Piˇliˇpiˆ 2:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.

Akha

¹² Kʼoeˇ miˇ neh ngaˇ gaˬ-eu cawˬ deuˬ-oˇ, ngaˇ naw maꞈ nehˬ-ehˇ jawˇ ngeh ngaˬ-euˬ dawˬ-ahˇ naw maꞈ aˬ myah luꞈ naˇ haˬ geuꞈ-euˬ meh. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, ngaˬ-euˬ dawˬ-ahˇ kʼoeˇ naˆ maˬ tseˇ naˇ haˬ geuꞈ-awˬ. Naw maꞈ ka kʼoꞈ-eu jeˬ-ahˇ za nya ni, Miˬyehˇ-ahˇ guˆ-awˇ yaw dzuˬ dzuˬ-eu laꞈ kʼoeˇ leh jeh dui dui-awˬ.

Piˇliˇpiˆ 2:12 ပူးပေါင်းရင်းမြစ်များ

Jaceuq 119:120

Ngar, nawq-anr guv-eu mirnae, ngaq-euq shiqshaq yawdzuqdzuq mir-a. Nawr yarkhaq dar-eu gar ngar yawkhav-aer guv nya.

Jaceuq 2:11

Guv-eu lafkhoer Ya’we Miqyaer-euq gar mr-awr, Yawdzuq gan’gan-aer laqkhaq caer-awq.

Dawqdaq 10:16

Tsaq-awr dawr-eu tsawrhaq nae gar mr-euq khoer-aq, daef-eu jeq bi dovlar-awr, Tsawrcawv deuq nae mr-euq arpoeq-aq iqbax mae.

Dawqdaq 13:4

Nymrgawq yawdoer tsawrhaq-euq nuima saflar-aq, Geufmawf-eu khawf tiqjeq-iq maqza-ar. Aerkhawf, yawbym tiq ghaq-euq nuima saflar-aq, Tiqbyan tiqlof nuikhanr yashir taef-a.

Maꞈtehˬ 11:12

Bartirsaq mrnaeq-eu Yorhaq dovle-euq yamq-anr nae iqnan keuvni, mqtav mirkhanq za’ni deuvcae caeluf-eu mae. Nuima keuv-awr deuvcae cae-eu tsawrhaq deuq-aq, deuvza luf-eu mae.

Maꞈtehˬ 11:29

Ngar-aq, nuima nanqyuni ghae-awr nuinanq nuiyu anr-eu ma. Nawmaf, ngaq-euq khavbaf baf-awr, ngaq-anr dzawgeuf-awq. Khoerlof-aer dzawgeuf nar-aq, nawmaf-euq nuima saflar ghaqnaq za taef-a.

Gʼaˬkʼehˇ 16:29

Khoerngae, kuv-euq aqyuif ghaq miqdzaq bi keuqlef-awr, caevur ghae-awr, yawdzuq gan’gan-aer, Pawrluv hawr-eu Siqlav-euq maeqshi gabyav ghae-euq mae.

Gʼaˬkʼehˇ 9:6

Khoernar-aq, aqyawf zanqler taq-awr yawdzuq gan’gan-aer aer-eu, “Sanqpaq-or! Nawr, ngaq-anr aqjeq bi janrmawf-eu nya?” Khoerngae, Sanqpaq Yeqsur, aqyawf-anr aerkhof naeq-eu, “Tur-awr meuq-anr urler-awq. Nawr aqjeq yajanr-eu la laer aqcawq, nawq-anr aernaeqlaf taef-a.”

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

1 Gawˇliˬtu 15:58

Khoermirnae, ngar zawr gaq-eu aqyuif aqnyir deuq-or! Nuima zifdanni ghae-awr maqpov maq parlarni, aqmyanluf Sanqpaq Miqyaer-euq gar laejae-awr mr-eu tsawrhaq pyeuf-awq. Aqjeq mirnae aernar-aq, nawmaf nae Sanqpaq Miqyaer-euq gharduq mr-awr shar-eu jeq-aq, yawqngaef maqngeur-a laer siqnya-awq.

1 Gawˇliˬtu 2:3

Ngar, nawmaf naeq-aer jawr ngae, ghaq tiqpawf-iq maqanr-aer, guv duidui-eu lafkhoer yawdzuq gan’gan-aer jawr-euq ma.

1 Gawˇliˬtu 4:14

Ngar heulof-aer bof-eu-aq, nawmaf bi shafdawr-ir-eu laer maqngeur. Ngar zawr gaq-eu zaq lof-aer sawx-awr bi yanrnya lar-eu laer bof-eu ma.

2 Gawˇliˬtu 7:15

Nawmaf dawqtawvluf, aqyawf-euq dawq narhaq geuf-awr, guv-eu lafkhoer yawdzuq gan’gan-aer aqyawf-anr ha-euq gar, aqyawf noeqdovlar ngae, aqyawf, nawmaf-anr ghoerdzaeqlar luf-eu mae.

Eˇpeˇsu 6:5

Kuirlaf zaqkhav geufluf-eu deuq-or! Kali-euq aerdawq narhaq geuf-eu lof-aer, shiqshaq paw nawmaf-euq yawsanr-euq aerdawq-anr nuima shawrjaevni taq-awr, guv-awr yawdzuq dzuq-eu lafkhoer narhaq geuf-awq.

Piˇliˇpiˆ 1:27

Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.

Piˇliˇpiˆ 1:29

Aqjeq mirnae aernar-aq, nawmaf, Kali-anr janni taef-aer maqngeur-eu, aqyawf-euq gharduq daqnya’ni khawf guiqlanq bifnaeq taq-euq mae.

Piˇliˇpiˆ 1:5

Aqjeq mirnae aernar-aq, ardanqbae ngae nan-anr nae iqnan keuvni, nawmaf khawf guiqlanq dawq-anr tafler-awr nae gar cawmr luf-eu mae.

Piˇliˇpiˆ 1:6

Nawmaf-euq lafkhoer gar yawmuiq jeq mrdanq bae-euq ghaq, Yeqsur Kali-euq arnan-anr keuvni, gar heu mrluivjir taef-a laer ngar yawduq baw-eu ma.

Piˇliˇpiˆ 2:19

Ngar, nawmaf-euq garkawv yasiq-awr nuima ghaq anrlarni, ghawqmyanr maqghae-aer, Tivmorseq, nawmaf jawr-eu gar bi’oe ma laer Sanqpaq Yeqsur-euq lafkhoer noeqtmq luf-eu ma.

Piˇliˇpiˆ 4:1

Khoermirnae, ngar zawr gaq-awr, mawrmawf duidui-eu aqyuif aqnyir deuq-or! Nawmaf-aq, ngaq-euq laqkhaq caerduq hawr-eu ngaq-euq shuir uqkhov ma. Ngar gaq-eu cawqdeuq-or! Nawmaf, Sanqpaq Miqyaer-euq lafkhoer zifdanni yawf-awq.

Piˇliˇpiˆ 4:15

Pirlirpiv-anr jawr-eu deuq-or! Ngar, Maqgeqdawrniv mirkhanq-anr nae dov-ir-awr guiqlanqdawq maeqbae bae-ir ngae, pyur yurnya’ni bifnaeq laf-euq-aq, nawmaf maqngeur nar-aq, Kalizaq armur nuideuq maq bifnaeq laf-aq laer nawmaf siqnya-eu mae.

1 Teˇsaˬloˇni 1:3

Nawmaf jan-eu lafkhoer gar mrluf sharluf-awr, gaq-eu baqda’nae mrdui shar duidui-eu uqtaf, aqdui-euq Sanqpaq Yeqsur Kali-anr noeqtmq-awr nuima zif-eu mirnae, Aqda Miqyaer-euq maeqshi aqmyanluf noeqkeuvluf ma.

2 Tiˆmoˇseˬ 2:10

Khoermirnae, tserdov taq-euq tsawrhaq deuq khawf, Yeqsur Kali-euq lafkhoer anr-eu kakhof-eu jeq za’ni, ngar yawqjeq navluf-anr orluf-eu ma. Kakhof-eu jeq khoer naeq-aer tiqkawv lof-aer li-eu maqbawni zif-eu yawshaef khanqsaer khawf za taef-a.

HeˬByehˇ 12:1

Jan-eu jeq-euq garkawv sarkir kamq-eu tsawrhaq, juqkhoeq tmq-eu lof-aer aqdui-euq tiqjawq jawrluf-eu mirnae, aqdui-anr kanluf-eu yawqjeq navluf pyaeqka yaf-awr, aqdui-anr gheupaf lar-eu iqbax dawqtawvluf khawf puirdzae yaf-eu uqtaf, nuinoeq ghawqmanrni noeq-awr, aqdui-euq gharduq lavsav taq-euq garma-anr caevghae kar-eur.

HeˬByehˇ 4:1

Khoermirnae, aqyawf-euq ghaqnaq naqduq-anr urler-eu sarjax javluf ngae, nawmaf-euq lafkhoer tiqghaqnav maqya urler-eu paq laer, aqdui khawf guvkhar za-eu mae.

HeˬByehˇ 4:11

Khoermirnae, Yaerdawq maq narhaq geuf-euq deuq coq-ir-euq lof-aer, aqdui khawf maqya coq-ir ni, ghaqnaq naqduq khoer-anr ya urlerni laejae kar-eur.

HeˬByehˇ 5:9

Aqyawf khoerlof-aer byanlar-euq nar-aq, aqyawf-anr narhaq geuf-eu yawqghaq navluf-euq, li-eu maqbawni kakhof-eu jeq-euq dawqpaeq duqpur pyeuflar-euq mae.

1 Beˬtuˆluˆ 2:11

Ngar zawr gaq-eu aqyuif aqnyir deuq-or! Nawmaf-aq, aqcawq mirkhanq-anr jawrnaq mr-awr jawrzar sharpov luf-eu daqyan mae. Ngar, nawmaf-anr heulof-aer shar-eu ma, nawmaf-euq nuima saflar-anr guirdeuv deuvluf-eu shiqshaq-euq nuikhanr deuq-anr byaerdzae-awq.

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.