Maꞈtehˬ 5:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ “Saflar-euq lafkhoer irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mqtav mirkhanq-aq, aqyawf maf-euq mae.

Akha

³ “Nui ma laꞈ kʼoeˇ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, mˬ taˆ miˇ kʼahˬ-aˬ, aˬ yawꞈ maꞈ-euˬ miˇ kʼahˬ pyeuꞈ-eu meh.

Maꞈtehˬ 5:3 ပူးပေါင်းရင်းမြစ်များ

Jaceuq 1:1

Guiqlanq huiq-eu tsawrhaq-aq, Tsawrcawv nae maeqbawq bif-euq lof-aer maqcan-aer, Iqbaxzaq-euq garma-anr maqyawf-eu uqtaf, Aqjaf jaf-eu tsawrhaq-euq nuirduq-anr maqnuir-a.

Jaceuq 112:1

Haleluya! Ya’we Miqyaer-anr guv-awr, Aqyawf-euq zanrdawq khofdawq-anr laqkhaq yawkhav-aer caer-eu tsawrhaq-aq, Guiqlanq huiq-eu mae.

Jaceuq 128:1

Ya’we Miqyaer-anr guv-awr, Aqyawf-euq garma-anr can-eu yawqghaq navluf, Guiqlanq huiq-eu mae.

Jaceuq 146:5

Yaqkov-euq Miqyaer nae bi cawba-euq tsawrhaq-aq, guiqlanq huiq-eu mae; Aqyawf-euq Miqyaer pyeuf-eu Ya’we Miqyaer-anr noeqtmq-eu tsawrhaq-aq, guiqlanq huiq-eu mae.

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Jaceuq 34:18

Ya’we Miqyaer, nuima tsawqpav taq-euq deuq-euq dawqpae jawrluf-awr, Aqyawf, nuima ghawqshaq-aer ghae-eu deuq-anr bibuq-ir-eu mae.

Jaceuq 41:1

Irshaqzaq-anr sharnoeq naeq-eu tsawrhaq-aq, guiqlanq huiq-eu mae. Gardzaq garkawv keuvle-eu aryamq-anr, Ya’we Miqyaer, aqyawf-anr bibuq-ir taef-a.

Jaceuq 51:17

Yawpav yawshav-aer ghae-eu saflar, lawrnaeq lar-eu gar, Miqyaer hageuf-eu mae. Miqyaer-or! Yawpav yawshav-aer ghae-awr laeqbymr tawv-eu nuima-anr, Nawr maq hawdoer naeqlaf-a.

Jaceuq 84:12

Guirmaf-euq Ya’we Miqyaer-or! Nawq-anr ghoe-eu tsawrhaq-aq, guiqlanq huiq-eu mae.

Dawqdaq 16:19

Nuima huiq-eu tsawrhaq naeq-aer yurgeuf-euq myawqganq birdzaq-eu navmaqtser, Tsawrshaqzaq naeq-aer nuinanq nuiyu anr-awr daef-eu-aq, muiqdzaeq-eu mae.

Dawqdaq 29:23

Tsawrhaq-euq nuima huiq-eu jeq, aqyawf-anr gheu’aw taef-a. Aerkhawf, nuinanq nuiyu anr-eu tsawrhaq-aq, taqhuiq taqmanr-eu jeq za taef-a.

Dawqdaq 8:32

“Khoermirnae, ngaq-euq zaqdeuq-or! Nymq-mr, ngaq-anr narhaq-awq. Aqjeq mirnae aernar-aq, Ngaq-euq garma-anr can-eu tsawrhaq-aq, guiqlanqhuiq taef-a.

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

Maꞈtehˬ 11:6

Ngaq-euq baqda’nae sanqtif maqtif-eu tsawrhaq-aq, guiqlanqhuiq taef-a.”

Maꞈtehˬ 13:16

Aerkhawf, nawmaf-euq myavnuiv ya’mawr-awr, nawmaf-euq naqbawr khawf yagaq-euq mirnae guiqlanq huiq-eu mae.

Maꞈtehˬ 19:14

Khoerngae, Yeqsur aer-eu, “Zaqdeuq-anr taq lavtsoeq, ngar jawr-eu gar bilar-awq. Aqjeq mirnae aernar-aq, mqtav mirkhanq-euq lafkhoer-aq, heulof-aer ghae-eu deuq yajawr-eu mae.”

Maꞈtehˬ 24:46

Aqyawf-euq yawsanr ghaq ghofle ngae, khoerlof-aer mrluf-eu kuirlaf zaqkhav ghaq-anr ya’mawr nar-aq, kuirlaf zaqkhav khoerghaq guiqlanqhuiq taef-a.

Maꞈtehˬ 25:34

Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Maꞈtehˬ 8:11

Ngar, nawmaf-anr par aernaeq nyar. Nanrma dovkhaeq, gakhaeq paw jawr-eu tsawrhaq ghawqmya’ni lar-awr, mqtav mirkhanq-euq lafkhoer, Aqbyaqhaq, Irtsav hawr-eu Yaqkov naeq-aer hawqjawq ya jawqtaf taef-a.

Maˬkuˆ 10:14

Yeqsur khoer-anr ya’mawr ngae, nuikhanr tiqpawf-iq maqshir-aer, aqyawf maf-anr heulof-aer aernaeq-euq mae, “Zaqdeuq-anr taq lavtsoeq, aqyawfmaf, ngar jawr-eu gar bilar-awq. Aqjeq mirnae aernar-aq, Miqyaer uvlanr-eu jeq-aq, heulof-aer ghae-eu tsawrhaq deuq-euq gharduq mae.

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Luˇkaꞈ 18:14

Ngar, nawmaf-anr aernaeq nyar, Paqliqsaer khoerghaq navmaqtser, jeq taf-eu khoerghaq tsaq-awr dawr-eu tsawrhaq pyeuflar-awr, irkanr ghof-ir-euq mae. Aqjeq mirnae aernar-aq, yawqhar yawqha taqhuiq-eu tsawrhaq yawqghaq navluf, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, yabi taqhuiq taef-a.”

Luˇkaꞈ 22:29

NgaqDa, ngaq-anr uvlanr-euq jeq bifnaeq laf-euq lof-aer, ngar khawf, nawmaf-anr uvlanr-eu jeq bifnaeq ma.

Luˇkaꞈ 22:30

Heulof-aer bif-eu-aq, nawmaf, ngar uvlanr-eu mirkhanq-euq lafkhoer, ngaq-euq hawqje-anr jawq-awr, dzaqtaf dawrtaf-awr, dzoeqdzaq-euq nuirmanq-anr nuir-awr, Irsaqleqlav tsawrjeuq 12 jeuq-anr yarkhaq bidar-eu gharduq ma.”

Luˇkaꞈ 4:18

“Sanqpaq Miqyaer-euq muiq-eu Saflar, ngaq-euq khoertav jawrluf-eu mae. Aqjeq mirnae aernar-aq, ngar, irshaqzaq-anr guiqlanqdawq bimaeq-eu gharduq, Aqyawf, ngaq-anr tsaqtsov naeqlaf-euq mae. Nuima nar-eu deuq-anr lavsavtaq naeq-awr, Bi paftawf taq-euq deuq-anr pyaeqnaeq-euq uqtaf, Myavbaef deuq-anr bi mawrnya lar-awr, Khaeq-awr khav-eu gar ya daqluf-eu deuq-anr pyaeqnaeq-eu hawr-eu,

Yoˇhaˬ 20:29

Yeqsur, aqyawf-anr aernaeq-eu, “Nawr-aq, ngaq-anr mawr-euq mirnae jan-eu ngar-a. Ngaq-anr maqya mawr-euq khawf jan-eu tsawrhaq-aq, guiqlanqhuiq taef-a.”

Yaˬkoˆ 1:10

Smrmuiq muiq-eu tiqghaqnav artiv ga’awle ngae khawf, laqkhaq caer-eu tsaq mae. Aqjeq mirnae aernar-aq, smrmuiq muiq-eu tsawrhaq-aq, yarmof-euq aryaev byov-ir-eu lof-aer dur-eu mae.

Yaˬkoˆ 1:12

Tsermr haw-eu jeq-anr yadaq ngae, daqcoer orcoer-eu tsawrhaq guiqlanq huiq-eu mae. Aqjeq mirnae aernar-aq, aqyawf daqdzeur ordzeurghaq ngae, daef-eu jeq-euq shuir uqkhov za taef-a. Shuir uqkhov khoer-aq, aqyawf-anr gaq-eu tsawrhaq deuq-anr bif ma laer Miqyaer nae sarjax dzaqtaq-euq shuir uqkhov mae.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Panmaeq 19:9

Khoernar-aq, mqtav ghaqkhaer khoerghaq, ngaq-anr aernaeq laf-eu, “ ‘Yawrzaq oermr bar-eu gar lar-awq laer kurtaq-euq tsawrhaq deuq-aq, guiqlanq huiq-eu mae’ laer nawr boftaq-awq.” Aqyawf, ngaq-anr paraer-eu, “Dawq heudawq-aq, aqdir aqmar Miqyaer nae ngaeq-euq dawq mae.”

Panmaeq 22:14

Aqyawf nae biftaq-euq dawqdeuq-anr mrcaw-eu tsawrhaq deuq-aq, guiqlanqhuiq taef-a. Aqyawfmaf daef-eu jeq bif-eu arbawr za’nya-awr, meuq-euq lanrkhaeq-anr nae meuq-anr ya urle taef-a.

Panmaeq 3:17

Nawr aer-eu, ‘Ngar-aq, smrmuiq smrbaw ma. Pyurshuir myawqganq javganq-awr, tiqjeq-iq maqnym.’ Aerkhawf, nawr-aq, shaqdui zanq duidui-awr ghawqshaq gaqlar paq-aer ghae-eu, irshaq irkov pyeuf-awr, myavbaef baef-eu uqtaf, nermyawvni ghae-eu gar nawr maq siqnya-a.