Maꞈtehˬ 5:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ “Ghawqshaq-aer ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, aqyawf maf-anr bi noeqsarlar taef-a.

Akha

⁴ “Noeˬ shaˬ noeˬ zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi noeˬ saˇ laˇ tehꞈ-a.

Maꞈtehˬ 5:4 ပူးပေါင်းရင်းမြစ်များ

Luˇkaꞈ 16:25

Aqbyaqhaq heulof-aer aernaeq-euq mae, ‘Aqli-or! Nawr yawdaefdaef ngae, yawmuiq bymr yatawv-awr, Laqzaqlur-aq, yawdoer jeq za-euq gar taqngaer de-eq. Nymq-mr aqyawf heugar nuisar of-eu lafkhoer yajawr-awr, nawr-aq, shaqdui zanq duidui-eu gar ya daqluf-eu mae.

Luˇkaꞈ 6:21

“Nymq-mr nawmaf maef-awr shuf-eu tsawrhaq deuq-aq, guiqlanq huiq-eu mae. Aqjeq mirnae aernar-aq, nawmaf yadzaq ya dawrdaev taef-a. Nymq-mr tsawrngoer ngoerluf-eu nawmaf-aq, guiqlanq huiq-eu mae. Aqjeq mirnae aernar-aq, nawmaf ya’uir taef-a.

Luˇkaꞈ 6:25

“Nawmaf dzaqdaev dawrdaev luf-eu tsawrhaq deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf ya’maef yashuf taef-a. Nymq-mr nawmaf uirluf-eu tsawrhaq deuq-aq, ghawqshar shaq-aer ya ghaesaef taef-a. Aqjeq mirnae aernar-aq, nawmaf tsawrngoer ngoer-awr, yawkhav-aer ya’ngoer taef-a.

Luˇkaꞈ 7:38

Yeqsur-euq narkhan paw aqkuir-euq dawqpae yawf-awr ngoerluf-eu mae. Myavbir, Yeqsur-euq aqkuir-anr dzavaq-awr, aqyawf-euq uqduq-euq tsaerkanr nae sivgui naeq-euq mae. Khoernar-aq, Yeqsur-euq aqkuir-anr maeqsaw sawsaw-aer, yawsaw jeq laefnaeq-euq mae.

Luˇkaꞈ 7:50

Khoernar-aq, Yeqsur, zaqmiq aqbur khoerghaq-anr aernaeq-eu, “Nawr jan-eu jeq, nawq-anr bibuq-ir-euq mae. Nuisar of-eu lafkhoer ghof-ir-awq.”

Yaˬkoˆ 1:12

Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.

Panmaeq 21:4

Miqyaer, aqyawf maf-euq myavbir dawqtawv luf-anr sivdzaenaeq taef-a. Shir-eu jeq maqpar jav-aer, noeqshaq-eu jeq hawr-eu ngoer-eu jeq maqpar jav-eu uqtaf, nar-awr gawr-eu jeq khawf maqpar jav-eu mae. Aqjeq mirnae aernar-aq, yawbae jav-euq jeq dawqtawvluf byovjir-euq mae.”