Maꞈtehˬ 5:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ “Aqcawq-anr ghawqshaq gaqnya-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqcawq, aqyawf maf-anr ghawqshaq gaqnaeq taef-a.

Akha

⁷ “Gʼawˬ shaˬ gaˬ nya-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ gʼawˬ shaˬ gaˬ nehˬ tehꞈ-a.

Maꞈtehˬ 5:7 ပူးပေါင်းရင်းမြစ်များ

Jaceuq 112:4

Miqyaer-aq, guiqlanq yawdzanr hawr-eu, Ghawqshaq gaq-eu jeq byan-eu uqtaf, tsaq-awr dawr-eu mae. Aqyawf dawrcoeni daef-eu tsawrhaq-euq gharduq, Yawzanr-euq lafkhoer yawshaef bi byalar-eu mae.

Jaceuq 112:9

Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Jaceuq 18:25

Ghawqshaq gaqnya-eu tsawrhaq-anr, nawr ghawqshaq gaqnya-eu bimawr-awr; Aerkhar maqza-eu tsawrhaq-anr, nawr-aq, aerkhar maqza nga laer bimawr-eu mae.

Jaceuq 37:26

Aqyawf aqmyanluf ghawqshaq gaq-awr bingaq bipar-eu mae; Aqyawf-euq aryoeq deuq-aq, guiqlanq huiq-eu mae.

Dawqdaq 11:17

Ghawqshaq gaqnya-eu tsawrhaq-aq, Yawqha-euq nuima saflar-anr muiq-eu jeq mr-eu mae. Aerkhawf, ghawqshaq maq gaqnya-eu tsawrhaq-aq, Yawqha-euq shiqshaq-anr coeq-eu jeq mr-eu mae.

Dawqdaq 11:25

Nuima jerloni bifdov ghae-eu tsawrhaq-aq, bawle zale-awr, Aqcawq-anr ircuf shaeqnaeq-eu tsawrhaq-aq, Aqcawq, aqyawf-anr ircuf shaeqnaeq taef-a.

Dawqdaq 14:21

Yawqha-euq dawqpae jawr-eu tsawrhaq-anr, Hawdoer-eu tsawrhaq-aq, iqbax mr-euq mae. Aerkhawf, irshaqzaq-anr ghawqshaq gaq-eu tsawrhaq-aq, guiqlanqhuiq taef-a.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Maˬkuˆ 11:25

“Nawmaf yawf-awr guiqlanq sharluf ngae, tiqghaq nav-anr iqbax taqluf-eu gar nawmaf noeqdovlar nar-aq, aqyawf-anr iqbax pyaeqnaeq-awq. Nawmaf iqbax pyaeqnaeq nar-aq, mq-euq khoertav jawr-eu nawmaf-euq Aqda khawf, nawmaf nae mrbanq mrlaeq-euq iqbax-anr pyaeqnaeqlaf taef-a.

Luˇkaꞈ 6:35

Nawmaf-aq, nawmaf-anr muir-eu deuq-anr gaq-awr, yawmuiq jeq janrnaeq-awq. Bifkhof laf-eu gar maq noeqtmqni aqcawq-anr ngaqnaeq-awq. Khoerlof-aer janr nar-aq, nawmaf-euq mrpoeq lafsawq ghawqmya’ni jav-awr, nawmaf, Gor duidui-eu ghaq-euq zaqyo pyeuflar taef-a. Aqjeq mirnae aernar-aq, aqyawf-aq, guiqlanq-anr maq noeqmawr nya-eu tsawrhaq hawr-eu tsawrdoer deuq-anr khawf ghawqshaq gaqnaeq-eu mae.

Lormav 11:30

Khoerlof-aer durni, nawmaf, Miqyaer-euq dawq maq narhaq geuf-aq. Aerkhawf, nymq-mr-aq, Irsaqleqlav tsawrhaq, Miqyaer-euq dawq maq narhaq geuf-euq mirnae, nawmaf, Miqyaer-euq ghawqshaq gaq-eu jeq-anr za-euq mae.

1 Gawˇliˬtu 7:25

Zaqguq deuq-euq garkawv-anr tafler-awr Sanqpaq Miqyaer nae bif-euq dawq ngar maqza-aq. Aerkhawf, Sanqpaq Miqyaer, ngaq-anr ghawqshaq gaq-eu mirnae, ngaq-anr jancoer paq-aer ghae-eu tsawrhaq bi pyeuflar naeqlaf-euq lof-aer, ngaq-euq nuinoeq nawmaf-anr ja’naeq nyar.

2 Gawˇliˬtu 4:1

Miqyaer ghawqshaq gaq-eu baqda’nae, nga’maf guiqlanq-euq gar heu za-euq ma. Khoermirnae, nga’maf nuighaq maqbaq.

Eˇpeˇsu 4:32

Kali-euq lafkhoer, Miqyaer, nawmaf-anr iqbax pyaeqnaeq-euq lof-aer, nawmaf khawf tiqghaq tirghaq iqbax pyaeq-awr, nuima nanqyuni ghae-eu lafkhoer, tiqghaq tirghaq ghawqshaq gaq-awq.

Gawˇlawˇsehˇ 3:12

Nawmaf-aq, Miqyaer nae tserdov taq-awr, aqyawf zawr gaq-awr shawr-eu tsawrhaq pyeuf-eu mirnae, ghawqshaq gaq-eu, yawmuiq jeq mr-eu, nuinanq nuiyu anr-eu, nuima nanqyuni ghae-eu, nuinoeq ghawqmanrni noeq-eu, heudeuq dmdav-awq.

1 Tiˆmoˇseˬ 1:13

Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.

1 Tiˆmoˇseˬ 1:16

Aerkhawf, Yeqsur Kali arnavni orcoer-eu nga laer aqyawf panmaeqnaeq mawf-eu mirnae, ngar, aqcawq navmaqtser iqbax huiq-eu khawf, aqyawf, ngaq-anr ghawqshaq gaqnaeq laf-euq mae. Khoer-aq, arnan, aqyawf-anr jan-eu baqda’nae mqmaq maqbyav yarzir daef-eu jeq za-eu tsawrhaq deuq bi dzawgeuf-eu gharduq pyeuf-eu mae.

HeˬByehˇ 4:16

Khoermirnae, aqdui nuima khaqduqni, guiqlanq yawdzanr-euq nuirmanq-euq maeqshi urler kar-eur. Khoergar, aqdui mawf ngae yamq-anr cawba’naeq nya-eu, ghawqshaq gaq-eu jeq za-awr, guiqlanq yawdzanr-anr ya’mawr taef-a.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

Yaˬkoˆ 2:13

Aqjeq mirnae aernar-aq, aqcawq-anr ghawqshaq maqgaq-eu tsawrhaq-anr ghawqshaq maqgaqni darnaeq taef-a. Ghawqshaq gaq-eu jeq-aq, yarkhaq dar-eu jeq-anr ghaqler-eu mae.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

1 Beˬtuˆluˆ 2:10

Yawbae, nawmaf-aq, tsawrmyanr maqjav-eu tsawrjeuq tsawrca pyeuf-eu mae. Aerkhawf, nymq-mr-aq, Miqyaer-euq tsawrhaq pyeuflar-euq mae. Yawbae, nawmaf, Miqyaer-euq ghawqshaq gaq-eu jeq maqza-aq. Aerkhawf, nymq-mr-aq, ghawqshaq gaq-eu jeq za-euq mae.