Maꞈtehˬ 7:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ “Yawshawr jeq aqkuiq-anr taq bifnaeq. Arcar carkhawf-euq saer khawf, aqzaf-euq maeqshi taq dzaenaeq. Maqngeur nar-aq, aqyawfmaf, aqkuir nae nawqpanq-awr, ghofdmr dzaelar-awr nawmaf-anr kawfpav kawfshav lar-eu baw-mr.

Akha

⁶ “Aˬ kuiˬ-ahˇ yaw muiˬ yaw shawˇ jeˬ taˬ biꞈ. Aˬ kuiˬ kʼoeˇ naw maꞈ-ahˇ kawꞈ laˇ tehꞈ-a. Aˬ zaꞈ-ahˇ aˇ caˇ caˇ kʼawꞈ sehˇ taˬ dzeh nehˬ. Aˬ zaꞈ kʼoeˇ aˇ caˇ caˇ kʼawꞈ sehˇ-ahˇ nawˬ pahˬ tehꞈ-a.

Maꞈtehˬ 7:6 ပူးပေါင်းရင်းမြစ်များ

Dawqdaq 11:22

Arghaer muiq-eu khawf, noeqdanr maqdoe-eu zaqmiq aqbur-aq, Aqzaf-euq narmaerbanq-anr, shuir-euq naqkhan bigeuf taq-euq gar dur-eu mae.

Dawqdaq 23:9

Aqdzawq argan gaqnya-eu gar, dawq taqngaeq. Aqjeq mirnae aernar-aq, Aqyawf, nawq-euq dawq-euq zaqsiq tsawrganr-anr hawdoer nya-eu mae.

Dawqdaq 26:11

Aqkuiq-aq, yawqha nae uqpaef paefdzae-euq gar par ghofkhof-ir-eu lof-aer, Aqdzawq argan khawf, yawqha-euq yawdzawq yawgan par mrpov-eu mae.

Dawqdaq 26:4

Aqdzawq argan-anr, aqyawf khardzawq khargan-eu lof-aer taq aerkhofnaeq. Maqngeur nar-aq, nawr khawf aqyawf lof-aer durlar nya-eu mae.

Maꞈtehˬ 15:26

Yeqsur aerkhof naeq-eu, “Zaq dzaqluf-eu jeq yurdov-awr, aqkuiq-anr dzaenaeq-eu maqtsaq-a.”

Maꞈtehˬ 24:10

Khoerngae, tsawrhaq ghawqmya’ni, ngaq-anr sanqtif tif-awr byaerdzae taef-a. Aqyawfmaf tiqghaq tirghaq anqdzaq-awr, tiqghaq tirghaq byae taef-a.

Maꞈtehˬ 7:5

Yawmuiq janrgeuf-eu tsawrhaq-or! Nawq-euq myavnuiv-anr anr-eu pyaqdmq jeqhu ngawqdzae-awq. Khoernar-aq, nawq-euq aqyuif aqnyir-euq myavnuiv-euq lafkhoer anr-eu myavpawf aqjox-aer paevdov-eu paq nga laer, nawq-anr mawrduqlar taef-a.

2 Gawˇliˬtu 11:26

Ngar maqmyanr kaq-anr garma dov-ir-eu, ircuf huiq-eu gar guvkhar za-eu, tanrjoe-anr guvkhar za-eu, ngaq-euq tsawrjeuq tsawrca-anr guvkhar za-eu, aqcawq tsawrjeuq tsawrca-anr guvkhar za-eu, meuq-euq lafkhoer guvkhar za-eu, bawrtsanq bawrdanr-anr guvkhar za-eu, iqmalavshav-euq lafkhoer guvkhar za-eu, aqyuif aqnyir janrgeuf-eu deuq-anr guvkhar za-eu heudeuq-anr yadaq-euq ma.

Piˇliˇpiˆ 3:2

Aqkuiq lof-aer ghae-eu tsawrhaq-anr yanr-awq. Yawdoer jeq mr-eu tsawrhaq-anr yanr-awr, yawqha-euq mawrdo-anr yaeq-awr pyaev-eu tsawrhaq-anr yanr-awq!

HeˬByehˇ 10:29

Sharnoeqhaw sher-eq. Miqyaer-euq Zaqyo-anr aqkuir-euq uqmov nawqtaeq taq-awr, yawqha-anr lavshawr-euq dawqma sarjax-euq shiq-anr, arpoeq maqbaw-eu lof-aer sawx-awr, guiqlanq yawdzanr bif-eu muiq-eu Saflar-anr yaeqbawq-aer ghae-eu tsawrhaq tiq ghaq, arnavni doerdzaeq-eu darnaeq-eu jeq-anr yadaq-eu jeq nya?

HeˬByehˇ 6:6

coq-ir nar-aq, lavshuif-eu laer maqpar noeqpov noeqpar nya-aer noeqtmqkhar maqpar za-eu mae. Aqjeq mirnae aernar-aq, aqyawfmaf, yawqha-euq gharduq, Miqyaer-euq Zaqyo-anr lafyaq-euq khoertav par taftaeq pov-awr, aqcawq-euq maeqshi daqga paq-aer janrnaeq-eu gar dur-eu mae.

2 Beˬtuˆluˆ 2:22

Aerkhawf, aqyawfmaf khoerlof-aer mr-eu-aq, tsaq-eu dawqdaq heudawq aertaq-euq lof-aer pyeuflar-euq mae, “Aqkuiq-aq, yawqha nae uqpaef paefdzae-euq gar par ghofkhof-ir-eu mae.” Hawr-eu, “Aqzaf-aq, bi dzuifshawr-euq khawf lansix-anr parlan-ir-eu mae.” (Dd 26:11)

Panmaeq 22:15

Aerkhawf, meuq-euq lafnyir-aq, aqkuiq lof-aer ghae-eu tsawrhaq, nyirpaq shavma deuq, banq-awr khaqmiq sheu-eu tsawrhaq, tsawrhaq-anr saef-eu tsawrhaq, tanqpanq aqma mawrkawr-anr uqduq tanq-eu tsawrhaq, jaqmyawf myawf-eu gar gaq-eu tsawrhaq hawr-eu jaqmyawf myawfluf-eu tsawrhaq, heulof-aer ghae-eu tsawrhaq jawr-eu mae.