Piˇliˇpiˆ 3:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

Akha

⁸ Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

Piˇliˇpiˆ 3:8 ပူးပေါင်းရင်းမြစ်များ

Jaceuq 126:6

Siqyoeq saeq-eu laer, ngoerngoer-aer caer siqyoeq pi-awr dov-ir-eu tsawrhaq-aq, Yawduq bawni, caer caerdzanq pi-awr laqkhaq caertavni ya ghoflar taef-a.

Jaceuq 73:25

Mq-euq khoertav, nawr maqngeur nar-aq, ngar, aqsur ghaq parjawr-eu? Mirtsaq-euq khoertav, nawr maqngeur nar-aq, Ngar geufmawf-eu tiqghaq-iq maqjawr.

Luˇkaꞈ 1:43

Ngaq-euq Sanqpaq-euq aqma, ngar jawr-eu gar lar-eu heu, ngar aqgeugar nae za-euq guiqlanq nga?

Luˇkaꞈ 11:20

Ngar, Miqyaer-euq lafnoer-anr ghoe-awr naef-anr taedov-eu ngeur nar-aq, Miqyaer uvlanr-eu jeq nawmaf-euq khoertav keuvle-euq mae.

Yoˇhaˬ 14:20

Khoerngae nan keuvle nar-aq, ngar, Aqda-euq lafkhoer jawr-awr, nawmaf, ngaq-euq lafkhoer jawr-awr, ngar khawf nawmaf-euq lafkhoer jawr-eu gar nawmaf yasiq taef-a.

Yoˇhaˬ 14:7

Nawmaf, ngaq-anr siqnya-euq nar-aq, ngaqDa-anr khawf siqnya-euq mae. Iqnan tafnar-aq, nawmaf, aqyawf-anr ya’mawr-awr, aqyawf-anr ya siqnya-euq mae.”

Yoˇhaˬ 16:3

Aqyawfmaf, Aqda-anr maq siqnya-aer, ngaq-anr khawf maq siqnya-euq mirnae, nawmaf-anr khoerlof-aer janrlar taef-a.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

Yoˇhaˬ 17:8

Aqjeq mirnae aernar-aq, nawq nae ngaq-anr bifnaeq laf-euq dawq, ngar, aqyawf maf-anr bif-awr, aqyawfmaf khawf dawq khoerdeuq-anr hageuf-euq mae. Khoeruqtaf, ngar, nawr jawr-eu gar nae oe-euq ngar-a laer aqyawfmaf siqduq-awr, nawq nae ngaq-anr khaerghae lef-euq ngar-a laer khawf aqyawfmaf jan-eu mae.

Yoˇhaˬ 20:13

Khoerngae, mqtav ghaqkhaer, aqyawf-anr narhaq-eu, “Zaqmiq aqbur-or! Nawr aqjeq mirnae ngoer-eu le?” Aqyawf, mqtav ghaqkhaer-anr aernaeq-eu, “Aqcawq, ngaq-euq Sanqpaq-euq mawrdo-anr bafghae-awr, aqyawfmaf, aqyawf-anr aqgeugar baftaq-ir-euq la laer ngar maq siqnya nya.”

Yoˇhaˬ 20:28

Khoerngae, Tormav, aqyawf-anr aerkhof naeq-eu, “Ngaq-euq Sanqpaq, ngaq-euq Miqyaer-or!”

Gʼaˬkʼehˇ 20:24

Aerkhawf, heudeuq tiqjeq-iq ngaq-anr maq gheunyaelar nya-aer, ngaq-euq daefzir-anr khawf, ngar maq khanqlanr. Aqjeq mirnae aernar-aq, ngar yacaev-eu garma heukanr laqkhaq tiqcaer caevli-awr, Sanqpaq Yeqsur-anr nae za-euq guiqlanq-euq gar pyeuf-eu, Miqyaer-euq guiqlanq yawdzanr byan-eu guiqlanq dawq-euq garkawv, sarkir yakamq nar-aq ghaq ma.

Lormav 8:18

Ngar heulof-aer sharnoeq-eu ma. Heuzir-anr yadaq-eu shaqzanq-aq, aqkar aqdui-anr panmaeq naeqlaf-eu yawshaef khanqsaer-anr tiqpawf-iq sheucaevnyaf maqnyeuv-a.

Lormav 8:39

yawgor jeq, yawnaf jeq, khar baetaq-euq aqgeu jeq maqkaq, aqdui-euq Sanqpaq Yeqsur Kali-euq lafkhoer anr-eu, Miqyaer, aqdui-anr gaq-eu jeq-anr nae maq lavghawqlar nya-a.

1 Gawˇliˬtu 2:2

Ngar, nawmaf naeq-aer jawr ngae, Yeqsur Kali-euq garkawv hawr-eu, aqyawf, lafyaq-euq khoertav bi tafsaef-euq garkawv maqngeur nar-aq, nuijeq tiqjeq-iq siqnya-eu maqgeuf laer ngar noeqtsaev taq-euq ma.

1 Gawˇliˬtu 9:10

Heu dawqtawvluf aqdui-euq gharduq sharnoeq-awr aer-eu maqngeur-a laq? Ngeur mae, aqdui-euq gharduq aertaq-euq mae. Aqjeq mirnae aernar-aq, daeyar tsaeq-eu tsawrhaq noeqtmq-awr tsaeq-eu tsaq mae. Caer diq-eu tsawrhaq khawf caer za’ni noeqtmq-awr diq-eu tsaq mae.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Gaˬlaˬtiˆ 1:16

aqyawf-euq Zaqyo-euq garkawv aqcawq tsawrjeuq tsawrca-anr dawqmaeq bimaeq-ir-eu, aqyawf nuima tsaq-eu lof-aer aqyawf-euq Zaqyo-euq garkawv, ngaq-euq nuima-euq lafkhoer panmaeq naeqlaf-euq mae. Khoerngae, shiqshaq piluf-eu tiqghaq naeq-aer-iq ngar maq bawqdzaq-aq.

Eˇpeˇsu 4:13

Aqdui dawqtawvluf, Miqyaer-euq Zaqyo-anr siqnya-eu tsawrganr hawr-eu jan-eu jeq-euq lafkhoer nuima tiqsiq taef-aer taqnya lar-awr, aerkhar maqza-eu tsawrhaq pyeuflar-eu uqtaf, Kali byan-eu lof-aer byanlar ngae keuvni mr-eu gharduq mae.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Piˇliˇpiˆ 3:10

Ngar, Kali hawr-eu aqyawf ghofdaef lar-euq baoq-anr siqnya mawf-awr, aqyawf-euq shaqzanq-anr daqcaw mawf-eu uqtaf, aqyawf shir-euq lof-aer shirmawf mir-a.

Piˇliˇpiˆ 3:12

Ngar zadzeur-euq ma laer aer-eu maqngeur. Nymq-mr ngar byanlar-euq ma laer aer-eu khawf maqngeur. Yeqsur Kali, ngaq-anr nyaeftaeq taq-euq lof-aer, ngar khawf byan-eu jeq-anr nyaefza nya’ni laejae-eu lafkhoer taeluf-eu ma.

Piˇliˇpiˆ 3:7

Aerkhawf, dzeurlaf ngae, ngaq-euq gharduq jirjeuq ma laer sawxtaq-euq deuq-aq, nymq-mr ngar, Kali-euq baqda’nae smq-eu jeq laer sawx-eu ma.

2 Tiˆmoˇseˬ 4:6

Lawrduq-euq khoertav shaevdav-awr lawr-eu jeq lof-aer ngar danlar taq-euq ma. Ngar, mirtsaq-anr nae ghawq-ir-eu aryamq paelar-euq mae.

HeˬByehˇ 3:14

Yawbae ngae nae, aqdui nuizif zif-euq lof-aer, arsaqsaq ngae keuvni zifnya nar-aq, aqdui khawf Kali naeq-aer gawf-eu tsawrhaq ma.

1 Beˬtuˆluˆ 2:7

Khoermirnae, nawmaf jan-eu deuq-euq gharduq-aq, khaqlo heusiq poeq duidui-eu mae. Aerkhawf, maq narhaq geuf-eu tsawrhaq deuq-euq gharduq-aq, “Nymr tsov-eu deuq nae byaerdzae taq-euq khaqlo khoersiq, Lafcoer-euq lozif pyeuflar-euq mae.” (Jc 118:22)

2 Beˬtuˆluˆ 1:2

Miqyaer hawr-eu aqdui-euq Sanqpaq Yeqsur-anr siqnya-eu lafkhoer, guiqlanq yawdzanr hawr-eu nuisar of-eu jeq, nawmaf-euq lafkhoer myaqlar luf-ur.

2 Beˬtuˆluˆ 1:3

Aqdui-anr yawshaef khanqsaer hawr-eu yawmuiq yawjaq jeq-anr ghoe-awr nae, kur-euq ghaq-anr aqdui siqnya-eu mirnae, Miqyaer, aqyawf-euq baoq-anr ghoe-awr nae, Miqyaer-anr yawzeu baw-awr, yawdaef daef-eu gar taf-eu yawqjeq navluf, aqdui-anr bifnaeq laf-euq mae.

2 Beˬtuˆluˆ 1:8

Nawmaf-euq lafkhoer heudeuq anr-awr myaqlarluf nar-aq, aqdui-euq Sanqpaq Yeqsur Kali-anr siqnya-eu mirnae, nawmaf maqbaw maqza le-aer, arsiq maq siqle-eu tsawrhaq maqpyeuf-ar.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.