Piˇliˇpiˆ 4:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyuif aqnyir deuq-or! Arsaq saq-eu dawq-aq, heudeuq-anr sharnoeq-awq laer aermawf-eu ma. Aqdir tsaq-eu jeq, noeqpoeq paq-aer ghae-eu jeq, tsaq-awr dawr-eu jeq, shawrjaevni ghae-eu jeq, hawmuiq-eu jeq, yawmuiq mae laer aer-eu jeq, muiq-awr jaq-eu jeq hawr-eu jaceuq paq-aer ghae-eu jeq, nawmaf garkawv heudeuq dzardziv dziv-awr sharnoeq sharsawx-awq.

Akha

⁸ Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.

Piˇliˇpiˆ 4:8 ပူးပေါင်းရင်းမြစ်များ

Jaceuq 82:2

“Nawmaf, zaqhuiq zaqnyir tser-awr tsawrcawv paw pyawq-awr, Maqdawr maqtsaq-eu lafkhoer aqmyan keuvni, Yarkhaq dar-eu laer ghae-eu le? Sela.

Dawqdaq 11:1

Ya’we Miqyaer, maqdawr maqtsaq-eu pavyawq-anr nuidav dav-eu mae. Aerkhawf, aqyawf, dawr-awr tsaq-eu darsav losiq-anr nuikhanr shir-eu mae.

Dawqdaq 12:4

Bym-awr nya-eu zaqmiqzaq-aq, khaqdzerzaq-euq shuir uqkhov pyeuf-eu mae. Aerkhawf, daqgalar paq-aer ghae-eu jeq mr-eu zaqmiqzaq-aq, Khaqdzerzaq-euq shaqyoeq-euq lafkhoer anr-eu yawbuf-anr dur-eu mae.

Dawqdaq 16:11

Tsaq-eu pavyawq hawr-eu darsav-aq, Ya’we Miqyaer-euq pyeuf-awr, Paertanr-euq lafkhoer anr-eu darsav losiq dawqtawvluf, Aqyawf nae mr-euq gar mae.

Dawqdaq 20:7

Dawrcoeni daef-eu tsaq-awr dawr-eu tsawrhaq-aq, Aqyawf-euq maeqnan jawryaf-eu zaqdeuq-anr, Guiqlanq pyeuf-eu mae.

Dawqdaq 31:10

Bym-eu miqzaq aqsur ghaq povmawr nya-eu la? Aqyawf-aq, nertseuvni ghae-eu khaqlo saer navmaqtser, arpoeq khav-eu mae.

Dawqdaq 31:29

Aqyawf-euq khaqdzerzaq aer-eu, “Bym-eu zaqmiq ghawqmya’ni jawr-eu mae. Aerkhawf, nawr-aq, aqcawq taf-aer bymdzaeq-eu mae.”

Dawqdaq 31:31

Aqyawf-euq aqlaf nae mrza-euq arsiq, aqyawf-anr bif-awr, Meuq-euq lanrkhaeq-anr aqyawf nae mr-awr shar-euq jeq, aqyawf-anr jaceuq luf-ur.

Maꞈtehˬ 22:16

Khoernar-aq, aqyawf maf-euq zaqlanr hawr-eu Heqlor-euq armur-anr ur-eu tsawrhaq deuq-anr, Yeqsur jawr-eu gar khaerghae-awr heulof-aer bi narhaq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya ma.

Maˬkuˆ 6:20

Aqjeq mirnae aernar-aq, Yorhaq-aq, dawr-awr tsaq-eu uqtaf shawr-eu tsawrhaq tiq ghaq mae laer Heqlor siqnya-eu mirnae, aqyawf-anr guv-eu lafkhoer hawpir luf-eu mae. Heqlor-aq, Yorhaq maeq-eu dawq yagaq ngae, nuima tiqpawf-iq maqsar-eu khawf, aqyawf maeq-eu gar narhaqmawf duidui-eu mae.

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Luˇkaꞈ 2:25

Khoerngae, Yeqlursaqlaeq-anr Surmoq laer kur-eu tiq ghaq jawr-eu mae. Aqyawf-aq, dawrcoeni ghae-awr, Miqyaer-anr yawzeu baw-eu tiq ghaq mae. Aqmyanluf Irsaqleqlav tsawrhaq-anr nuima bi sarlar-eu ghaq oekeuv-eu gar noeqtmq luf-eu mae. Khoeruqtaf, Yawshawr Saflar, aqyawf-euq lafkhoer jawrluf-eu mae.

Luˇkaꞈ 23:50

Khoerngae, Yorsaev laer kur-eu dawr-awr tsaq-eu tsawrmuiq tsawrjaq tiq ghaq jawr-eu mae. Aqyawf-aq, khavma armur-euq lafkhoer keuq-eu tiq ghaq mae.

Yoˇhaˬ 7:18

Yawqha-anr nae dovlar-euq jeq ngaeq-eu tsawrhaq-aq, yawqha-euq yawshaef khanqsaer pov-eu mae. Aerkhawf, aqyawf-anr khaerghae lef-euq ghaq-euq yawshaef khanqsaer-anr pov-eu ghaq-aq, tsaq-awr dawr-awr, aqyawf-euq lafkhoer maqtsaq maqdawr-eu jeq maqanr-a.

Gʼaˬkʼehˇ 10:22

Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Gʼaˬkʼehˇ 22:12

“Khoergar, Aqnaqnir laer kur-eu tiq ghaq jawr-eu mae. Aqyawf-aq, khoergar jawr-eu Yurdav tsawrhaq dawqtawv luf-euq lafkhoer tsawrmyanr muiq-eu uqtaf, zanrdawq jav-eu lof-aer Miqyaer-anr guv-eu tsawrhaq tiq ghaq mae.

Gʼaˬkʼehˇ 6:3

Khoermirnae, aqyuif aqnyir deuq-or! Nawmaf-euq lafkhoer tsawrmyanr muiq-awr, Yawshawr Saflar hawr-eu zaqsiq tsawrganr byan-eu tsawrhaq shif ghaq-anr tserdov-awq. Nga’maf, aqyawf maf-anr khaerdar naeq-awr gar heu bimr ma.

Lormav 13:13

Aqdui nan’ghanr paw daef paq-aer ghae-eu lof-aer daefghae-awq. Byaeqlaeq shaevdae-aer bui-eu jeq hawr-eu dzaqnyawq dawryaef-eu jeq-euq lafkhoer maqdaef-aer, jawflafni ghae-eu jeq hawr-eu shiqshaq-euq nuikhanr-euq lafkhoer maqdaef-eu uqtaf, cae-awr myavnav nav-eu lafkhoer taqdaef.

Lormav 13:3

Aqjeq mirnae aernar-aq, uvlanr-eu deuq-aq, yawmuiq jeq mr-eu deuq-euq gharduq guvlar paq-aer maqghae-aer, yawdoer jeq mr-eu deuq-euq gharduq guvlar paq-aer ghae-eu mae. Nawr, aryaq jav-eu deuq-anr maqguv-eu tsawrhaq pyeufmawf mir-a lor? Yawmuiq jeq mr-awq. Mr nar-aq, aqyawfmaf, nawq-anr jaceuq naeqlaf taef-a.

Lormav 14:18

Kali-euq gharduq mr-eu tsawrhaq-anr Miqyaer nuikhanr shir-awr, tsawrhaqzaq khawf nuima tsaq taef-a.

Lormav 2:29

Lafkhoer paw Yurdav tsawrhaq pyeuf-eu ghaq taef-aer aqdir Yurdav tsawrhaq mae. Aqdir bawkhov maeqdzaq yaeq-euq tsawrhaq-aq, nuima-euq lafkhoer yaeq-eu mae. Boftaq-euq zanrdawq khofdawq-euq baqda’nae maqngeur-a, muiq-eu Saflar baqda’nae mae. Khoerlof-aer ghae-eu tsawrhaq-anr jaceuq-eu-aq, tsawrhaq maqngeur-a, Miqyaer mae.

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

2 Gawˇliˬtu 13:7

Nawmaf yawdoer jeq tiqjeq-iq maqya mrni, nga’maf, Miqyaer-anr guiqlanq sharluf-eu ma. Nga’maf tsermr haw-eu jeq-anr daqcoer ngar-a laer bi dovlar mawf-eu mirnae janr-eu maqngeur. Nga’maf tsermr haw-eu jeq-anr maq daqcoer-eu tsawrhaq lof-aer dur-eu khawf, nawmaf taqhuiq paq-aer ghae-eu jeq mrnya’ni, nga’maf guiqlanq sharluf-eu ma.

2 Gawˇliˬtu 6:8

Taqhuiq naeqlaf-awr, taqteq naeqlaf ngae khawf, yawmuiq ja-awr, yawdoer ja’naeqlaf ngae khawf, jaqmyawf maershuir aer-eu khawf, dawrcoeni mr-euq ma.

2 Gawˇliˬtu 8:18

Nga’maf, maernmr nuighaq tiqghaq-anr khawf aqyawf naeq-aer bi’oe-euq ma. Kalizaq armur dawqtawvluf, aqyawf guiqlanqdawq maeqnya duidui-eu gar jaceuq-eu mae.

2 Gawˇliˬtu 8:21

Sanqpaq Miqyaer-euq maeqshi taef-aer maqngeur-eu, tsawrhaqzaq-euq maeqshi khawf dawrcoeni mr ma laer, nga’maf noeqtsov taq-euq ma.

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

Eˇpeˇsu 4:25

Khoermirnae, nawmaf jaqmyawf myawf-eu jeq-anr byaerdzae-awr, “Nawmaf yawqghaq navluf yawqha-euq dawqpae jawr-eu tsawrhaq naeq-aer, yawtsaq yawdawr jeq ngaeq-awq.” (Zkl 8:16) Aqjeq mirnae aernar-aq, aqdui-aq, tiqghaq tirghaq-euq arsaer pyeuf-eu ma.

Eˇpeˇsu 5:9

(Aqjeq mirnae aernar-aq, muiq-eu Saflar-euq arsiq-aq, tsaq-awr dawr-eu jeq, yawtsaq yawdawr jeq hawr-eu yawmuiq jeq dawqtawv luf-euq lafkhoer anr-eu mae).

Eˇpeˇsu 6:14

Khoermirnae, jofpaf paf-eu lof-aer yawtsaq yawdawr paf-awr, khanq-anr daeqkaq-eu jeq lof-aer tsaq-awr dawr-eu jeq dm-awr zifdanni yawf-awq.

Piˇliˇpiˆ 3:1

Ngaq-euq aqyuif aqnyir deuq-or! Arsaq saq-eu dawq-aq heulof-aer ma. Sanqpaq Miqyaer-euq lafkhoer laqkhaq caer-awq. Ngar, nawmaf-anr bofnaeq dzeur-euq jeq tiq pov par bofnaeq-eu khawf, nawmaf-anr gardanr tsoeq-eu jeq pyeuf-eu mirnae, ngaq-euq gharduq shaq-eu jeq maqngeur nya.

Gawˇlawˇsehˇ 4:5

Kalizaq maqngeur-eu deuq-euq maeqshi, zaqsiq tsawrganr anr-eu tsawrhaq lof-aer daef-awq. Aryamq yawmuiq-aer zmq-awq.

1 Teˇsaˬloˇni 4:12

Khoerlof-aer daef nar-aq, Kalizaq armur-euq lafnyir paw jawr-eu tsawrhaq deuq, nawmaf-anr yawzeu baw-awr, yawqha khawf tiqjeq-iq maqnymni daefnya taef-a.

1 Tiˆmoˇseˬ 2:2

Sanqpaq deuq hawr-eu aryaq jav-eu yawqghaq navluf-euq gharduq khawf khoerlof-aer shar-awq. Khoerlof-aer shar nar-aq, aqdui nuisar of-awr, cofngaerni Miqyaer-anr yawzeu bawbaw-aer, yawtsaq yawdawr-euq lafkhoer daefnya taef-a.

1 Tiˆmoˇseˬ 3:11

Khoerlof-aer durni, zaqmiq aqbur deuq khawf, aqcawq yawzeu baw-eu tsawrhaq yapyeuf-awr, aqcawq-anr jabu jadoer-eu tsawrhaq maqya pyeuf-a. Yawha-euq nuima-anr ghaqler-awr, yawqjeq navluf-anr sarjax zif-eu tsawrhaq yapyeuf-eu mae.

1 Tiˆmoˇseˬ 3:4

Yawqha-euq nymrjir-anr yawmuiq paq-aer uvlanr nya-awr, zaqdeuq aerdawq narhaq-awr, yawqjeq navluf-euq lafkhoer, yawzeu baw-eu tsawrhaq yapyeuf-eu mae.

1 Tiˆmoˇseˬ 4:12

Nawr zaqguq pyeuf-eu mirnae, aqcawq nae yaeqbawq-aer taqbi hawdoer. Ngaeq-awr tmr-eu paw, mr-awr shar-eu paw, gaq-eu paw, saflar paw, jan-eu paw hawr-eu shawrjaevni daef-eu paw, jan-eu tsawrhaq, nawq-anr hawgeuf dzawgeufduq pyeuf paq-aer daef-awq.

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

1 Tiˆmoˇseˬ 5:2

Aqpiq tsawrmawq deuq-anr yawqha-euq aqma laer sawx-awr, aqbur zaqguq deuq-anr yawqdzer dzaq-anr navluf nuima shawrjaevni ghae-eu lafkhoer, yawqha-euq dmrma laer sawx-awr ghaq bif-awq.

Tiˇtuˆ 1:8

Daqyan-anr ha’nya-eu, yawmuiq jeq mr-eu gar gaq-eu, noeqganr-awr daef-eu, dawr-awr tsaq-eu, yawshawr shawr-aer daef-awr, yawqha-euq nuima-anr ghaqler-eu tsawrhaq yapyeuf-eu mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

Tiˇtuˆ 2:2

Aqbawr tsawrmawq deuq-anr yawqha-euq nuima-anr ghaqlerni, aqcawq yawzeu bawni, nuima taqnya’ni maeqnaeq tsovnaeq-awq. Jan-eu jeq, gaq-eu jeq hawr-eu daqcoer orcoer-eu jeq, tiqbyan tiqlof anrlarni khawf maeqnaeq-awq.

Tiˇtuˆ 2:7

Aqyawfmaf dzawgeuf nya’ni, yawqjeq navluf-euq lafkhoer, nawr yawmuiq jeq taef-aer mr-awr, dawqmaeq dawqtsovtsov ngae, nuima keuv-awr yawzeu baw-eu lafkhoer, dawrcoeni maeqnaeq tsovnaeq-awq.

Tiˇtuˆ 3:14

Nawmaf yawmuiq jeq ya’mr mae laer, aqdui-euq tsawrhaq deuq-anr maeqnaeq tsovnaeq-awq. Aqyawfmaf khoerlof-aer mr nar-aq, aqyawfmaf kharmawf-eu yawqjeq navluf javlar-awr, gar maq mrdovlaf nya-eu tsawrhaq maqpyeuf-ar.

HeˬByehˇ 11:2

Arhu-euq tsawrhaq deuq jan-eu mirnae, sarkir yawmuiq za-euq mae.

HeˬByehˇ 13:18

Nga’maf-euq gharduq guiqlanq sharcaw naeqlaf-awq. Aqjeq mirnae aernar-aq, nga’maf-euq zaqsiq nuisiq shawrjaevni jav ma laer nga’maf yawduqbaw ma. Nga’maf yawqjeq navluf-euq lafkhoer yawmuiq-aer daefmawf mir-a.

Yaˬkoˆ 1:27

Murcoeq aqnmr hawr-eu miqcoeq miqma deuq shaq-eu gar cawba-eu uqtaf, mirtsaq-euq yawjawf, yawqha-anr maqbi jawflarni yanr-eu-aq, aqdui-euq Aqda Miqyaer-euq maeqshi, shawrjaevni ghae-awr maq lavjawf-euq uqduq tanq-eu zanr mae.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

1 Beˬtuˆluˆ 2:12

Nawmaf, Miqyaer-anr maqjan-eu tsawrhaq deuq-euq ghanrcae, yawmuiq jeq mrmr-aer daef-awq. Nawmaf yawdoer jeq mr-eu tsawrhaq-a laer aqyawfmaf jadoer-eu khawf, nawmaf yawmuiq jeq mr-eu gar ya’mawr-euq mirnae, Miqyaer-anr dzoer ngae nan, aqyawfmaf, Miqyaer-anr ciqhuiq ciqmanr taef-a.

1 Beˬtuˆluˆ 4:8

Dawqtawv luf-euq khoertav huiqdzaeq-eu jeq-aq, aqdir gaq-eu jeq nae tiqghaq tirghaq gaq-awq. Aqjeq mirnae aernar-aq, “Gaq-eu jeq-aq, zawr myaq-eu iqbax-anr daeqkaq-eu mae.” (Dd 10:12)

2 Beˬtuˆluˆ 3:1

Ngar zawr gaq-eu cawqdeuq-or! Ngar, nawmaf-anr sanqbof nyiq jae tiqjae bofanr lef-eu ma. Sanqbof nyiq jae luf-euq lafkhoer, ngar, nawmaf-anr ja’noeq naeq-awr, nawmaf-euq shawrjaevni ghae-eu nuinoeq-anr lavzor-eu heu-aq,

1 Yoˇhaˬ 3:18

Ngar gaq-eu zaqdeuq-or! Aqdui tiqghaq tirghaq gaq-eu jeq, dawq hawr-eu maeqlar nae taef-aer taqgaq. Aerkhawf, yawtsaq yawdawr-euq lafkhoer gaq-awr mrdov shardov laf-awq.

1 Yoˇhaˬ 3:3

Yeqsur-anr heulof-aer noeqtmq-eu yawqghaq navluf, Yeqsur shawr-eu lof-aer, yawqhar yawqha lavshawr-eu mae.

1 Yoˇhaˬ 4:1

Ngar zawr gaq-eu cawqdeuq-or! Kharngeur-eu saflar-anr taqjan. Saflar khoer Miqyaer-anr nae oe-euq saflar nga laq laer yawmuiq-aer tsermr haw-awq. Aqjeq mirnae aernar-aq, Miqyaer gharduq ngaeqdan-eu jaqmyawf deuq ghawqmya ghaq mirtsaq doeni dov-ir taq-euq mae.