Piˇliˇpiˆ 3:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, Kali-euq lafkhoer jawrnya’ni khoerlof-aer sawxtaq-euq ma. Zanrdawq-anr taf-eu ngaq-euq tsaq-awr dawr-eu jeq maqjav. Aerkhawf, Kali-euq lafkhoer jan-eu jeq-euq baqda’nae tsaq-awr dawr-eu jeq jav ma. Tsaq-awr dawr-eu heujeq-aq, jan-eu mirnae, Miqyaer-anr nae za-euq tsaq-awr dawr-eu jeq pyeuf-eu mae.

Akha

⁹ A yawꞈ laꞈ kʼoeˇ tiˬ byah tiˬ loꞈ ya jawˇ ni, ngaˇ kʼoeˇ loꞈ-ehˇ sawˇ-euˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh za nya meh lehˇ sawˇ taˬ-euˬ ngaˬ neh mˇ za-euˬ Miˬyehˇ-ahˇ tsaˬ leˇ tsahˇ leˇ-eu kʼoeˇ hmˬ tiˬ pawꞈ-iˬ maˬ paˇ ahˇ ma. Nymˬ-mˇ ngaˇ za taˬ-euˬ Miˬyehˇ-ahˇ tsaˬ leˇ tsahˇ leˇ-eu heu-aˬ, ngaˇ Ka li-ahˇ jah-eu baˬ da neh za taˬ-euˬ ma. Heu-aˬ, jah-eu kʼoeˇ taˆ Miˬyehˇ neh biꞈ nehˬ laꞈ-euˬ Miˬyehˇ-ahˇ tsaˬ leˇ tsahˇ leˇ-eu jeˬ pyeuꞈ-eu meh.

Piˇliˇpiˆ 3:9 ပူးပေါင်းရင်းမြစ်များ

Jaceuq 14:3

Aqyawfmaf dawqtawvluf garbanq banq jir-awr, tiqgar durni daefcawvjir taq-euq mirnae, Yawmuiq jeq mr-eu tiqghaq-iq maqjawr-a, tiq ghaq taef-aer khawf maqjawr-a.

Jaceuq 143:2

Nawq-euq kuirlaf zaqkhav-anr yarkhaq taq darnaeqlaf. Aqjeq mirnae aernar-aq, Nawq-euq maeqshi tsaq-awr dawr-eu tsawrhaq tiqghaq-iq maqjawr-a.

Jaceuq 19:12

Yawqha-euq yawlaeq ghovshaw nya-eu aqsur ghaq jawr-eu la? Zaftaq-euq yawbanq-anr nae ngaq-anr tsiqshawr naeqlaf-awq.

Maꞈtehˬ 9:13

Nawmaf heudawq-euq dawqtsuif dzaw-ir-awq, ‘Ngar lawrnaeq-eu jeq-anr geufmawf-eu maqngeur, ghawqshaq gaq-eu jeq-anr geufmawf mir-a.’ (Hs 6:6) Ngar, tsaq-awr dawr-eu tsawrhaq-anr kur-eu laer oe-euq maqngeur, iqbaxzaq noeqpov noeqpar larni oe-euq ma.”

Lormav 1:17

Aqjeq mirnae aernar-aq, Miqyaer-euq tsaq-awr dawr-eu jeq-aq, jan-eu jeq-anr bae-awr jan-eu jeq-anr saqler-eu mae laer guiqlanq dawq-anr ghoe-awr, panmaeq naeqlaf-euq mae. Yaerbof-euq lafkhoer boftaq-euq lof-aer, “Tsaq-awr dawr-eu tsawrhaq-aq, jan-eu baqda’nae yadaef-eu mae.” (Hbk 2:4)

Lormav 10:10

Aqjeq mirnae aernar-aq, tsawrhaq tiq ghaq nuima-euq lafkhoer jan nar-aq, tsaq-awr dawr-eu tsawrhaq pyeuflar-awr, khaqmae nae aerdov nar-aq, kakhof-eu jeq za-eu mae.

Lormav 16:7

Ngaq naeq-aer kuv-anr urhaw-euq ngaq-euq aqyuif aqnyir pyeuf-eu Aqdawrniv hawr-eu Yurniv aqnyaf-anr khawf dawqcawq puq-eu ma. Aqyawf nyaf-aq, ngaq-euq maeqhu nae Kalizaq pyeuflar-awr, ghaqkhaer deuq-euq ghanrcae tsawrmyanr muiq-eu mae.

Lormav 5:21

Iqbax uvlanr-eu baqda’nae shir-eu gar bikeuv-awr, tsaq-awr dawr-eu jeq-anr ghoe-awr guiqlanq yawdzanr uvlanr-eu baqda’nae, aqdui-euq Sanqpaq Yeqsur Kali-anr ghoe-awr, mqmaq maqbyav yarzir daef-eu lafkhoer sheuqkeuv lef-eu mae.

Lormav 8:1

Khoermirnae, nymq-mr Yeqsur Kali-euq lafkhoer jawr-awr, shiqshaq-euq nuikhanr maeqnan maqcan-aer, muiq-eu Saflar-euq lafkhoer canluf-eu tsawrhaq deuq-aq, yarkhaq dar-eu gar maqpar yadaq-eu mae.

Lormav 8:3

Shiqshaq-euq baqda’nae zanrdawq ghaq byaev-eu mirnae, maq mrnya-eu jeq-anr Miqyaer nae mr-euq mae. Iqbax bi shadzae-eu laer Miqyaer, aqyawf-euq Zaqyo-anr iqbaxzaq lof-aer shiqshaq pi-awr bi’oe-awr, shiqshaq-euq lafkhoer anr-eu iqbax-anr yarkhaq darnaeq-euq mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

2 Gawˇliˬtu 5:17

Tsawrhaq tiq ghaq, Kali-euq lafkhoer jawr nar-aq, aqyawf, tsawrhaq yawshuif pyeuflar-euq mae. Yawoer dawqtawvluf byovjir-awr, dawqtawvluf yawshuif pyeuflar-euq mae.

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

Gaˬlaˬtiˆ 2:16

Tsawrhaq tiq ghaq zanrdawq-anr mrcaw-euq mirnae, tsaq-awr dawr-eu tsawrhaq pyeuflar-eu maqngeur-a. Yeqsur Kali-anr jan-eu mirnae taef-aer pyeuflar-eu mae laer aqdui siqnya-eu ma. Aqduimaf khawf zanrdawq-anr mrcaw-euq mirnae, tsaq-awr dawr-eu tsawrhaq pyeuflar-euq maqngeur-aer, Kali-anr jan-eu mirnae tsaq-awr dawr-eu tsawrhaq bi pyeuflar naeqlaf-euq mae. Aqjeq mirnae aernar-aq, shiqshaq khar piluf-eu tsawrhaq tiqghaq-iq zanrdawq-euq maeqnan cantae-euq mirnae, tsaq-awr dawr-eu tsawrhaq maq pyeuflar nya-a.

Piˇliˇpiˆ 3:6

Nuima keuv-eu gar aerlef nar-aq, ngar-aq, Kalizaq armur-anr khaeqnaeq khavnaeq haw-euq tsawrhaq ma. Zanrdawq-anr taf-eu tsaq-awr dawr-eu jeq-anr aerlef nar-aq, ngar-aq, aerkhar maqza-eu tsawrhaq ma.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

Tiˇtuˆ 3:5

aqyawf, aqdui-anr kakhof naeqlaf-euq khoer-aq, aqdui tsaq-awr dawr-eu jeq mr-euq mirnae maqngeur-a. Aerkhawf, aqyawf, aqdui-anr ghawqshaq gaq-eu mirnae, Yawshawr Saflar-euq lafkhoer lavshuif-eu jeq hawr-eu daefpov daeqpar-eu jeq-anr taf-eu tsiqshawr-eu jeq baqda’nae, aqyawf, aqdui-anr bibuq-ir naeqlaf-euq mae.

HeˬByehˇ 6:18

Khoer-aq, maq parlar nya-eu nyiq jeq-euq garkawv mae. Miqyaer-aq, jaqmyawf maq myawfnya-a laer aqdui nuima bi sarni kamq-eu jeq khoer-anr ghoe-awr nae, aqdui-euq maeqhu paw jav-eu noeqtmq-eu jeq-anr zifdanni nyaeftaeq taq-awq laer, caevzafduq-anr caevur taq-euq aqdui-anr ghaq yawkhav-aer bifnaeqlaf luf-eu mae.

Yaˬkoˆ 3:2

Aqdui yawqghaq navluf, ghawqmya jeq-anr sanqtif tifnya mir-a. Aerkhawf, dawq maq ngaeqbanq maq ngaeqlaeq-eu tsawrhaq-aq, byan-eu tsawrhaq pyeuf-awr, yawqha-euq mawrdo dawqtawv luf-anr ghaqler nya-eu maeqkawf dawvtaq-euq tsawrhaq mae.

2 Beˬtuˆluˆ 1:1

Ngar-aq, Yeqsur Kali-euq kuirlaf zaqkhav hawr-eu ghaqkhaer Sirmoq Beqtuvluv ma. Aqdui-euq Miqyaer hawr-eu Kakhof-eu ghaq, Yeqsur Kali-euq tsaq-awr dawr-eu jeq-euq baqda’nae, nga’maf lof-aer zawr poeq-eu jan-eu jeq za-euq nawmaf-anr sanqbof bofanr lef-eu ma.

1 Yoˇhaˬ 3:4

Iqbax-aq, zanrdawq-anr leur-eu jeq pyeuf-awr, iqbax kharmr-eu tsawrhaq-aq, zanrdawq-anr leur-eu tsawrhaq mae.