Piˇliˇpiˆ 2:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² ngar laqkhaq caer-eu jeq byanlarni, nawmaf nuinoeq tiqgar bidur-awr, gaq-eu tiqkawv lof-aer bidur-eu uqtaf, nuima tiqgar gm-awr, nuinoeq tiqjeq taef-aer bipyeuf-awq.

Akha

² Kʼoeˇ miˇ neh, ngaˇ laˬ kʼaˬ cehˇ-eu jeˬ byah laˇ ni, naw maꞈ nui noeˬ tiˬ gaˇ taꞈ-awˇ, gʼoeˇ-eu gaˬ-eu jeˬ tiˬ kawˆ loꞈ-ehˇ ahˇ-awˇ, nui ma tiˬ siˬ tehꞈ-ehˇ taˬ-eu gʼaˇ duˬ, ngaˇ naw maꞈ-ahˇ shaˇ-eu ma.

Piˇliˇpiˆ 2:2 ပူးပေါင်းရင်းမြစ်များ

Jaceuq 122:8

Ngar, ngaq-euq maernmr deuq hawr-eu cawqdeuq-euq gharduq heulof-aer aer-eu ma, “Nawq-euq lafkhoer nuisar of-eu jeq jav luf-ur.”

Yoˇhaˬ 3:29

Miqshuif-anr sheuq-eu ghaq-aq, Yoshuif mae. Yoshuif-euq cawq yoshuif-euq dawqpae yawf-awr, yoshuif-euq dawq yagaq ngae, laqkhaqcaer duidui-eu mae. Khoerlof-aer durni, ngar khawf laqkhaq caer-eu jeq byan duidui mir-a.

Gʼaˬkʼehˇ 1:14

Aqyawfmaf dawqtawvluf nuima tiqgar gm-awr, guiqlanq yawkhav-aer shar-awr, maq naqlerni tanqshar luf-eu mae. Zaqmiq aqbur heumyav ghaq, Yeqsur-euq aqma Maqliv hawr-eu Yeqsur-euq maernmr deuq khawf, aqyawfmaf naeq-aer jawrluf-eu mae.

Gʼaˬkʼehˇ 2:1

Beqdeqgordeq yawbui bui-eu arnan keuvlar ngae, aqyawfmaf dawqtawvluf nuima tiqgar gm-awr, tiqgar taef-aer uiqler taq-awr jawrluf-eu mae.

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

Gʼaˬkʼehˇ 5:12

Sanqpaq Miqyaer, ghaqkhaer deuq-euq aqlaf-anr ghoe-awr, tsawrhaq ghawqmya ni-euq ghanrcae, bisiq bimawr-eu jeq hawr-eu zanqler paq-aer ghae-eu jeq ghawqmya’ni mr-euq mae. Aqyawfmaf dawqtawvluf nuima tiqsiq taef-aer taq-awr, Sorlaqmoq-euq guirgaceuq-anr uiqler-awr jawr-eu mae.

Lormav 12:16

Tiqghaq tirghaq tsaqler dzoerler-eu nuima anr-awq. Huiqmawf manrmawf-eu nuima maqanr-aer, teq-awr nyir-eu tsawrhaq deuq naeq-aer khawf cawq cawq-awq. Yawqhar yawqha tsawrganr anr-eu ma laer taqnoeq. (Dd 3:7)

1 Gawˇliˬtu 1:10

Aqyuif aqnyir deuq-or! Ngar, aqdui-euq Sanqpaq Yeqsur Kali-euq tsawrmyanr-euq uqmov nawmaf-anr heulof-aer shar-eu ma. Nawmaf dawqtawvluf tsaqler dzoerler-eu dawq ngaeq-awr, nawmaf-euq yawkaq armaf taq birpav. Nawmaf yawmuiq-aer gawfler gmler nya’ni, nuima tiqsiq taef-aer taq-awr nuinoeq tiqgar taef-aer tsaq-awq.

2 Gawˇliˬtu 13:11

Aqyuif aqnyir deuq-or! Ghawqdawq ngaeq-awr arsaqsaq ma. Nawmaf byanlar-awr, nuima sarlar-awr, nuinoeq tiqjeq taef-aer taq-eu uqtaf, tiqghaq tirghaq tsaqler dzoerler-awq. Khoerlof-aer janr nar-aq, gaq-eu jeq bif-awr nuisar bif-eu Miqyaer, nawmaf naeq-aer jawr taef-a.

2 Gawˇliˬtu 2:3

Khoermirnae, ngar oekeuv ngae, ngaq-anr laqkhaq bicaer paq-aer ghae-eu tsawrhaq, ngaq-anr bi noeqshaq-eu tsawrhaq maqya pyeuf-ir ni, ngar, nawmaf-anr sanqbof heu bofanr lef-euq ma. Ngaq-euq laqkhaq caer-eu jeq-aq, nawmaf dawqtawv luf-euq laqkhaq caer-eu jeq pyeuf taef-a laer ngar yawduqbaw luf-eu ma.

2 Gawˇliˬtu 7:7

Tirtuv larkeuv-euq mirnae taef-aer nuima sarlar-euq maqngeur-aer, aqyawf, nawmaf naeq-aer jawr ngae nuima sarlar-euq mirnae, nga’maf khawf nuima sarlar-euq mir-a. Nawmaf, ngaq-anr mawrmawf duidui-eu, nawmaf tsawrngoer ngoerluf-eu hawr-eu nawmaf, ngaq-anr nuima keuv duidui-eu garkawv heudeuq, aqyawf, ja’naeq laf-euq mirnae ngar laqkhaq caerdzaeq lar-euq mir-a.

Piˇliˇpiˆ 1:4

Ngar, nawmaf yawqghaq navluf-euq gharduq guiqlanq kharshar ngae, laqkhaq caertavni sharluf-eu ma.

Piˇliˇpiˆ 2:16

Daef-eu jeq bif-eu dawq-anr zifdanni nyaeftaeq taq-awq. Khoerlof-aer mr nar-aq, Kali-euq arnan keuvle ngae, ngaq nae caev-awr, ngaq nae mr-awr shar-euq yawqngaef maqngeur nga laer ngar laqkhaq yacaer taef-a.

Piˇliˇpiˆ 2:20

Aqjeq mirnae aernar-aq, ngaq naeq-aer nuima tiqsiq taef-aer taq-awr, nawmaf-euq gharduq nuima shawrjaevni sharnoeq naeq-eu tiqghaq-iq maqjawr-a.

Piˇliˇpiˆ 4:2

Ngar, Irbawrdir hawr-eu Surtuv-anr Sanqpaq Miqyaer-euq lafkhoer nuinoeq tiqgar tsaq-awq laer shar-eu ma.

Gawˇlawˇsehˇ 2:5

Ngaq-euq mawrdo nawmaf naeq-aer maqjawr-eu khawf, ngaq-euq nuima nawmaf naeq-aer javluf-eu ma. Nawmaf, aqyawf jeqyawf tsaqtsaqni mrluf sharluf-awr, Kali-anr zifdanni janluf-eu mirnae, ngar laqkhaqcaer mir-a.

2 Teˇsaˬloˇni 2:13

Sanqpaq Miqyaer zawr gaq-eu aqyuif aqnyir deuq-or! Nga’maf aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, Muiq-eu Saflar, nawmaf-anr lavshawr naeq-awr, nawmaf yawtsaq yawdawr-anr jan-eu mirnae kakhof-eu jeq za’ni, yawbae ngae nae Miqyaer, nawmaf-anr tserdov taq-euq mae.

2 Tiˆmoˇseˬ 1:4

Nawr myavbir dov-euq gar ngar noeqdovlar ngae, nawq-anr mawrmawf duidui mir-a. Nawq-anr ya’mawr lawnmr-aq, ngar laqkhaqcaer duiduilar taef-a.

Piˇleˇmoˬ 1:20

Euq, maernmr-or! Nawr, Sanqpaq Yeqsur-euq lafkhoer ngaq-euq gharduq yawmuiq jeq janrnaeq laf-awq. Kali-euq lafkhoer ngaq-euq nuima-anr ghaqnaq biza naeqlaf-awq.

2 Yoˇhaˬ 1:4

Aqda Miqyaer nae aqdui-anr dawq biftaq-euq lof-aer nawq-euq zaq tiqpavnav deuq yawtsaq yawdawr-euq lafkhoer daefluf-eu gar ngar ya’mawr-euq mirnae, laqkhaqcaer duidui nya.

3 Yoˇhaˬ 1:4

Ngaq-euq zaqdeuq yawtsaq yawdawr-euq lafkhoer daefluf mae laer yagaq-euq taf-aer, ngar laqkhaq caerdzaeq-eu jeq maqpar jav mir-a.