Piˇliˇpiˆ 3:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqdui-aq, aqdir aqmar bawkhov maeqdzaq yaeq-awr, muiq-eu Saflar-euq lafkhoer Miqyaer-anr uqduq tanq-eu tsawrhaq ma. Shiqshaq-euq lafkhoer yawduq baw-eu maqngeur, Yeqsur Kali-euq lafkhoer laqkhaq caer-eu tsawrhaq ma.

Akha

³ Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

Piˇliˇpiˆ 3:3 ပူးပေါင်းရင်းမြစ်များ

Jaceuq 105:3

Aqyawf-euq shawr-eu tsawrmyanr-aq, yawshaef khanqsaer huiq-awr, Ya’we Miqyaer-anr pov-eu tsawrhaq deuq-euq nuima laqkhaqcaer luf-ur.

Lormav 1:9

Ngar, nawmaf-euq gharduq maq naqlerni aqmyanluf guiqlanq shar-eu gar Miqyaer, ngaq-euq gharduq sarkir kamqnya mae. Ngar-aq, ngaq-euq nuima saflar nae aqyawf-euq gharduq mr-awr, aqyawf-euq Zaqyo-euq garkawv guiqlanqdawq maeqluf-eu ma.

Lormav 15:17

Khoermirnae, ngar, Miqyaer-euq gar mr-eu lafkhoer, Yeqsur Kali-euq baqda’nae khanqsaer jaevkhar za-eu ma.

Lormav 7:6

Aerkhawf, nymq-mr aqdui zanrdawq-anr nae buq-ir-euq ma. Dzeurlaf ngae, aqdui-anr ganrdzanq taq-euq zanrdawq-anr nae aqdui shirdzeur-euq mirnae, aqdui-aq, boftaq-euq zanrdawq yawoer-euq uqmov, Miqyaer-euq gar mr-eu maqngeur-aer, muiq-eu Saflar uvlanr-eu yawshuif-euq lafkhoer mrluf-eu ma.

Lormav 8:15

Nawmaf parya guvni zaqkhav-euq saflar zataq-euq maqngeur-a. Nawmaf-aq, zaq sheuqcu-eu, muiq-eu Saflar zataq-euq mae. Khoermirnae, aqdui “Aqba, Aqda-or” laer kur-eu ma.

Lormav 8:39

yawgor jeq, yawnaf jeq, khar baetaq-euq aqgeu jeq maqkaq, aqdui-euq Sanqpaq Yeqsur Kali-euq lafkhoer anr-eu, Miqyaer, aqdui-anr gaq-eu jeq-anr nae maq lavghawqlar nya-a.

Lormav 9:6

Heu-aq, Miqyaer-euq dawq yawqngaef pyeuf-ir-euq nga laer aer-eu maqngeur. Aqjeq mirnae aernar-aq, Irsaqleqlav-anr nae daefle-euq tsawrhaq dawqtawvluf aqdir Irsaqleqlav tsawrhaq pyeuf-eu maqngeur-a.

2 Gawˇliˬtu 11:18

Haw ngae, tsawrhaq ghawqmya ghaq shiqshaq paw-euq garkawv khanqsaer jaev-eu lof-aer, ngar khawf khanqsaer jaev-eu ma.

Gaˬlaˬtiˆ 5:25

Aqdui, muiq-eu Saflar-euq lafkhoer daefluf-eu ngeur nar-aq, aqdui, muiq-eu Saflar-anr ghoeghoe-aer daefghae kar-eur.

Gaˬlaˬtiˆ 6:16

Heulof-aer khar mrcaw-eu tsawrhaq yawqghaq navluf hawr-eu, Miqyaer-euq Irsaqleqlav tsawrhaq-euq khoertav, nuisar of-eu jeq hawr-eu ghawqshaq gaq-eu jeq jav luf-ur.

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Piˇliˇpiˆ 3:12

Ngar zadzeur-euq ma laer aer-eu maqngeur. Nymq-mr ngar byanlar-euq ma laer aer-eu khawf maqngeur. Yeqsur Kali, ngaq-anr nyaeftaeq taq-euq lof-aer, ngar khawf byan-eu jeq-anr nyaefza nya’ni laejae-eu lafkhoer taeluf-eu ma.

Piˇliˇpiˆ 3:14

Yeqsur Kali-euq lafkhoer Miqyaer-euq zawr gor-eu kur-eu jeq-euq lafsawq za’ni, ngar arpyar-anr hawtsov taq-awr taeluf-eu ma.

Gawˇlawˇsehˇ 2:11

Nawmaf, aqyawf-euq lafkhoer bawkhov maeqdzaq yaeq-euq mae. Khoer-aq, tsawrhaqzaq-euq aqlaf nae yaeq-euq maqngeur-a. Mawrdo-anr taf-eu shiqshaq-euq iqbax laevdzaeyaf nya’ni, Kali-anr taf-eu bawkhov maeqdzaq yaeq-euq mae.

Yuˇdaˆ 1:20

Aerkhawf, ngar zawr gaq-eu cawqdeuq-or! Nawmaf, shawr duidui-eu jan-eu jeq-euq lafkhoer huiqlar manrlar-awr, Yawshawr Saflar-euq lafkhoer guiqlanq shar-awq.