Maꞈtehˬ 9:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Yeqsur, aqyawf maf-euq nuima-euq lafkhoer noeqluf-eu jeq-anr siqnya-awr aer-eu, “Aqjeq mirnae nawmaf-euq nuima-euq lafkhoer yawdoer jeq sharnoeq luf-eu le?

Akha

⁴ Ehˇ kʼawꞈ, aˬ yawꞈ maꞈ-euˬ nui ma laꞈ kʼoeˇ noeˬ luꞈ-eu jeˬ-ahˇ Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh naw maꞈ-euˬ nui ma laꞈ kʼoeˇ maˬ muiˬ-eu jeˬ shaˇ noeˬ luꞈ te.

Maꞈtehˬ 9:4 ပူးပေါင်းရင်းမြစ်များ

Jaceuq 139:2

Nawr-aq, ngar nuir ngae hawr-eu yawf ngae khawf siqnya-eu mae; Nawr garmanr kaq-eu gar jawr-awr, ngaq-euq nuinoeq ghovshaw nya-eu mae.

Jaceuq 44:21

Miqyaer maq hawmawr-aer jav taef-a laq? Aqjeq mirnae aernar-aq, aqyawf nuima-euq lafkhoer zaftaq-euq jeq khawf siqnya-eu mae.

Maꞈtehˬ 12:25

Yeqsur, aqyawf maf-euq nuinoeq-anr siqnya-eu mirnae heulof-aer aernaeq-euq mae: “Armur birpav-awr muir-eu mirkhanq yawqkhanq navluf, mirkhanq khanqtsoeq tsoeq-ir taef-a. Armur birpav-awr muir-eu meuq yawqmeuq navluf hawr-eu nymrkhanq yawqkhanq navluf khawf maqzif-ar.

Maˬkuˆ 12:15

Nga’maf yadovnaeq mae lor, maqngeur nar-aq, maqya dov-ar laq?” Yeqsur, aqyawfmaf yawmuiq janrgeuf-eu gar siqnya-awr, aqyawf maf-anr aernaeq-eu, “Aqjeq mirnae nawmaf, ngaq-anr tsermr haw-eu le? Ngaq-anr pyur marbyav tiq byav bihaw naeqlaf sher-eq.”

Maˬkuˆ 2:8

Aqyawf maf-euq nuima-euq lafkhoer khoerlof-aer sharnoeq luf-eu, Yeqsur-euq saflar-euq lafkhoer tiqpov taef-aer aqyawf maf-euq nuinoeq siqnya-eu mirnae, heulof-aer aernaeq-euq mae, “Aqjeq mirnae nawmaf-euq nuima-euq lafkhoer teulof-aer sharnoeq luf-eu le?

Luˇkaꞈ 11:17

Aerkhawf, Yeqsur, aqyawf maf-euq nuinoeq-anr siqnya-eu mirnae, aqyawf maf-anr heulof-aer aernaeq-euq mae: “Birpav-awr muir-eu mirkhanq yawqkhanq navluf khanqtsoeq tsoeq-ir taef-a. Birpav-awr muir-eu nymrkhanq khawf pyav-ir shav-ir taef-a.

Luˇkaꞈ 5:22

Aqyawfmaf khoerlof-aer noeqluf-eu gar Yeqsur siqnya-awr aqyawf maf-anr heulof-aer aerkhof naeq-euq mae, “Nawmaf aqjeq mirnae nuima-euq lafkhoer sharnoeq sharsawx luf-eu le?

Luˇkaꞈ 6:8

Yeqsur, aqyawf maf-euq nuinoeq-anr siqnya-awr, lafshir shir-eu khoerghaq-anr aernaeq-eu, “Tur-awr heugar yawf-awq.” Khoerngae, khoerghaq turlar-awr yawf-euq mae.

Luˇkaꞈ 7:40

Khoerngae, Yeqsur, aqyawf-anr aernaeq-eu, “Sirmoq-or! Ngar, nawq-anr tiq dawq aernaeqmawf nya.” Sirmoq aer-eu, “Saqlaq-or! Aer-awq.”

Yoˇhaˬ 16:19

Khoerngae, aqyawfmaf, aqyawf-anr narhaq mawf-eu nga laer Yeqsur siqnya-awr heulof-aer aernaeq-euq mae, “ ‘Tiqkhaeq ghae nar-aq, nawmaf, ngaq-anr maqpar ya’mawr-ar. Tiqkhaeq parghae nar-aq, nawmaf, ngaq-anr ya’mawr taef-a’ laer ngar aer-eu mirnae, nawmaf tiqghaq tirghaq narhaq luf-eu le lor?

Yoˇhaˬ 16:30

Tiqghaq-iq nawq-anr tiqjeq-iq narhaq-eu laer maqya ghaeni, nawr yawqjeq navluf-anr siqnya nga laer nymq-mr nga’maf siqduq-euq ma. Khoermirnae, nawr, Miqyaer jawr-eu gar nae oe-euq ngar-a laer nga’maf jan ma.”

Yoˇhaˬ 21:17

Yeqsur, aqyawf-anr smq pov tiqpov par narhaq-eu, “Yornav-euq zaqyo Sirmoq-or! Nawr, ngaq-anr gaq ma lor?” “Nawr, ngaq-anr gaq ma lor?” laer Yeqsur, aqyawf-anr smq pov narhaq keuvlaf-euq mirnae, Beqtuvluv noeqshaq lar-awr, aqyawf-anr aerkhof naeq-eu, “Sanqpaq-or! Nawr, yawqjeq navluf siqnya-eu mae. Ngar, nawq-anr gaq-eu nawr siqnya mae.” Yeqsur, aqyawf-anr heulof-aer aernaeq-euq mae, “Ngaq-euq yawrdeuq-anr bidzaq bidawr-awq.

Yoˇhaˬ 6:61

Zaqlanr deuq garkawv khoer-anr dawqghof dovluf-eu gar Yeqsur nuima-euq lafkhoer siqnya-awr, aqyawf maf-anr heulof-aer aernaeq-euq mae, “Dawq heudawq, nawmaf-euq gharduq sanqtif tif-eu jeq pyeuf-eu nya lor?

Yoˇhaˬ 6:64

Aerkhawf, nawmaf-euq lafkhoer tiqpavnav deuq maqjan-a.” Yeqsur-aq, yawbae ngae nae, aqyawf-anr maqjan-eu tsawrhaq deuq hawr-eu aqyawf-anr anqdzaq-eu ghaq-anr khawf siqnya luf-eu mae.

Gʼaˬkʼehˇ 5:9

Khoerngae, Beqtuvluv, aqyawf-anr aernaeq-eu, “Nawnyaf aqjox-aer tiqgar gm-awr, Sanqpaq Miqyaer-euq Saflar-anr tsermr haw-eu le? Taeq, nawq-euq khaqdzerzaq-anr bafpanq-ir-euq deuq ghovkhaeq-anr ghofkeuv lar-euq ngar-a. Aqyawfmaf, nawq-anr khawf bafdovghae taef-a.”

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.