Piˇliˇpiˆ 4:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoerlof-aer shar nar-aq, Miqyaer-anr nae dovle-euq tsawrhaqzaq maq ghovshaw nya-eu nuisar of-eu jeq, Yeqsur Kali-euq lafkhoer, nawmaf-euq nuima hawr-eu nuinoeq nuidur-anr bosav naeqlaf taef-a.

Akha

⁷ Yeˬsuˇ Ka li laꞈ kʼoeˇ naw maꞈ nui saˇ oꞈ-eu jeˬ za nya ni, tsawˇ haˬ zaˬ maˬ noeˬ doˆ coeˇ-eu Miˬyehˇ-euˬ nui saˇ oꞈ-eu jeˬ naw maꞈ-ahˇ caw ba tehꞈ-a.

Piˇliˇpiˆ 4:7 ပူးပေါင်းရင်းမြစ်များ

Jaceuq 29:11

Ya’we Miqyaer, aqyawf-euq tsawrhaq-anr ghaq bif taef-a; Ya’we Miqyaer, aqyawf-euq tsawrhaq-anr nuisar of-eu guiqlanq bif taef-a.

Jaceuq 85:8

Ngar, Ya’we Miqyaer pyeuf-eu Miqyaer, dawq ngaeq-eu gar narhaq ma. Aqjeq mirnae aernar-aq, aqyawf, aqyawf-euq tsawrhaq, Hawr-eu aqyawf-euq tsawrshawr deuq-anr, Nuisar zalar-eu jeq ngaeq taef-a. Aerkhawf, aqyawfmaf nae aqdzawq argan gan-euq gar taqbi ghofkhof-ir.

Dawqdaq 2:11

Noeqdanr doe-eu jeq, nawq-anr hawpir-awr, Ghovshaw nya-eu jeq, nawq-anr hawlanr naeqlaf taef-a.

Dawqdaq 4:6

Nawr zaqsiq tsawrganr-anr taq byaerdzae, Aqyawf, nawq-anr bosav naeqlaf taef-a. Nawr, aqyawf-anr gaq nar-aq, Aqyawf, nawq-anr hawpir naeqlaf taef-a.

Dawqdaq 6:22

Nawr garma-anr can ngae, dawq khoerdeuq nawq-anr sheuqghae-awr, Nawr yufkhav ngae, nawq-anr lofpir-eu uqtaf, Nawr noeqlar ngae, nawq-anr ngaeqcawq naeqlaf taef-a.

Luˇkaꞈ 1:79

Yawzanr-euq lafkhoer shir-eu narshmr-euq uqmov jawr-eu tsawrhaq-anr yawshaef bya’naeq-awr, Aqdui-euq aqkuir-anr nuisar of-eu garma-anr sheuqmaeq naeqlaf taef-a.”

Luˇkaꞈ 2:14

“Gor duidui-eu gar jawr-eu Miqyaer-euq yawshaef khanqsaer huiq luf-ur! Mirtsaq-euq khoertav, aqyawf nuikhanr shir-eu tsawrhaq deuq nuisar of luf-ur!”

Yoˇhaˬ 14:27

“Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Lormav 1:7

Miqyaer zawr gaq-awr, tsawrshawr pyeuflarni bi kurtaq-euq Lormav meuq-anr jawr-eu nawmaf dawqtawv luf-anr ngar sanqbof bofanr laf-euq ma. Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

Lormav 14:17

Aqjeq mirnae aernar-aq, Miqyaer uvlanr-eu jeq-aq, dzaq-awr dawr-eu garkawv maqngeur-a. Yawshawr Saflar-euq lafkhoer, tsaq-awr dawr-eu, nuisar of-eu hawr-eu laqkhaq caer-eu jeq pyeuf-eu mae.

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

Lormav 5:1

Aqdui jan-eu baqda’nae tsaq-awr dawr-eu tsawrhaq pyeuflar-awr, aqdui-euq Sanqpaq Yeqsur Kali-euq baqda’nae Miqyaer-anr tsaqler dzoerler-euq ma.

Lormav 8:6

Shiqshaq paw-euq garkawv-anr noeqtsov taq-euq tsawrhaq-aq yashir-eu mae. Aerkhawf, saflar paw taf-eu deuq-anr noeqtsovtaq nar-aq, daef-eu jeq hawr-eu nuisar of-eu jeq za-eu mae.

2 Gawˇliˬtu 10:5

Yawqhar yawqha ciqgor-awr, Miqyaer-anr siqnya-eu tsawrganr-anr lavtsoeq-eu yawgor yawqjeq navluf hawr-eu, dawqpyaer pyaer-eu jeq-anr nga’maf pyavdzae luf-eu ma. Khoeruqtaf, nuinoeq dawqtawv luf-anr paf-awr, Kali-anr bi narhaq geuf-eu ma.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

Gaˬlaˬtiˆ 5:22

Aerkhawf, muiq-eu Saflar-euq arsiq-aq: gaq-eu, laqkhaq caer-eu, nuisar of-eu, nuinoeq ghawqmanrni noeq-eu, ghawqshaq gaq-eu, yawmuiq jeq mr-eu, sarjax zif-eu,

Eˇpeˇsu 3:19

Khoeruqtaf, tsawrhaqzaq-euq siqnya-eu tsawrganr taf-aer dzaeq-eu, Kali-euq gaq-eu jeq-anr nawmaf siqnya lar-awr, Miqyaer-euq lafkhoer byan-eu yawqjeq navluf, nawmaf-euq lafkhoer bi byanlar law.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Piˇliˇpiˆ 1:2

Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu, nuisar of-eu jeq nawmaf-euq khoertav jav luf-ur.

Piˇliˇpiˆ 4:19

Yeqsur Kali-euq lafkhoer anr-eu Miqyaer-euq yawshaef khanqsaer sanr-eu gar geuxni, nawmaf kharmawf-eu yawqjeq navluf bifnaeqlaf taef-a.

Piˇliˇpiˆ 4:21

Yeqsur Kali-euq lafkhoer jawr-eu tsawrshawr yawqghaq navluf-anr dawqcawqpuq ma. Heugar, ngaq naeq-aer jawr-eu aqyuif aqnyir deuq khawf nawmaf-anr dawqcawq puqanr lef-euq mae.

Piˇliˇpiˆ 4:9

Nawmaf, ngaq-anr nae dzaw-awr hageuf-euq deuq hawr-eu, yagaq-awr ya’mawr-euq deuq, heudeuq dawqtawv luf-anr nawmaf mrghae-awq. Khoerlof-aer mr nar-aq, nuisar bif-eu Miqyaer, nawmaf naeq-aer jawr taef-a.

Gawˇlawˇsehˇ 3:15

Khoeruqtaf, Miqyaer-euq nuisar of-eu jeq nae nawmaf-euq nuima-anr bi uvlanr-awq. Khoerlof-aer bi uvlanr-eu laer, mawrdo tiq do taef-aer pyeuflarni Miqyaer, nawmaf-anr kurtaq-euq mae. Khoermirnae, nawmaf, Miqyaer-euq guiqlanq-anr noeqmuiq-awq.

2 Teˇsaˬloˇni 3:16

Nuisar biof-eu Sanqpaq Miqyaer, aqyawfghaq, nawmaf-anr aqmyanluf yawqjeq navluf-euq lafkhoer nuisar biof luf-ur. Sanqpaq Miqyaer, nawmaf yawqghaq navluf naeq-aer jawr luf-ur.

HeˬByehˇ 13:20

Nuisar bif-eu Miqyaer, aqdui-euq Sanqpaq Yeqsur shir-euq gar nae bi ghofdaef lar-euq mae. Yawr bo-eu Yawhuiq khoerghaq, mqmaq maqbyav yarzir zif-eu dawqma sarjax-anr taf-eu shiq-anr ghoe-awr,

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

Panmaeq 1:4

Ngar-aq, Yorhaq ma. Aqsir mircoer-anr jawr-eu Kalizaq armur shif mur-anr sanqbof heu bofanr laf-euq ma. Arhu nae daef-eu, nymq-mr keuvni daefluf-awr, aqkar zafka le-eu laer ghae-eu ghaq hawr-eu Miqyaer-euq nuirmanq-euq maeqshi jawr-eu Saflar shif lar-euq guiqlanq yawdzanr, hawr-eu nuisar of-eu jeq, nawmaf-euq khoertav jav luf-ur.

Panmaeq 2:17

“Naqbawr tsof-awr gaqnya-eu tsawrhaq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq-anr, zaftaq-euq maqnav bidzaq-awr, khaqlo lopyur tiq siq bif ma. Khaqlo khoersiq-euq khoertav tsawrmyanr yawshuif boftaq-euq mae. Khaqlo khoersiq za-euq aqyawfghaq maqngeur nar-aq, tsawrmyanr khoermyanr-anr nuighaq tiqghaq-iq maq siqnya-a.” ’