Piˇliˇpiˆ 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

Akha

⁷ Ngaˬ-euˬ nui ma laꞈ kʼoeˇ naw maꞈ-ahˇ aˬ myah luꞈ noeˬ keuˆ luꞈ-eu ma. Naw maꞈ-euˬ gaˇ kawˆ ngaˬ-euˬ nui ma laꞈ kʼoeˇ heu loꞈ-ehˇ noeˬ mawˇ luꞈ-eu heu-aˬ, tsaˬ dui dui-eu ma. Aˬ jeˬ miˇ neh ehˇ naˇ, nymˬ-mˇ ngaˇ tawˬ-ahˇ uˇ luꞈ ngeh maˬ ehˇ, maˬ ya uˇ leˇ mi naˆ-ehˇ, Laˬ kʼaˬ cehˇ-eu Guiˬ lahˬ dawˬ heu ziꞈ dah ni bi pyeuꞈ laˇ-eu gʼaˇ duˬ yaˇ kʼaˬ daˇ-eu deuˬ mehˬ shi ja leˇ ngeh maˬ ehˇ, Miˬyehˇ neh ngaˬ-ahˇ bi mˇ laꞈ-euˬ muiˬ-eu gaˇ heu hmˬ laꞈ kʼoeˇ naw maꞈ ngaˬ-ahˇ aˬ myah luꞈ caw ba nehˬ laꞈ-euˬ meh.

Piˇliˇpiˆ 1:7 ပူးပေါင်းရင်းမြစ်များ

Gʼaˬkʼehˇ 20:23

Aerkhawf, ngar khar irkeuv-euq meuq-euq lafkhoer, shmrcav hawr-eu shaqzanq, ngaq-anr dawqluf-eu mae laer Yawshawr Saflar, ngaq-anr byacaevni aernaeq laf-euq mae.

Gʼaˬkʼehˇ 21:33

Khoerngae, tanrdzoeq guirhuq dawqpae oe-awr, Pawrluv-anr nyaef-awr, shmrcav nyiq cav nae paf-awq laer dawq bif-euq mae. Aqyawf aqsur ghaq pyeuf-awr, aqjeq janrluf-eu la laer tanryar dzoeqda narhaq-euq mae.

1 Gawˇliˬtu 13:7

Gaq-eu jeq-aq, dawqtawv luf-anr orcoer-awr, dawqtawv luf-euq lafkhoer jancoer-eu uqtaf, dawqtawv luf-euq lafkhoer noeqtmq coer-awr, dawqtawv luf-anr daqcoer-eu mae.

1 Gawˇliˬtu 9:23

Ngar khawf, aqcawq lof-aer guiqlanq dawq-anr taf-eu guiqlanq za’ni, guiqlanq dawq-euq gharduq heudeuq dawqtawvluf mrluf-eu ma.

2 Gawˇliˬtu 3:2

Nawmaf-aq, nga’maf-euq nuima-anr boftaq-euq ciqpoeq-eu sanqbof mae. Tsawrhaq dawqtawvluf sanqbof heu-anr yagui-awr siqnya-eu mae.

2 Gawˇliˬtu 7:3

Ngar heulof-aer aer-eu-aq, nawmaf-anr yarkhaq dar-eu maqngeur. Shir khawf tiqkawv lof-aer shir-awr, daef khawf tiqkawv lof-aer yadaefni, nga’maf-euq nuima-euq lafkhoer nawmaf-anr gaq mir-a laer ngar, nawmaf-anr aernaeq dzeur-euq ma.

Gaˬlaˬtiˆ 5:6

Aqjeq mirnae aernar-aq, Yeqsur Kali-euq lafkhoer jawr-eu tsawrhaq deuq, bawkhov maeqdzaq yaeq-eu hawr-eu maqyaeq-eu-aq, tiqjeq-iq gardanr maqtsoeq-a. Aerkhawf, gaq-eu lafkhoer mrdov shardov laf-eu jan-eu jeq taef-aer gardanr tsoeq-eu mae.

Eˇpeˇsu 3:1

Ngar-aq, aqcawq tsawrjeuq tsawrca pyeuf-eu nawmaf-euq gharduq, Yeqsur Kali-euq baqda’nae, kuv-anr bi nyaefur taq-euq Pawrluv ma.

Eˇpeˇsu 4:1

Sanqpaq Yeqsur-euq gharduq kuv-anr urluf-eu ngar, nawmaf-anr heulof-aer shar-eu ma. Miqyaer, nawmaf-anr kur-euq lof-aer, kur-euq gar geuxni daef-awq.

Eˇpeˇsu 6:20

Khoer-euq gharduq, ngar shmrcav daq-awr danzar danluf-eu ma. Ngar shmrcav daqluf-eu lafkhoer, nuima khaqduqni ngaeq paq-aer ghae-eu lof-aer ngaeqnya’ni khawf, guiqlanq sharcaw naeqlaf-awq.

Piˇliˇpiˆ 1:12

Aqyuif aqnyir deuq-or! Ngaq-anr khar pyeuflar-euq jeq khoer-aq, guiqlanqdawq bikhawq-ir-eu gharduq law hawrngaq laer nawmaf-anr bi siqnya’mawf mir-a.

Piˇliˇpiˆ 1:13

Khoerlof-aer pyeuflar-euq mirnae, ngar, Kali-euq gharduq shmrcav daqluf-eu mae laer, sanqpaq-euq nymr-anr lofpir-eu deuq hawr-eu, nuideuq dawqtawvluf byacaevni siqnya-eu mae.

Piˇliˇpiˆ 1:14

Khoeruqtaf, ngar shmrcav daqluf-eu baqda’nae, Sanqpaq Yeqsur-euq lafkhoer jawr-eu aqyuif aqnyir myaqni tiqpav yawduq bawlar-awr, nuima khaqdzaeq lar-euq uqtaf, guv-eu jeq maqanrni, Yaerdawq ngaeqpeuq lar-euq mae.

Piˇliˇpiˆ 1:5

Aqjeq mirnae aernar-aq, ardanqbae ngae nan-anr nae iqnan keuvni, nawmaf khawf guiqlanq dawq-anr tafler-awr nae gar cawmr luf-eu mae.

Piˇliˇpiˆ 2:22

Aerkhawf, nawmaf, Tivmorseq aqjox-aer ghae-eu tsawrhaq la laer siqnya-eu mae. Zaqyo tiq ghaq, aqda naeq-aer gar mr-eu lof-aer, guiqlanqdawq maeq-eu gar, aqyawf, ngaq naeq-aer mrluf-eu mae.

Piˇliˇpiˆ 4:14

Aerkhawf, ngar shaqzanq daqluf ngae, nawmaf daqcaw naeqlaf-euq khoer muiq duidui nya.

Piˇliˇpiˆ 4:15

Pirlirpiv-anr jawr-eu deuq-or! Ngar, Maqgeqdawrniv mirkhanq-anr nae dov-ir-awr guiqlanqdawq maeqbae bae-ir ngae, pyur yurnya’ni bifnaeq laf-euq-aq, nawmaf maqngeur nar-aq, Kalizaq armur nuideuq maq bifnaeq laf-aq laer nawmaf siqnya-eu mae.

Piˇliˇpiˆ 4:3

Aqdir ngaq-euq gar mrcawq pyeuf-eu ghaq-or! Zaqmiq aqbur heu nyiq ghaq-anr cawba naeq-awq laer ngar, nawq-anr khawf shar-eu ma. Aqyawfnyaf, ngaq naeq-aer guiqlanqdawq maeq-eu gar mr-euq mae. Gaqleqmeq hawr-eu ngaq-euq gar mrcawq nuideuq khawf, aqyawf maf-euq tsawrmyanr Daef-eu jeq bif-eu sanqbof-euq lafkhoer bofanr taq-euq mae.

Gawˇlawˇsehˇ 4:18

Ngar Pawrluv, ngaq-euq aqlaf nae sanqbof bof-awr dawqcawq puq-eu ma. Ngar shmrcav daqluf-eu gar taqngaer de-eq. Miqyaer-euq guiqlanq yawdzanr nawmaf-euq khoertav jav luf-ur. Aqmeq.

Gawˇlawˇsehˇ 4:3

Nga’maf, Kali-euq garkawv zaftaq-euq jeq ngaeqnaeq nya’ni, Miqyaer, nga’maf-anr dawq khoer-euq gharduq larghov pannaeq lafni guiqlanq shar-awq. Khoermirnae, ngar shmrcav daqluf-eu ma.

1 Teˇsaˬloˇni 5:5

Nawmaf yawqghaq navluf yawshaef-euq zaq hawr-eu nan’ghanr-euq zaq mae. Aqdui-aq, uqcif-anr taf-eu tsawrhaq maqngeur, yawzanr-euq lafkhoer jawr-eu tsawrhaq khawf maqngeur.

2 Tiˆmoˇseˬ 1:8

Khoermirnae, aqdui-euq Sanqpaq Miqyaer-euq garkawv sarkir kamq-eu taq shafdawr, aqyawf-euq gharduq kuv-anr urluf-eu ngar baqda’nae khawf taq shafdawr. Aerkhawf, Miqyaer-euq baoq-anr ghoe-eu lafkhoer, guiqlanq dawq-eu gharduq ngaq naeq-aer tiqkawv lof-aer shaqzanq daq-awq.

2 Tiˆmoˇseˬ 2:9

Guiqlanqdawq heu baqda’nae, yawdoer jeq mr-euq tsawrhaq tiq ghaq-anr shmrcav nae paf-eu lof-aer, ngaq-anr paf-awr, ngar shaq-awr zanq-eu jeq-anr ya daqluf-eu ma. Aerkhawf, Miqyaer-euq dawq-anr shmrcav nae maq paftawf nya-a.

Piˇleˇmoˬ 1:13

Guiqlanqdawq baqda’nae, ngar kuv-anr urluf-eu yawkaq, aqyawf, nawq-euq danzar geuf-awr, ngaq-anr bi cawba-eu gharduq, ngaq naeq-aer bi jawrmawf-eu law mir-a.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

1 Beˬtuˆluˆ 4:13

Nawmaf khawf, Kali naeq-aer shaqzanq yadaq caw-eu mirnae, laqkhaq caer-awq. Aqyawf-euq yawshaef khanqsaer panmaeq naeqlaf ngae, nawmaf khawf laqkhaq yacaer duidui taef-a.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

2 Beˬtuˆluˆ 1:13

Ngar saeqghawv heu-euq lafkhoer kharjawr-eu khoerkeuvni, nawmaf-anr maqbi ngaerni, aernoeq-awr lavzor-eu tsaq taef-a laer ngar noeq-eu ma.

1 Yoˇhaˬ 3:14

Aqdui-aq, aqyuif aqnyir-anr gaq-eu mirnae, shir-eu jeq-anr nae dovlar-awr, daef-eu jeq-euq lafkhoer urler-euq ma laer siqnya ma. Yawqha-euq maernmr-anr maqgaq-eu tsawrhaq-aq, shir-eu jeq-euq lafkhoer jawrluf-a siq.