Piˇliˇpiˆ 2:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqcawq, aqyawf-anr tsawrhaq lof-aer pyeuf-eu gar ya’mawr-euq mae. Aqyawf nuinanq nuiyu taq-awr, shir-eu gar keuvni aerdawq narhaq geuf-euq mae. Shir-euq khoer-aq, lafyaq-euq khoertav shir-euq mae.

Akha

⁸ Yawˬ ha-ahˇ taˬ nyiˇ dui dui-awˇ, laꞈ yaꞈ kʼoeˇ taˆ shiˇ gaˇ keuˆ ni, Miˬyehˇ ehˇ dawˬ naˇ haˬ-euˬ meh.

Piˇliˇpiˆ 2:8 ပူးပေါင်းရင်းမြစ်များ

Jaceuq 22:16

Aqjeq mirnae aernar-aq, aqkuiq deuq, ngaq-anr gajawq taq-awr; Tsawrdoer baqmaf tiq maf, ngaq-anr jawrjawq taq-euq mae. Aqyawfmaf, ngaq-euq aqkuir aqlaf-anr tsawvbyoe naeqlaf-euq mae.

Dawqdaq 15:33

Ya’we Miqyaer-anr guv-eu jeq-aq, Zaqsiq tsawrganr za-eu maeqdawq tsovdawq pyeuf-awr, Nuinanq nuiyu-euq maeqnan, Taqhuiq taqmanr-eu jeq caw-eu mae.

Maꞈtehˬ 17:2

Khoerngae, aqyawf maf-euq maeqshi Yeqsur-euq mawrdo parlar-euq mae. Aqyawf-euq myavpyawq nanrma lof-aer yawshaef bya-awr, aqyawf-euq maeqtsoeq khawf pyurdeuqni narguir guir-eu mae.

Maꞈtehˬ 26:39

Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Maꞈtehˬ 26:42

Aqyawf parir-awr guiqlanq parshar-eu, “NgaqDa-or! Ngar khmqmaq heukhmq-anr maqdawr-euq khoer-aq maqjir nar-aq, nawr nuima tsaq-eu lof-aer bipyeuf-awq.”

Luˇkaꞈ 9:29

Guiqlanq sharluf ngae, aqyawf-euq myavpyawq parlar-awr, maeqtsoeq pyurdeuqni ghaelar-awr yawshaef bya duidui-eu mae.

Yoˇhaˬ 10:18

Ngaq-anr tiqghaq-iq maq lavsaef nya-a. Aerkhawf, ngar, yawqha yawqha shirdan-eu ma. Ngar shirdan-eu baoq jav-awr, ngar ghofdaef lar-eu baoq khawf jav-eu ma. Biftaq-euq dawq heudawq-aq, ngar, ngaqDa-anr nae za-euq ma.”

Yoˇhaˬ 14:31

Aerkhawf, ngar, Aqda-anr gaq-eu nga laer mirtsaqzaq yasiqni, Aqda, ngaq-anr dawq bifnaeq laf-euq lof-aer ngar mr-eu ma. Tur-awq, aqdui ir kar-eur.”

Yoˇhaˬ 15:10

Ngar-aq, ngaqDa nae bif-euq dawqdeuq-anr mrcaw-awr, aqyawf-euq gaq-eu jeq-euq lafkhoer jawrluf-eu lof-aer, nawmaf khawf, ngaq nae bif-euq dawqdeuq-anr mrcaw nar-aq, ngaq-euq gaq-eu jeq-euq lafkhoer jawrluf-eu mae.

Yoˇhaˬ 4:34

Yeqsur, aqyawf maf-anr heulof-aer aernaeq-euq mae, “Ngaq-anr khaerghae lef-euq ghaq-euq nuima tsaqni mr-awr, aqyawf-euq gar mrluiv-eu heu-aq, ngaq-euq dzaqdzaq dawrdawr ma.

Gʼaˬkʼehˇ 8:33

Aqcawq, aqyawf-anr taqnyirnaeq ngae, aqyawf-anr dawr-awr tsaq-eu lafkhoer maq darnaeq-aq. Aqyawf-euq tsuif aqsur ghaq guinaeq nmr-mq? Aqjeq mirnae aernar-aq, aqyawf-euq daef-eu jeq, mirtsaq-euq khoertav nae bi yurdzae-euq mae.” (Isy 53:7-8)

Lormav 5:19

Tsawrhaq tiq ghaq maq narhaq geuf-euq mirnae, tsawrhaq ghawqmya’ni iqbaxzaq pyeuf-ir-euq lof-aer, tsawrhaq tiq ghaq narhaq geuf-euq mirnae, tsawrhaq ghawqmya’ni tsaq-awr dawr-eu tsawrhaq pyeuflar taef-a.

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

Gaˬlaˬtiˆ 3:13

Kali-aq, aqdui-euq gharduq yaqkhaer yaqgar yadaq-euq mirnae, zanrdawq-euq lafkhoer boftaq-euq yaqkhaer yaq-eu jeq-anr nae aqdui-anr kakhof naeqlaf-euq mae. Aqjeq mirnae aernar-aq, “Arbawr-euq khoertav kharbi gheuceuq taq-euq tsawrhaq yawqghaq navluf yaqkhaer yaqgar daqluf-eu tsawrhaq mae,” (Dm 21:23) laer Yaerbof-euq lafkhoer boftaq-euq mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

HeˬByehˇ 12:4

Nawmaf, iqbax naeq-aer deuvcae caecae-aer shaqluf-eu khawf, shiq dov-eu tiv-anr maq keuvler-aq siq.

1 Beˬtuˆluˆ 2:24

Aqdui iqbax-anr shirtsaev tsaev-awr, tsaq-awr dawr-eu jeq-euq gharduq daefni, Kali-euq mawrdo-euq lafkhoer aqdui-euq iqbax pi-awr, darkawq lafyaq-euq khoertav shirdan-euq mae. Aqyawf nae ya’nar-euq markhaeq-euq baqda’nae, nawmaf taqler-euq mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.