Maꞈtehˬ 5:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ “Nuima shawrjaevni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawfmaf, Miqyaer-anr ya’mawr taef-a.

Akha

⁸ “Nui ma laꞈ kʼoeˇ muiˬ-eu shawˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ ya mawˇ tehꞈ-a.

Maꞈtehˬ 5:8 ပူးပေါင်းရင်းမြစ်များ

Jaceuq 15:2

Dawrcoeni can-awr, tsaq-awr dawr-eu jeq mr-eu uqtaf, Yawqha-euq nuima-euq lafkhoer yawtsaq yawdawr ngaeq-eu tsawrhaq,

Jaceuq 18:26

Nuima shawr-eu tsawrhaq-anr, nawq-euq nuima shawr-eu gar bimawr-awr; Nuighof baw-eu tsawrhaq-anr, nawq-euq yawghof jeq bimawr-eu mae.

Jaceuq 24:4

Aqlaf shawr-awr nuima shawrjaevni ghae-eu tsawrhaq, Nuima saflar, tanqpanq aqma mawrkawr-anr maq ciqnaeq-aer, Maershuir shuir-eu laer maqkamq-eu tsawrhaq mae.

Jaceuq 51:10

Miqyaer-or! Ngaq-euq lafkhoer shawr-eu nuima tiq siq bae’anr naeqlaf-awr; Ngaq-euq lafkhoer zifdanni ghae-eu saflar lavshuif naeqlaf-awq.

Jaceuq 51:6

Haeq, nawr, lafkhoer-euq yawtsaq yawdawr geufmawf-eu mae. Khoermirnae, lafkhoer zaftaq-euq pav-anr, Ngar zaqsiq tsawrganr siqnya larni maeqnaeq laf-awq.

Jaceuq 73:1

Miqyaer-aq, Irsaqleqlav-anr aqdir aqmar muiqnaeq-euq mae. Nuima shawrjaevni ghae-eu tsawrhaq-anr muiqnaeq-euq mae.

Dawqdaq 22:11

Nuima yawshawr-anr gaq-awr, Maeqluq guiqlanq yawdzanr byan-eu ghaq-aq, Sanqpaq, aqyawf-euq cawq pyeuf taef-a.

Gʼaˬkʼehˇ 15:9

Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

1 Gawˇliˬtu 13:12

Nymq-mr aqdui-aq, maq mawrshawr lar-eu pyawqhaw-anr hawluf-eu gar dur-eu mae. Aerkhawf tiqnan-aq, myavpyawq dzoer-awr ya mawrduq taef-a. Nymq-mr ngar siqnya-eu maqbyan-a. Aerkhawf, khoerngae nan keuvlar nar-aq, Miqyaer, ngaq-anr siqnya-eu lof-aer, ngar khawf tiqbyanni siqnyalar taef-a.

2 Gawˇliˬtu 7:1

Ngar zawr gaq-eu cawqdeuq-or! Aqdui sarjax heudeuq-anr zataq-euq mirnae, aqdui-euq mawrdo hawr-eu saflar-anr bi jawflar-eu yawqjeq navluf-anr tsiqshawr-awr, Miqyaer-anr guv-eu lafkhoer, yawshawr jeq bi byanlar kar-eur.

Tiˇtuˆ 1:15

Yawshawr tsawrhaq deuq-euq gharduq-aq, yawqjeq navluf yawshawr mae. Aerkhawf, maqjan-aer jawflafni ghae-eu tsawrhaq deuq-euq gharduq-aq, yawshawr tiqjeq-iq maqjav-a. Aqyawf maf-euq nuinoeq nuidur hawr-eu zaqsiq nuisiq khawf yawjawf mae.

HeˬByehˇ 10:22

Aqdui-euq mawrdo-anr ircuf irshawr nae tsiqshawr naeqlaf-awr, zaqsiq nuisiq yawdoer-anr nae aqdui-euq nuima-anr shiq juifshaeq naeqlaf-euq mirnae, dawrcoeni ghae-eu nuima anr-awr, janduq-eu jeq byan-eu lafkhoer, Miqyaer-euq maeqshi urler kar-eur.

HeˬByehˇ 12:14

Tsawrhaq yawqghaq navluf naeq-aer tsaqler dzoerlerni laejae-awr, shawrlarni khawf laejae-awq. Aqjeq mirnae aernar-aq, maqshawr nar-aq, tsawrhaq tiqghaq-iq Sanqpaq Miqyaer-anr maq mawrnya-a.

HeˬByehˇ 9:14

Kali-euq shiq, ngeurdzaeq arnavni par lavshawr nya-eu jeq nga. Aqyawf, li-eu maqbawni daef-eu muiq-eu Saflar-anr ghoe-awr, marbyawf maqbaw-eu aqyawf-euq mawrdo, Miqyaer-anr lawrnaeq-euq mae. Nawmaf, daefluf-eu Miqyaer-anr uqduqtanq nya’ni, aqyawf-euq shiq-aq, gar yawshir-anr nae nawmaf-euq zaqsiq nuisiq-anr tsiqshawr naeqlaf-eu mae.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

Yaˬkoˆ 4:8

Miqyaer-euq dawqpae taeqni jivler-awq. Jivler nar-aq, Miqyaer khawf nawmaf-euq dawqpae jivle taef-a. Iqbaxzaq-or! Nawmaf-euq aqlaf dzuifshawr-awq. Nuinoeq nyiq noeq anr-eu tsawrhaq-or! Nawmaf-euq nuima lavmuiq lavshawr-awq.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

Panmaeq 22:4

Aqyawfmaf, aqyawf-euq myavpyawq-anr ya’mawr-awr, aqyawf-euq tsawrmyanr aqyawf maf-euq narkhawr-anr boftaq taef-a.