Maꞈtehˬ 7:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ “Shar-awq, shar nar-aq za taef-a. Pov-awq, pov nar-aq mawrle taef-a. Khov-awq, khov nar-aq nawmaf-anr pannaeqlaf taef-a.

Akha

⁷ “Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Maꞈtehˬ 7:7 ပူးပေါင်းရင်းမြစ်များ

Jaceuq 10:17

Ya’we Miqyaer-or! Nawr, yawshaqzaq geufmawf-eu jeq-anr yagaq-euq mae. Nawr, aqyawf maf-euq nuima laeqhmq-awr, nawq-euq naqbawr ciqkhmr-awr narhaq naeq-eu mae.

Jaceuq 10:4

Tsawrcawv-aq, nuima huiq-eu lafkhoer Miqyaer-anr maqpov-a. Aqyawf maf-euq nuinoeq dawqtawv luf-euq lafkhoer, Miqyaer-anr maq noeqkeuv-a.

Jaceuq 119:12

Ya’we Miqyaer-or! Ngar, nawq-anr jaceuq ma. Ngaq-anr nawq-euq zanrtaq khoftaq maeqnaeq laf-awq.

Jaceuq 27:8

“Ngaq-euq myavpyawq-anr pov-awq” laer nawr aer ngae, “Ya’we Miqyaer-or, ngar, nawq-euq myavpyawq-anr pov ma” laer ngaq-euq nuima, nawq-anr aernaeq-euq ma.

Jaceuq 34:4

Ngar, Ya’we Miqyaer-anr pov ngae, Aqyawf, ngaq-anr narhaq naeqlaf-awr, Ngar guv-eu jeq dawqtawv luf-anr nae, Ngaq-anr bibuq-ir naeqlaf-euq mae.

Jaceuq 37:4

Ya’we Miqyaer-euq lafkhoer laqkhaq caer-awq; Aqyawf, nawq-euq nuima geufmawf-eu jeq bifnaeqlaf taef-a.

Jaceuq 50:15

Gardzaq garkawv keuvle ngae nan, ngaq-anr kur-awq. Ngar, nawq-anr bibuq-ir-awr, nawr, ngaq-anr jaceuq taef-a.”

Jaceuq 69:32

Nuinanq nuiyu anr-eu deuq, heu-anr ya’mawr-awr laqkhaqcaer taef-a. Miqyaer-anr pov-eu nawmaf-euq nuima khawf, par daeflar taef-a.

Jaceuq 70:4

Aerkhawf, nawq-anr pov-eu tsawrhaq dawqtawvluf, Nawq-euq lafkhoer laqkhaq caer-awr lurgha caergha luf-ur. Nawq-euq kakhof-eu jeq-anr gaq-eu deuq, Aqmyanluf heulof-aer aer luf-ur, “Miqyaer-anr ciqhuiq ciqmanr ma.”

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Dawqdaq 8:17

Ngaq-anr gaq-eu tsawrhaq-anr ngar gaq-awr, Laejae-awr ngaq-anr pov-eu deuq, Ngaq-anr povmawr taef-a.

Maꞈtehˬ 18:19

“Ngar, nawmaf-anr aqdirma-aer par aernaeq nyar, mirtsaq-euq khoertav, nawmaf-euq lafkhoer tsawrhaq nyiq ghaq nuima gm-awr, tiqjeqnav shar nar-aq, mq-euq khoertav jawr-eu ngaqDa-aq, aqyawfnyaf shar-eu lof-aer aqdir bi pyeuflar taef-a.

Maꞈtehˬ 21:22

Nawmaf guiqlanqshar ngae, jan-eu nuima anr nar-aq, kharshar-eu dawqtawvluf za taef-a.”

Maꞈtehˬ 6:33

Nawmaf, Miqyaer uvlanr-eu jeq hawr-eu aqyawf-euq tsaq-awr dawr-eu jeq-anr jeqhu pov-awq. Khoerdeuq dawqtawvluf, aqyawf, nawmaf-anr biflanq naeqlaf taef-a.

Maꞈtehˬ 7:11

Nawmaf, tsawrdoer pyeuf-eu khawf, yawqha-euq zaq-anr yawmuiq jeq bif-eu siqnya-eu mae. Khoernav maqtser, mq-euq khoertav jawr-eu nawmaf-euq Aqda-aq, aqyawf-anr kharshar-eu tsawrhaq-anr yawmuiq jeq arnavni par bifnaeq nmr-mq?

Maꞈtehˬ 7:8

Aqjeq mirnae aernar-aq, kharshar-eu tsawrhaq-aq za-awr, pov-eu tsawrhaq ya’mawr-eu uqtaf, larghov-anr khov-eu tsawrhaq-anr khawf pannaeq taef-a.

Maˬkuˆ 11:24

Khoermirnae, ngar, nawmaf-anr aernaeq nyar, nawmaf guiqlanq kharshar ngae, aqjeq shar-eu maqkaq, za’ma laer nawmaf jan-awr shar nar-aq, nawmaf za taef-a.

Luˇkaꞈ 13:25

Nymrsanr ghaq tur-awr, larghov piqtaeq shaw-euq nar-aq, nawmaf lafnyir paw yawf-awr, larghov-anr khovkhov-aer danqbae-awr aer taef-a, ‘Sanqpaq-or! Sanqpaq-or! Nga’maf-anr larghov pannaeqlaf sher-eq.’ Khoerngae, ‘Ngar, nawmaf-anr maq siqnya nya. Nawmaf aqgeugar nae lar-euq maqsiq lawr’ laer aqyawf aerkhof naeqlaf taef-a.

Luˇkaꞈ 18:1

Aqyawfmaf nuima maqcawv-aer, yawqjawr navluf guiqlanq sharni, Yeqsur, aqyawf maf-anr yawjeq majeq dawq-anr nae heulof-aer maeqnaeq-euq mae:

Yoˇhaˬ 15:16

Nawmaf nae ngaq-anr tsergeuf-euq maqngeur-a. Nawmaf ir-awr, arsiq siqle-eu uqtaf, arsiq khoer zif-awr gmqni, ngaq nae nawmaf-anr tserdov-awr tsaqtsov-euq ma. Khoermirnae, nawmaf, ngaq-euq tsawrmyanr-anr ghoe-awr, Aqda-anr kharshar-eu jeq, aqyawf, nawmaf-anr bifnaeqlaf taef-a.

Yoˇhaˬ 15:7

Nawmaf, ngaq-euq lafkhoer jawr-awr, ngaq-euq dawq khawf nawmaf-euq lafkhoer anr-eu nar-aq, nawmaf geufmawf-eu lof-aer shar-awq, nawmaf-euq gharduq bi pyeuflar taef-a.

Yoˇhaˬ 4:10

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Lormav 3:11

Ghovshaw nya-eu tsawrhaq tiqghaq-iq maqjawr-aer, Miqyaer-anr sharpov-eu tsawrhaq khawf tiq ghaq taef-aer khawf maqjawr-a.

HeˬByehˇ 11:6

Jan-eu jeq maqanr nar-aq, tiqjeq ghaenae-iq Miqyaer nuikhanr shirni maq janrnya-a. Aqjeq mirnae aernar-aq, Miqyaer jawr-eu gar kharlar-eu tsawrhaq-aq, Miqyaer aqdir jawr mae laer jan-awr, laejae-awr aqyawf-anr sharpov-eu tsawrhaq-anr guiqlanq bif-eu mae laer khawf yajan-eu mae.

Yaˬkoˆ 5:15

Jan-eu lafkhoer guiqlanqshar ngae, nar-eu khoerghaq taqler-awr, Sanqpaq Miqyaer, aqyawf-anr jawrsar bi dovlar taef-a. Aqyawf iqbax mrtaq-euq jav law nar-aq, aqyawf-euq iqbax-anr pyaeqnaeq taef-a.

1 Yoˇhaˬ 3:22

Aqdui, aqyawf nae biftaq-euq dawqdeuq-anr narhaq geuf-awr, aqyawf nuima tsaq-eu lof-aer mr nar-aq, aqdui kharshar-eu yawqjeq navluf za-eu mae.