Piˇliˇpiˆ 2:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqyawf, Miqyaer pyeuf-eu khawf, Miqyaer lof-aer pyeuf-awr di-eu jeq-anr ya nyaeftaeq taq-eu mae laer maqnoeq-aq.

Akha

⁶ Aˬ yawꞈ Miˬyehˇ-ahˇ duˇ-eu kʼawꞈ, Miˬyehˇ nehˬ-ehˇ tiˬ kawˆ ma lehˇ, yawˬ haˇ yawˬ ha maˬ tsaˬ geuꞈ-a.

Piˇliˇpiˆ 2:6 ပူးပေါင်းရင်းမြစ်များ

Maꞈtehˬ 1:23

“Hawde-eq, miqdaf dafshawr tiq ghaq, zaq tsaevler-awr, Zaqyo tiq ghaq ciq taef-a. Aqcawq, aqyawf-anr Ermaqnoeqlar laer kur taef-a” (Isy 7:14) “Ermaqnoeqlar” laer aer-eu-aq, “Miqyaer, aqdui naeq-aer jawr mae” laer aermawf-eu mae.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

Yoˇhaˬ 10:33

Yurdav tsawrhaq, aqyawf-anr aerkhof naeq-eu, “Nga’maf, nawr gar yawmuiq jeq mr-euq baqda’nae nawq-anr khaqlo biq-eu laer ghae-eu maqngeur. Nawr, tsawrhaqzaq pyeuf-eu taef khawf yaeqbawq saerlu-aer Miqyaer ma laer aer-eu mirnae, biqsaef-eu laer ghae-eu ma.”

Yoˇhaˬ 10:38

Aerkhawf, ngar mrluf-eu ngeur nar-aq, ngaq-anr maqjan-eu khawf, ngar mrluf-eu gardeuq-anr jan-awq. Khoerlof-aer nar-aq, Aqda, ngaq-euq lafkhoer jawr-awr, ngar khawf Aqda-euq lafkhoer jawr-eu nga laer nawmaf ya siqnya-awr yajan taef-a.”

Yoˇhaˬ 14:28

‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Yoˇhaˬ 14:9

Yeqsur, aqyawf-anr heulof-aer aernaeq-euq mae, “Pirlirpuv-or! Ngar, nawq naeq-aer heumyanni jawrlaf-euq khawf, nawr, ngaq-anr maq siqnya-eu le siq lor? Ngaq-anr mawr-euq tsawrhaq-aq, Aqda-anr mawr-euq mae. ‘Nga’maf-anr Aqda bimawr naeqlaf-awq’ laer nawr aqjox-aer aer-eu le?

Yoˇhaˬ 17:5

Aqda-or! Mirtsaq maqbae-euq minav-aer, ngar, nawq naeq-aer jawr ngae jav-euq yawshaef khanqsaer khoer, nymq-mr nawq naeq-aer tiqkawv lof-aer yawshaef khanqsaer biza naeqlaf-awq.

Yoˇhaˬ 20:28

Khoerngae, Tormav, aqyawf-anr aerkhof naeq-eu, “Ngaq-euq Sanqpaq, ngaq-euq Miqyaer-or!”

Yoˇhaˬ 5:18

Khoermirnae, yawbae navmaqtser, Yurdav tsawrhaq, Yeqsur-anr saef-eu laer tov-eu mae. Aqjeq mirnae aernar-aq, aqyawf-aq, landaw jawrnan-anr maq mrkhmq-eu jeq mr-euq uqtaf, Miqyaer-aq, aqyawf-euq Aqda ma laer aer-awr, aqyawf, Miqyaer naeq-aer tiqkawv dini taq-eu mae.

Yoˇhaˬ 5:23

Khoer-aq, tsawrhaq dawqtawvluf, Aqda Miqyaer-anr yawzeu baw-eu lof-aer, Zaqyo-anr khawf yawzeu bi bawlar-eu gharduq mae. Zaqyo-anr yawzeu maqbaw-eu tsawrhaq-aq, Zaqyo-anr khaerghae lef-euq Aqda Miqyaer-anr khawf yawzeu maqbaw-a.

Lormav 9:5

Aqpoeq deuq-aq, aqyawf maf-euq aqpoeq mae. Shiqshaq paw aerlef nar-aq, Kali khawf aqyawf maf-euq arjeuq arca mae. Aqyawf-aq, dawqtawv luf-euq khoertav uvlanr-awr, arsaq saq-eu maqbawni jaceuq-eu geux-eu Miqyaer mae. Aqmeq.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

1 Tiˆmoˇseˬ 1:17

Tsawrhaqzaq-anr maq mawrlar-aer, maq shirnya-eu, mqmaq maqbyav yarzir-euq Sanqpaq pyeuf-awr, aqyawf tiq ghaq taef-aer zaqsiq tsawrganr byan-eu Miqyaer-anr, li-eu maqbawni yawzeu baw-awr, aqyawf-euq yawshaef khanqsaer-anr jaceuq kar-eur. Aqmeq.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

HeˬByehˇ 1:6

Aerkhawf, aqyawf-euq huqbaw zaqyo ghaq-anr mirtsaq-euq khoertav bi’oe ngae, aqyawf heulof-aer aer-eu mae, “Miqyaer-euq mqtav ghaqkhaer dawqtawvluf, aqyawf-anr uqduq tanq-awq.” (Dm 32:43)

HeˬByehˇ 1:8

Aerkhawf, Zaqyo-euq garkawv Miqyaer heulof-aer aer-eu mae, “Miqyaer-or! Nawq-euq nuirmanq-aq, mqmaq maqbyav yarzir li-eu maqbaw-a. Nawq-euq mirkhanq-euq shmr gawqyoeq-aq, tsaq-awr dawr-eu shmr gawqyoeq mae.

HeˬByehˇ 13:8

Yeqsur Kali-aq, mirnan, iqnan hawr-eu mqmaq maqbyav yarzir tiqkawv mae.

Panmaeq 21:6

Khoerngae, aqyawf, ngaq-anr heulof-aer aernaeq laf-euq mae, “Mrluiv jir-euq ma! Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar, ircuf kharmaef-eu tsawrhaq-anr, daef-eu jeq bif-eu ircuf irbyoe-anr nae yoerdov lef-eu ircuf yawqngaef-aer bidawr ma.