawgeuf-euq deuq-anr khawf hawdov nya-awq.

Piˇliˇpiˆ 4:7

Khoerlof-aer shar nar-aq, Miqyaer-anr nae dovle-euq tsawrhaqzaq maq ghovshaw nya-eu nuisar of-eu jeq, Yeqsur Kali-euq lafkhoer, nawmaf-euq nuima hawr-eu nuinoeq nuidur-anr bosav naeqlaf taef-a.

1 Teˇsaˬloˇni 1:6

Nawmaf shaq-awr zanq-eu jeq-anr yadaq duidui-euq khawf Yawshawr Saflar nae bif-euq laqkhaq caer-eu jeq tiqbyanni anr-eu lafkhoer nawmaf guiqlanq dawq-anr hageuf-euq khoer-aq, nawmaf, nga’maf-anr hawr-eu Sanqpaq Yeqsur-anr hawgeuf dzawgeuf-eu jeq pyeuf-eu mae.

1 Teˇsaˬloˇni 2:14

Aqyuif aqnyir deuq-or! Yurdav mirkhanq-anr Yeqsur Kali-euq lafkhoer jawr-eu Miqyaer-euq Kalizaq armur deuq-aq, nawmaf-anr hawgeuf dzawgeuf-euq mae. Aqyawfmaf, Yurdav tsawrhaq khaeq-awr khav-eu gar yadaq-euq lof-aer, nawmaf khawf nawmaf-euq tsawrhaq nae khaeq-awr khav-euq gar yadaq-euq mae.

1 Teˇsaˬloˇni 5:23

Nuisar bif-eu Miqyaer aqyawfghaq, yawqjeq navluf-euq lafkhoer, nawmaf-anr lavshawr-awr, aqdui-euq Sanqpaq Yeqsur Kali zafkale ngae, nawmaf-euq saflar, nuima hawr-eu mawrdo dawqtawvluf aerkhar maqza’ni bosavnaeq luf-ur.

2 Teˇsaˬloˇni 3:4

Nga’maf nae dawq bif-euq lof-aer nawmaf mrluf sharluf-eu uqtaf, maeqhu paw khawf mrdav shardavlef taef-a laer, Sanqpaq Miqyaer-euq baqda’nae nga’maf, nawmaf-anr yawduqbaw ma.

2 Tiˆmoˇseˬ 4:22

Sanqpaq Miqyaer, nawq-euq saflar-euq lafkhoer jawr luf-ur. Nawq-euq khoertav guiqlanq yawdzanr jav luf-ur.

Yaˬkoˆ 1:22

Khoeruqtaf, nawmaf, naqbawr nae narhaq-eu tsawrhaq taef-aer maqpyeufni, Yaerdawq-anr mrcaw-eu tsawrhaq pyeuf-awq. Naqbawr nae narhaq-eu tsawrhaq taef-aer pyeuf nar-aq, yawqhar yawqha jaqmyawf myawf-eu tsawrhaq mae.

2 Beˬtuˆluˆ 1:10

Khoermirnae, aqyuif aqnyir deuq-or! Miqyaer nae nawmaf-anr kur-awr, tserdov-euq jeq byacaevni dovlar paq-aer, yawkhav-aer laejae-awq. Khoerlof-aer janr nar-aq, nawmaf tiqjawr-iq sanqtif maqtif-ar.

1 Yoˇhaˬ 3:22

Aqdui, aqyawf nae biftaq-euq dawqdeuq-anr narhaq geuf-awr, aqyawf nuima tsaq-eu lof-aer mr nar-aq, aqdui kharshar-eu yawqjeq navluf za-eu mae.