Maꞈtehˬ 7:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqjeq mirnae aernar-aq, nawmaf, aqcawq-anr yarkhaq dar-eu lof-aer, aqcawq khawf, nawmaf-anr darlar taef-a. Nawmaf, aqcawq-anr paeqnaeq savnaeq-euq lof-aer, aqcawq khawf, nawmaf-anr paeqkhof savkhof naeqlaf taef-a.

Akha

² Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Maꞈtehˬ 7:2 ပူးပေါင်းရင်းမြစ်များ

Jaceuq 109:17

Aqyawf, yaqkhaer yaq-eu gar gaq-eu lof-aer, yaqkhaer yaq-eu gar bidaq-awr; Aqyawf, guiqlanq janr-eu laqkhaq maqcaer-eu lof-aer, Aqyawf-anr nae guiqlanq bikaq-ir luf-ur.

Maꞈtehˬ 6:14

“Aqcawq nae nawmaf-anr mrbanq lavbanq laf-euq deuq-anr nawmaf pyaeqnaeq nar-aq, mq-euq khoertav jawr-eu nawmaf-euq Aqda khawf, nawmaf nae mrbanq lavbanq-euq deuq-anr pyaeqnaeqlaf taef-a.

Maˬkuˆ 4:24

Khoernar-aq, Yeqsur, aqyawf maf-anr heulof-aer par aernaeq-euq mae, “Nawmaf nae kharya gaq-euq jeq-anr yanr-awq. Nawmaf, aqcawq-anr paeqnaeq savnaeq-euq lof-aer, aqcawq khawf, nawmaf-anr paeqkhof savkhof naeqlaf-eu uqtaf, nawmaf narhaq geuf-eu deuq-anr uqdzaeq biflanq naeqlaf taef-a.

Luˇkaꞈ 6:38

Nawmaf, aqcawq-anr bif-awq. Bif nar-aq, aqcawq khawf nawmaf-anr bifnaeqlaf taef-a. Khoeruqtaf, huiqdzaeq-eu khavpuq-anr nae daeqteur daeqteur-aer, ngawqteur ngawqteur-aer, byankhar-ir gar keuvni nawmaf-euq bawrkhanr-anr shaevanr naeqlaf taef-a. Aqjeq mirnae aernar-aq, nawmaf, aqcawq-anr paeqnaeq savnaeq-euq lof-aer, aqcawq khawf, nawmaf-anr paeqkhof savkhof naeqlaf taef-a.”

2 Gawˇliˬtu 9:6

Ngar heulof-aer aer ma: uicuiv taef-aer saeq-eu tsawrhaq-aq, uicuiv taef-aer yayaeq taef-a. Ghawqmya’ni saeq-eu tsawrhaq-aq, ghawqmya’ni yayaeq taef-a.

Yaˬkoˆ 2:13

Aqjeq mirnae aernar-aq, aqcawq-anr ghawqshaq maqgaq-eu tsawrhaq-anr ghawqshaq maqgaqni darnaeq taef-a. Ghawqshaq gaq-eu jeq-aq, yarkhaq dar-eu jeq-anr ghaqler-eu mae.

Panmaeq 18:6

Aqyawf nae aqcawq-anr janrnaeq-euq lof-aer, aqyawf-anr khawf janrkhof naeq-awq. Aqyawf nae mrtaq shartaq-euq taf-aer nyiq myav byanni aqyawf-anr mrkhof naeq-awq. Aqyawf nae keuq-euq khmqmaq ciq-awr, aqyawf-euq gharduq nyiq nav byanni yawtav keuqtav naeq-awq.