Piˇliˇpiˆ 3:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nuima keuv-eu gar aerlef nar-aq, ngar-aq, Kalizaq armur-anr khaeqnaeq khavnaeq haw-euq tsawrhaq ma. Zanrdawq-anr taf-eu tsaq-awr dawr-eu jeq-anr aerlef nar-aq, ngar-aq, aerkhar maqza-eu tsawrhaq ma.

Akha

⁶ Miˬyehˇ-euˬ nui kʼahˇ mˇ byah mawꞈ dui dui-eu miˇ neh Ka li zaˬ aˇ muˇ-ahˇ kʼehˬ nehˬ kʼaˆ nehˬ haw-euˬ tsawˇ haˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya lawˬ naˇ, ngaˇ-aˬ, ehˇ kʼaˇ maˬ za ni mˇ byah-euˬ tsawˇ haˬ tiˬ gʼaˬ ma.

Piˇliˇpiˆ 3:6 ပူးပေါင်းရင်းမြစ်များ

Maꞈtehˬ 23:25

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf, khmqmaq hawr-eu saerbyaer-euq lafnyir paw yawmuiq-aer jovshawr-eu mae. Aerkhawf, lafkhoer paw-aq, maerjuir juir-eu jeq hawr-eu yawqha-euq nuinoeq nuilov geuf-eu jeq tiqbyanni anr-eu mae.

Maꞈtehˬ 5:20

Ngar, nawmaf-anr aernaeq nyar, nawmaf-euq tsaq-awr dawr-eu jeq, zanr maeq-eu deuq hawr-eu Paqliqsaer deuq navmaqtser maq myaqdzaeq nar-aq, mqtav mirkhanq-euq lafkhoer tiqjeq ghaenae-iq maqya urler-ar.

Luˇkaꞈ 1:6

Aqnyaf dzerzaq, Miqyaer-euq maeqshi tsaq-awr dawr-eu tsawrhaq mae. Sanqpaq Miqyaer-euq zanrdawq khofdawq hawr-eu zanrsanrkhof dawqtawv luf-euq maeqnan cantae-awr, tiqjeq-anr-iq aerkhar maqza-eu tsawrhaq mae.

Gʼaˬkʼehˇ 21:20

Aqyawfmaf yagaq ngae, Miqyaer-anr ciqhuiq ciqmanr-eu mae. Khoernar-aq, aqyawfmaf, Pawrluv-anr heulof-aer aernaeq-euq mae: “Maernmr-or! Yurdav tsawrhaq-euq lafkhoer Kali-anr janlar-euq armyav tanr ghaq jawr-eu la laer nawr mawrluf-eu mae. Aqyawfmaf dawqtawvluf zanrdawq-anr nuima keuv duidui-eu mae.

Gʼaˬkʼehˇ 22:5

Pirma yawhuiq ghaq hawr-eu khavma armur-euq aqyuif aqtsu dawqtawvluf khawf, ngaq-euq garkawv sarkir kamqnya taef-a. Aqyuif aqnyir Yurdav tsawrhaq-euq gharduq, ngar sanqbof za-awr, Daqmaqsaer-anr jawr-eu aqyuif aqnyir deuq-anr shmrcav nae paf-awr, Yeqlursaqlaeq-anr sheuqkeuv laf-awr khaeqnaeq-eu laer ngar, Daqmaqsaer-anr ir-euq ma.”

Gʼaˬkʼehˇ 26:5

Yawbae ngae nae, aqyawfmaf, ngaq-euq garkawv siqnya-eu mirnae, ngaq-euq garkawv sarkir kamqmawf lawnmr-aq, ngar-aq, nga’maf-euq kan duidui-eu uqduq tanq-eu zanr-euq lafkhoer, Paqliqsaer laer kur-eu armur-euq lafkhoer jawrhaw-euq mae laer kamqnya taef-a.

Gʼaˬkʼehˇ 8:3

Aerkhawf, Sawrluv-aq, Kali-euq armur-anr lavcawv luf-eu mae. Aqyawf tiqnymr sair tiqnymr irir-aer, zaqmiq aqbur hawr-eu zaqyo aqli deuq-anr nyaef-awr kuv-anr dawvnaeq-eu mae.

Lormav 7:9

Dzeurlaf ngae, ngar, zanrdawq maqjav-aer daef-euq ma. Aerkhawf, zanrdawq khofdawq dovle ngae, iqbax daeflar-awr, ngar-aq, shir-euq ma.

1 Gawˇliˬtu 10:32

Nawmaf, Yurdav tsawrhaq hawr-eu Heqlaqsar tsawrhaq-anr maqaer, Miqyaer-euq Kalizaq armur-anr maqaer, coeqler deuqler paq-aer taqmr.

1 Gawˇliˬtu 15:9

Ngar-aq, ghaqkhaer deuq-anr nae aqcawq taf-aer teqdzaeq-eu ghaq ma. Arhu, Miqyaer-euq Kalizaq armur-anr khaeqnaeq khavnaeq haw-euq mirnae, ngaq-anr ghaqkhaer laer bikur-eu maqgeux nya.

Piˇliˇpiˆ 2:15

Khoerlof-aer mr nar-aq, nawmaf iqbax taqkhar maqza-aer, aqcawq-anr maqcoeq maqciv-eu tsawrhaq pyeuf taef-a. Khoeruqtaf, nuighof anr-awr, nanrpov-aer daefluf-eu heuzir-euq tsawrhaq hawr-eu mirtsaqzaq-euq ghanrcae, nawmaf-aq, yawlaeq maqanr-eu yawshaef lof-aer bya’naeq luf-eu Miqyaer-euq zaq pyeuf taef-a.

Piˇliˇpiˆ 3:9

Ngar, Kali-euq lafkhoer jawrnya’ni khoerlof-aer sawxtaq-euq ma. Zanrdawq-anr taf-eu ngaq-euq tsaq-awr dawr-eu jeq maqjav. Aerkhawf, Kali-euq lafkhoer jan-eu jeq-euq baqda’nae tsaq-awr dawr-eu jeq jav ma. Tsaq-awr dawr-eu heujeq-aq, jan-eu mirnae, Miqyaer-anr nae za-euq tsaq-awr dawr-eu jeq pyeuf-eu mae.

1 Tiˆmoˇseˬ 1:13

Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.