Maꞈtehˬ 6:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² “Khoermirnae, nawr bifnaeq gamfnaeq ngae, yawmuiq janrgeuf-eu tsawrhaq lof-aer taqmr. Aqyawf maf-aq, aqcawq bi jaceuq-eu laer zanrdawq khawqnymr-anr hawr-eu, garma doeni maeqhu paw darhae bibaw-awr bifnaeq gamfnaeq-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq mrpoeq lafsawq yawqha zadzeur-euq mae.

Akha

² “Shaˬ-eu zahˬ-eu tsawˇ haˬ deuˬ-ahˇ gamꞈ nehˬ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ, daˇ heh baw baw-ehˇ gamꞈ-eu jeˬ taˬ jahˇ. Aˬ yawꞈ maꞈ-aˬ, aˬ cawˬ bi ciˬ poeˬ-eu gʼaˇ duˬ, uˬ duˬ tahˬ nymˇ laꞈ kʼoeˇ maˬ ehˇ, gaˇ ma doe ni maˬ ehˇ, daˇ heh baw-awˇ gamꞈ nehˬ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Maꞈtehˬ 6:2 ပူးပေါင်းရင်းမြစ်များ

Jaceuq 112:9

Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Jaceuq 37:21

Tsawrcawv-aq, sharngaq sharpar-euq jeq, bifkhof tsoeqkhof-eu maqbaw-a. Aerkhawf, tsaq-awr dawr-eu tsawrhaq-aq, bif-awr ghawqshaq gaq-eu bi mawrlar-eu mae.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Dawqdaq 20:6

Tsawrhaq myaqni-aq, yawqha yawmuiq ma laer taef-aer aer-eu mae. Aerkhawf, sarjax zif-eu tsawrhaq-anr aqsur ghaq povmawr nya-eu?

Maꞈtehˬ 15:7

Yawmuiq janrgeuf-eu tsawrhaq deuq-or! Miqyaer gharduq ngaeqdan-eu Irsaqyar nae, nawmaf-euq garkawv aertaq-euq heudawq-aq, tsaq duidui-eu mae:

Maꞈtehˬ 16:3

Uqshawq paw mqnerner-awr, zanrtsuini ghae nar-aq, ‘Iqnan-aq, mqjeq jaqlaer jav-eu ngar-a’ laer nawmaf aer-eu mae. Yawmuiq janrgeuf-eu tsawrhaq deuq-or! Nawmaf, mq-anr haw-awr, uqyaer uqtsar tofnya-eu gar nae, heuyamq heulaw-anr taf-eu bisiq bimawr-eu jeq-anr maq tserpav nya-eu beu.

Maꞈtehˬ 22:18

Yeqsur, aqyawfmaf yawcawv jeq anr-eu gar siqnya-awr heulof-aer aer-eu mae, “Yawmuiq janrgeuf-eu tsawrhaq deuq-or! Aqjeq mirnae ngaq-anr tsermr haw-eu le?

Maꞈtehˬ 23:5

Aqyawfmaf kharmr kharshar-eu jeq aqcawq bimawr-eu laer taef-aer mr-eu mae. Aqyawf maf-euq narkhawr hawr-eu lafdu-anr paftawf-eu, Yaerbof-euq shaqkhov pawqbaev khoerdeuq ghawqloeni gufhuiq taq-awr, paerkhanq paerdanq-anr dawqsheur ghawqmanrni guftsof taq-euq mae.

Maꞈtehˬ 23:6

Yawbuibui ngae, khawrmaer paw nuirmawf-awr, zanrdawq khawqnymr-euq lafkhoer khanqsaer jav-eu nuirduq-anr nuirmawf-eu mae.

Maꞈtehˬ 24:51

Khoernar-aq, aqyawf-anr nyiq tsaev coertsaev-awr, yawmuiq janrgeuf-eu tsawrhaq-anr lof-aer shaqbymr bi’of taef-a. Aqyawf khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.

Maꞈtehˬ 5:18

Ngar, nawmaf-anr aqdirma-aer aernaeq nyar, mq hawr-eu mir byov-ir jir khawf, zanrdawq-euq lafkhoer-euq sanqbof tiq bof, tiq toeq taef-aer khawf maqbyov-ir-ar, dawqtawvluf ya byanlar taef-a.

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 6:3

Nawr bifnaeq gamfnaeq ngae, armar laf mrluf-eu jeq, arcar laf-anr taqbi siq.

Maꞈtehˬ 6:5

“Nawmaf guiqlanqshar ngae, yawmuiq janrgeuf-eu tsawrhaq lof-aer taqghae. Aqyawf maf-aq, aqcawq bimawr-eu laer dirdaq-aer zanrdawq khawqnymr-euq lafkhoer hawr-eu garma gartsmr-anr yawf-awr guiqlanq sharmawf-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 7:5

Yawmuiq janrgeuf-eu tsawrhaq-or! Nawq-euq myavnuiv-anr anr-eu pyaqdmq jeqhu ngawqdzae-awq. Khoernar-aq, nawq-euq aqyuif aqnyir-euq myavnuiv-euq lafkhoer anr-eu myavpawf aqjox-aer paevdov-eu paq nga laer, nawq-anr mawrduqlar taef-a.

Maˬkuˆ 12:39

Zanrdawq khawqnymr-euq lafkhoer khanqsaer javdzaeq-eu nuirduq-anr nuirmawf-awr, yawbuibui ngae muiqdzaeq-eu nuirduq-anr nuirmawf-eu mae.

Maˬkuˆ 7:6

Yeqsur, aqyawf maf-anr aerkhof naeq-eu lafkhoer heulof-aer aer-eu mae, “Yawmuiq janrgeuf-eu tsawrhaq deuq-or! Irsaqyar nae nawmaf-euq garkawv Miqyaer gharduq ngaeqdan taq-euq-aq, tsaq duidui ngar-a. Yaerbof-euq lafkhoer heulof-aer boftaq-euq mae: ‘Tsawrhaq heudeuq-aq, khaqmae, ngaq-anr taqhuiq taqmanr-eu khawf, Aqyawf maf-euq nuima, ngaq-anr nae zawr kaq-eu mae.

Luˇkaꞈ 11:41

Nawmaf kharjav-eu lof-aer aqcawq-anr gamfnaeq-awq. Gamfnaeq-euq nar-aq, yawqjeq navluf yawshawr mae.

Luˇkaꞈ 11:43

“Nawmaf Paqliqsaer deuq ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, zanrdawq khawqnymr-euq lafkhoer khanqsaer jav-eu nuirduq-anr nuir-eu gar gaq-awr, laev-anr can ngae, aqcawq nae yawzeu baw-awr dawqcawq puqlar-eu gar gaq-eu mae!

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 12:56

Yawmuiq janrgeuf-eu tsawrhaq deuq-or! Nawmaf, mirtsaq hawr-eu mq-anr haw-awr aqjeq pyeuflar-eu nga laer aernya-eu gar nae, aqjeq mirnae aryamq arlaw heu-anr maq tserpav nya-eu nya?

Luˇkaꞈ 13:15

Khoerngae, Sanqpaq Yeqsur, aqyawf-anr heulof-aer aerkhof naeq-euq mae, “Yawmuiq janrgeuf-eu tsawrhaq-or! Landaw jawrnan ngae nan, nawmaf yawqghaq navluf yawqha-euq mawrner hawr-eu manq tanqlav-anr, kuv-anr nae puir-awr, ircuf maqtsanr dawr-ir-eu le laq?

Luˇkaꞈ 20:46

“Nawmaf, zanr maeq-eu deuq-anr yanr-awq. Aqyawf maf-aq, paerkhanq paermanr dmdm-aer canmawf-eu mae. Laevkawv doeni aqcawq, aqyawf maf-anr dawqcawq puqlar-eu gar geufmawf-eu mae. Zanrdawq khawqnymr-euq lafkhoer khanqsaer jav-eu nuirduq-anr nuirmawf-awr, yawbuibui ngae, khawrmaer paw nuirmawf-eu mae.

Luˇkaꞈ 6:24

“Aerkhawf, nawmaf smrmuiq smrbaw deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf yawsar zadzeur-euq mae.

Luˇkaꞈ 6:42

Nawr, yawqha-euq myavnuiv-euq lafkhoer pyaqdmq anrluf-eu khawf, maq hawmawrni, aqjeq mirnae nawq-euq aqyuif aqnyir-anr, ‘Maernmr-or, ngar, nawq-euq myavnuiv-euq lafkhoer anr-eu myavpawf paevdovnaeq nyar’ laer aernya-eu le? Yawmuiq janrgeuf-eu tsawrhaq-or! Nawq-euq myavnuiv-anr anr-eu pyaqdmq jeqhu ngawqdov-awq. Khoernar-aq, nawq-euq aqyuif aqnyir-euq myavnuiv-euq lafkhoer anr-eu myavpawf aqjox-aer ya paevdov-eu nga laer nawq-anr mawrduqlar taef-a.

Yoˇhaˬ 13:29

Yurdav-aq, pyur pawqbaev jeqhmq-eu ghaq pyeuf-eu mirnae, aqyawfmaf, “Aqdui yawbui bui-eu gar yageuf-eu jeq zeur-ir-awq” laer Yeqsur, aqyawf-anr khaer-eu jeq nga. Maqngeur nar-aq, shaqzaq zanqzaq deuq-anr tiqjeqpaq bifnaeq-ir-eu nga laer noeq-euq mae.

Yoˇhaˬ 5:41

“Ngar-aq, tsawrhaqzaq nae taqhuiq taqmanr-euq jeq-anr maq hageuf.

Yoˇhaˬ 5:44

“Nawmaf-euq yawkaq tiqghaq tirghaq taqhuiq taqmanr-eu jeq povluf-awr, nawmaf, aqyawf tiq ghaq taef-aer Miqyaer pyeuf-eu ghaq-anr nae oe-euq taqhuiq taqmanr-eu jeq-anr maqpov-eu mirnae, nawmaf, ngaq-anr aqjox-aer jannya nmr-mq?

Yoˇhaˬ 7:18

Yawqha-anr nae dovlar-euq jeq ngaeq-eu tsawrhaq-aq, yawqha-euq yawshaef khanqsaer pov-eu mae. Aerkhawf, aqyawf-anr khaerghae lef-euq ghaq-euq yawshaef khanqsaer-anr pov-eu ghaq-aq, tsaq-awr dawr-awr, aqyawf-euq lafkhoer maqtsaq maqdawr-eu jeq maqanr-a.

Gʼaˬkʼehˇ 10:2

Aqyawf hawr-eu aqyawf-euq miqsawrzaq yawqghaq navluf Miqyaer-anr guv-awr uqduq tanq-eu tsawrhaq pyeuf-eu mae. Yawqjawr navluf mirkhanqzaq-anr gamfnaeq-awr, aqmyanluf Miqyaer-anr guiqlanq sharluf-eu mae.

Gʼaˬkʼehˇ 10:31

heulof-aer aer-eu mae: ‘Gorneqlir-or! Nawq-euq guiqlanq shardawq-anr Miqyaer gaq-awr, nawq nae gamfnaeq-euq deuq-anr khawf Miqyaer-euq maeqshi aqyawf noeqmawr luf-eu mae.

Gʼaˬkʼehˇ 10:4

Khoerngae, Gorneqlir, aqyawf-anr hawtsov taq-awr guv duidui-eu lafkhoer aer-eu, “Sanqpaq-or! Aqjeq aer-eu le?” Khoerngae, mqtav ghaqkhaer khoerghaq, aqyawf-anr heulof-aer aernaeq-euq mae: “Nawq-euq guiqlanq shardawq hawr-eu nawq nae gamfnaeq-euq jeq Miqyaer-euq maeqshi larkeuv-awr, aqyawf noeqmawr luf-eu mae.

Gʼaˬkʼehˇ 11:29

Khoerngae, zaqlanr deuq yawqha khar ghaenya-eu lof-aer, Yurdav mirkhanq-anr jawr-eu aqyuif aqnyir deuq-anr cawba-eu pyur shaghae ma laer noeqtsaev taq-euq mae.

Gʼaˬkʼehˇ 24:17

“Heumyav khof dzeur-ir-euq nar-aq, ngar, ngaq-euq tsawrjeuq tsawrca-euq shaqzaq-anr cawba-eu gharduq gamfnaeq-eu jeq hawr-eu lawrnaeq-eu jeq shaha ler-euq ma.

Gʼaˬkʼehˇ 9:36

Yurbeq meuq-anr Daqbirtav laer kur-eu zaqlanr pyeuf-euq zaqmiq aqbur tiq ghaq jawr-eu mae. Daqbirtav-aq, Dawkar laer aermawf-eu mae. Aqyawf aqmyanluf yawmuiq jeq mr-awr, gamfnaeq-eu tiq ghaq mae.

Lormav 12:8

Ghaq bif-eu lafsawq za-euq ngeur nar-aq, ghaq bif-awq. Bif-awr damq-eu lafsawq za-euq ngeur nar-aq, nuima jerloni bif-awr damq-awq. Sheuqghae-eu lafsawq za-euq ngeur nar-aq, laejae-awr sheuqghae-awq. Ghawqshaq gaq-eu lafsawq za-euq ngeur nar-aq, laqkhaq tiqcaer ghawqshaq gaqnaeq-awq.

1 Gawˇliˬtu 13:3

Ngar kharjav-eu myawqganq dawqtawvluf shaqzaq-anr bidzaq-eu laer bifjir-awr, ngaq-euq mawrdo miqdzaq-anr bi puivpeuq-eu khawf, gaq-eu jeq maqanr nar-aq, ngaq-euq gharduq tiqjeq-iq gardanr maqtsoeq-a.

Gaˬlaˬtiˆ 2:10

Aqyawfmaf, nga’maf-anr irshaqzaq-anr noeqkeuv de-eq laer shar-eu mae. Khoerlof-aer janr-eu-aq, ngar khawf nuima keuv-eu tiqjeq pyeuf-eu ma.

Eˇpeˇsu 4:28

Dzeurlaf ngae, smrkhoeq khoeq-euq tsawrhaq taqpar khoeq. Mawf-eu tsawrhaq-anr bif-eu tiqjeqnav javlarni khawf, laejae-awr yawqha-euq aqlaf nae gar yawmuiq jeq mr-awq.

1 Teˇsaˬloˇni 2:6

Nga’maf, Kali-euq ghaqkhaer pyeuf-eu mirnae, nawmaf-anr khaernya-eu khawf maqkhaer-aq. Nga’maf, tsawrhaq bifnaeq laf-eu khanqsaer-anr maqpov-aq. Nawmaf bifnaeq laf-eu gar maqaer, aqcawq bifnaeq laf-eu gar maqaer maqpov-aq.

1 Tiˆmoˇseˬ 6:18

Yawmuiq jeq mr-awr, muiq-eu gar ghawqmya jeq mr-eu uqtaf, nuima keuv-awr bif-eu taef-aer maqngeur-eu, tsawrtsir maqtsirni cawba naeq-awq.”

Piˇleˇmoˬ 1:7

Maernmr-or! Nawr gaqnya-eu mirnae nga’nyaf laqkhaqcaer duidui-awr, nuima sarlar-euq mir-a. Aqjeq mirnae aernar-aq, nawq-euq baqda’nae tsawrshawr deuq-euq nuima ghaqnaq biza-euq mae.

HeˬByehˇ 13:16

Aerkhawf, yawmuiq jeq mr-awr aqcawq-anr birnaeq pav naeq-eu jeq-anr taqngaer. Aqjeq mirnae aernar-aq, khoerlof-aer lawrnaeq-eu jeq-anr-aq, Miqyaer nuima tsaq-eu mae.

1 Beˬtuˆluˆ 4:11

Tiqghaqnav dawqngaeq ngaeq-eu ngeur nar-aq, Miqyaer-euq dawq ngaeq-eu lof-aer bingaeq-awq. Tiqghaqnav, aqcawq-anr cawba-eu gar mr-eu ngeur nar-aq, Miqyaer nae bi mrnya-euq lof-aer mr-awq. Khoerlof-aer mr nar-aq, yawqjeq navluf-euq lafkhoer Yeqsur Kali-euq baqda’nae, Miqyaer-euq yawshaef khanqsaer dovlar taef-a. Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.